ਕਾਬੁਲ, 24 ਫ਼ਰਵਰੀ : ਅਫ਼ਗ਼ਾਨਿਸਤਾਨ 'ਚ ਵੱਖ-ਵੱਖ ਹਮਲਿਆਂ 'ਚ ਸਨਿਚਰਵਾਰ ਨੂੰ 23 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਜ਼ਖ਼ਮੀ ਹੋ ਗਏ। ਅਧਿਕਾਰੀਆਂ ਮੁਤਾਬਕ ਸੱਭ ਵੱਡਾ ਹਮਲਾ ਪਛਮੀ ਸੂਬੇ ਫਰਾਹ ਸਥਿਤ ਫ਼ੌਜੀ ਕੈਂਪ 'ਤੇ ਹੋਇਆ। ਤਾਲਿਬਾਨੀ ਅਤਿਵਾਦੀਆਂ ਦੇ ਹਮਲੇ 'ਚ 18 ਫ਼ੌਜੀਆਂ ਦੀ ਮੌਤ ਹੋ ਗਈ।ਰਖਿਆ ਮੰਤਰਾਲਾ ਦੇ ਬੁਲਾਰੇ ਦੌਲਤ ਵਜ਼ੀਰ ਨੇ ਕਿਹਾ, ''ਫਰਾਹ ਦੇ ਬਾਲਾ ਬੁਲੁਕ ਜ਼ਿਲ੍ਹੇ 'ਚ ਸਥਿਤ ਫ਼ੌਜੀ ਕੈਂਪ 'ਤੇ ਵੱਡਾ ਅਤਿਵਾਦੀ ਹਮਲਾ ਹੋਇਆ। ਇਸ 'ਚ 18 ਫ਼ੌਜੀਆਂ ਦੀ ਮੌਤ ਹੋ ਗਈ ਅਤੇ ਦੋ ਜ਼ਖ਼ਮੀ ਹੋ ਗਏ।'' ਤਾਲਿਬਾਨ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।