ਮੈਕਸਿਕੋ, 17 ਫ਼ਰਵਰੀ : ਮੈਕਸਿਕੋ ਦੇ ਦੱਖਣ ਅਤੇ ਮੱਧ ਹਿੱਸੇ 'ਚ ਸਨਿਚਰਵਾਰ ਨੂੰ ਤੇਜ਼ ਰਫ਼ਤਾਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ, ਜਿਸ ਕਾਰਨ ਇਮਾਰਤਾਂ ਹਿੱਲਣ ਲੱਗੀਆਂ ਸਨ। ਭੂਚਾਲ ਦੀ ਤੀਬਰਤਾ 7.2 ਮਾਪੀ ਗਈ। ਫਿਲਹਾਲ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਮਿਲੀ ਹੈ। ਭੂਚਾਲ ਦਾ ਕੇਂਦਰ ਦੱਖਣ ਸੂਬੇ ਓਕਸਾਕਾ 'ਚ ਪ੍ਰਸ਼ਾਂਤ ਤਟ ਨੇੜੇ ਜ਼ਮੀਨ 'ਚ 43 ਕਿਲੋਮੀਟਰ ਅੰਦਰ ਸੀ। ਜਿਵੇਂ ਹੀ ਤੇਜ਼ ਝਟਕੇ ਮਹਿਸੂਸ ਹੋਏ, ਡਰੇ-ਸਹਿਮੇ ਲੋਕ ਘਰਾਂ, ਦਫ਼ਤਰਾਂ ਅਤੇ ਇਮਾਰਤਾਂ ਤੋਂ ਨਿਕਲ ਕੇ ਬਾਹਰ ਖੁਲ੍ਹੇ ਮੈਦਾਨ 'ਚ ਇਕੱਤਰ ਹੋ ਗਏ।