ਕੈਨੇਡਾ ਦੇ ਪ੍ਰਧਾਨਮੰਤਰੀ 8 ਦਿਨਾਂ ਦੇ ਭਾਰਤ ਦੌਰੇ 'ਤੇ ਆਏ ਹੋਏ ਹਨ। ਜਿਥੇ ਉਹਨਾਂ ਨੇ ਮਾਇਆ ਨਗਰੀ ਮੁੰਬਈ ਦਾ ਵੀ ਦੌਰਾ ਕੀਤਾ ਅਤੇ ਮਾਇਆ ਨਗਰੀ ਆ ਕੇ ਟਰੂਡੋ ਬਾਦਸ਼ਾਹ ਖ਼ਾਨ ਦੇ ਨਾਲ ਮੁਲਾਕਾਤ ਨਾ ਕਰਨ ਇਹ ਤਾਂ ਹੋ ਨਹੀਂ ਸਕਦਾ।
ਜੀ ਹਾਂ ਬੀਤੇ ਦਿਨੀ ਮੁੰਬਈ ਦੇ ਵਿਚ ਜਸਟਿਨ ਟਰੂਡੋ ਨੇ ਪੂਰੇ ਪਰਿਵਾਰ ਦੇ ਨਾਲ ਸ਼ਾਹਰੁਖ ਖਾਨ ਅਤੇ ਹੋਰ ਫ਼ਿਲਮੀ ਸਿਤਾਰਿਆਂ ਨਾਲ ਮੁਲਾਕਾਤ ਕੀਤੀ। ਸ਼ਾਹਰੁਖ ਅਤੇ ਟਰੂਡੋ ਦੀ ਮੁਲਾਕਾਤ ਕੈਨੇਡਾ - ਇੰਡੀਆ ਏ ਸੈਲੀਬ੍ਰੇਸ਼ਨ ਆਫ ਫਿਲਮ ਸਮਾਗਮ ਦੌਰਾਨ ਹੋਈ।
ਇਸ ਮੌਕੇ ਟਰੂਡੋ ਸ਼ਾਹਰੁਖ ਦੇ ਨਾਲ-ਨਾਲ ਆਮਿਰ ਖ਼ਾਨ ਅਤੇ ਅਨੁਪਮ ਖੇਰ, ਫਰਹਾਨ ਅਖਤਰ ,ਆਰ ਮਾਧਵਨ ਸਮੇਤ ਕਈ ਫ਼ਿਲਮੀ ਹਸਤੀਆਂ ਨੇ ਟਰੂਡੋ ਅਤੇ ਪਰਿਵਾਰ ਦਾ ਸਵਾਗਤ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਜਸਟਿਨ ਟਰੂਡੋ ਇਥੇ ਹੋਰ ਵੀ ਕਾਰੋਬਾਰੀਆਂ ਨਾਲ ਮਿਲੇ ਅਤੇ ਖੁਸ਼ੀ ਜ਼ਾਹਿਰ ਕੀਤੀ।