Rohtak ਦੇ ਪੀ.ਜੀ.ਆਈ. ’ਚ ਪਾਵਰ ਲਿਫਟਰ ਰੋਹਿਤ ਨੇ ਤੋੜਿਆ ਦਮ
ਵਿਆਹ ਸਮਾਗਮ ’ਚ ਬਦਸਲੂਕੀ ਦਾ ਕੀਤਾ ਸੀ ਵਿਰੋਧ
ਰੋਹਤਕ : ਪਾਵਰ ਲਿਫਟਿੰਗ ’ਚ ਸੱਤ ਵਾਰ ਦੇ ਨੈਸ਼ਨਲ ਜੇਤੂ ਖਿਡਾਰੀ ਰੋਹਿਤ ਧਨਖੜ ਦੀ ਭਿਵਾਨੀ ਦੇ ਵਿਆਹ ਸਮਾਰੋਹ ’ਚ ਪਿੰਡ ਤਿਗੜਾਨਾ ਦੇ ਨੌਜਵਾਨਾਂ ਨੇ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ। ਦੋ ਦਿਨ ਬਾਅਦ ਰੋਹਤਕ ਦੇ ਪੀ.ਜੀ.ਆਈ. ’ਚ ਰੋਹਿਤ ਨੇ ਦਮ ਤੋੜ ਦਿੱਤਾ। ਜ਼ਿਕਰਯੋਗ ਹੈ ਕਿ ਪਾਵਰ ਲਿਫਟਰ ਰੋਹਿਤ ਨੂੰ ਭਿਵਾਨੀ ਦੇ ਇਕ ਵਿਆਹ ਸਮਾਰੋਹ ਦੌਰਾਨ ਕੁੱਝ ਨੌਜਵਾਨਾਂ ਵੱਲੋਂ ਕੁੱਟ-ਕੁੱਟ ਕੇ ਅਧਮੋਇਆ ਕਰ ਦਿੱਤਾ ਗਿਆ ਸੀ, ਜਿਸ ਦੀ ਇਲਾਜ ਦੌਰਾਨ ਅੱਜ ਮੌਤ ਹੋ ਗਈ ਜਦਕਿ 8 ਸਾਲ ਪਹਿਲਾਂ ਰੋਹਿਤ ਦੇ ਪਿਤਾ ਦੀ ਮੌਤ ਹੋ ਚੁੱਕੀ ਹੈ।
ਬੀਤੀ 27 ਸਤੰਬਰ ਨੂੰ ਰੋਹਿਤ ਆਪਣੇ ਦੋਸਤ ਦੇ ਨਾਲ ਉਸਦੀ ਰਿਸ਼ਤੇਦਾਰੀ ’ਚ ਵਿਆਹ ਸਮਾਗਮ ’ਚ ਸ਼ਾਮਲ ਹੋਣ ਲਿਆ ਗਿਆ ਸੀ। ਵਿਆਹ ਪ੍ਰੋਗਰਾਮ ਦੌਰਾਨ ਬਰਾਤੀਆਂ ਦੇ ਘਟੀਆ ਵਿਵਹਾਰ ’ਤੇ ਇਤਰਾਜ਼ ਕਰਨ ’ਤੇ ਰੋਹਿਤ ਅਤੇ ਬਰਾਤੀਆਂ ਦਰਮਿਆਨ ਝਗੜ ਹੋ ਗਿਆ। ਵਿਆਹ ਸਮਾਗਮ ਸਮਾਪਤ ਹੋਣ ਤੋਂ ਬਾਅਦ ਰੋਹਿਤ ਅਤੇ ਉਸਦਾ ਦੋਸਤ ਰੋਹਤਕ ਵਾਪਸ ਪਰਤ ਰਹੇ ਸਨ ਅਤੇ ਰਸਤੇ ’ਚ 15-20 ਬਰਾਤੀਆਂ ਨੇ ਉਸ ਨੂੰ ਘੇਰ ਲਿਆ । ਦੋਸਤ ਯਤੀਨ ਦੇ ਅਨੁਸਾਰ ਬਰਾਤੀਆਂ ਵੱਲੋਂ ਰੋਹਿਤ ’ਤੇ ਲੋਹ ਦੀ ਰਾਡ ਅਤੇ ਹਾਕੀਆਂ ਨਾਲ ਹਮਲਾ ਕਰ ਦਿੱਤਾ, ਜਿਸ ਦੇ ਚਲਦਿਆਂ ਰੋਹਿਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਜਦਕਿ ਉਸ ਦਾ ਦੋਸਤ ਮਸਾਂ ਜਾਨ ਬਚਾ ਕੇ ਭੱਜਿਆ। ਜ਼ਖਮੀ ਹਾਲਤ ’ਚ ਰੋਹਿਤ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਜਿੱਥੇ ਉਸ ਦੀ ਇਲਾਜ ਦੌਰਾਨ ਮੌਤ ਹੋ ਗਈ।