ਸਾਡਾ ਵਿਸ਼ਵਾਸ ਜੋੜਨ ਵਿਚ ਹੈ, ਤੋੜਨ ਵਿਚ ਨਹੀਂ
ਦਾਵੋਸ, 23 ਜਨਵਰੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਲਵਾਯੂ ਬਦਲਾਅ ਅਤੇ ਅਤਿਵਾਦ ਨੂੰ ਅੱਜ ਦੁਨੀਆਂ ਸਾਹਮਣੇ ਸੱਭ ਤੋਂ ਵੱਡੀ ਚਿੰਤਾ ਦਸਿਆ। ਇਥੇ ਵਿਸ਼ਵ ਆਰਥਕ ਮੰਚ (ਡਬਲਿਊਈਐਫ਼) ਦੇ ਉਦਘਾਟਨੀ ਇਜਲਾਸ ਨੂੰ ਸੰਬੋਧਨ ਕਰਦਿਆਂ ਮੋਦੀ ਨੇ ਭਾਰਤ ਦੀਆਂ ਆਰਥਕ ਨੀਤੀਆਂ ਵਿਚ ਸੁਧਾਰ ਲਈ ਅਪਣੀ ਸਰਕਾਰ ਦੁਆਰਾ ਚੁਕੇ ਗਏ ਕਦਮਾਂ ਅਤੇ ਦੇਸ਼ ਵਿਚ ਨਿਵੇਸ਼ ਦੇ ਬਿਹਤਰ ਮੌਕਿਆਂ ਬਾਰੇ ਦਸਿਆ। ਪ੍ਰਧਾਨ ਮੰਤਰੀ ਨੇ ਸੰਸਾਰ ਦੇ ਹਾਲਾਤ ਬਾਰੇ ਭਾਰਤ ਦਾ ਵਿਆਪਕ ਦ੍ਰਿਸ਼ਟੀਕੋਣ ਵੀ ਪੇਸ਼ ਕੀਤਾ। ਉਨ੍ਹਾਂ ਕਿਹਾ ਕਿ ਜਲਵਾਯੂ ਤਬਦੀਲੀ, ਅਤਿਵਾਦ ਅਤੇ ਦੇਸ਼ਾਂ ਦਾ ਆਤਮਕੇਂਦਰਤ ਹੋਣਾ ਤਿੰਨ ਵੱਡੀਆਂ ਚੁਨੌਤੀਆਂ ਹਨ। ਮੋਦੀ ਇਸ ਸੰਮੇਲਨ ਨੂੰ ਸੰਬੋਧਨ ਕਰਨ ਵਾਲੇ ਪਹਿਲੇ ਭਾਰਤੀ ਪ੍ਰਧਾਨ ਮੰਤਰੀ ਬਣ ਗਏ ਹਨ। ਮੋਦੀ ਨੇ ਕਿਹਾ ਕਿ ਅਤਿਵਾਦ ਖ਼ਤਰਨਾਕ ਹੈ ਪਰ ਚੰਗੇ ਅਤਿਵਾਦ ਅਤੇ ਬੁਰੇ ਅਤਿਵਾਦ ਵਿਚਕਾਰ ਸੂਖਮ ਭੇਦ ਪੈਦਾ ਕੀਤਾ ਜਾਣਾ ਓਨਾ ਹੀ ਖ਼ਤਰਨਾਕ ਹੈ। ਮੋਦੀ ਨੇ ਕਿਹਾ ਕਿ ਅਤਿਵਾਦ ਦੀ ਸਮੱਸਿਆ ਸਬੰਧੀ ਭਾਰਤ ਦੇ ਰੁਖ਼ ਬਾਰੇ ਸਾਰੇ ਜਾਣਦੇ ਹਨ, ਇਸ ਲਈ ਇਸ ਮੁੱਦੇ ਦੇ ਵਿਸਥਾਰ ਵਿਚ ਉਹ ਨਹੀਂ ਜਾਣਾ ਚਾਹੁੰਦੇ।
ਸਾਡਾ ਵਿਸ਼ਵਾਸ ਜੋੜਨ ਵਿਚ ਹੈ, ਤੋੜਨ ਵਿਚ ਨਹੀਂਸਾਡਾ ਵਿਸ਼ਵਾਸ ਜੋੜਨ ਵਿਚ ਹੈ, ਤੋੜਨ ਵਿਚ ਨਹੀਂ