ਬੀਜਿੰਗ, 20 ਨਵੰਬਰ : ਚੀਨ ਦੀ ਫ਼ੌਜ 'ਚ ਅਗਲੇ ਸਾਲ ਇਕ ਹੋਰ ਮਿਜ਼ਾਈਲ ਸ਼ਾਮਲ ਹੋ ਸਕਦੀ ਹੈ। ਇਹ ਮਿਜ਼ਾਈਲ ਲੰਮੀ ਦੂਰੀ ਤਕ ਮਾਰ ਕਰਨ ਵਾਲੀ ਇੰਟਰਕੌਂਟੀਨੈਂਟਲ ਬੈਲਿਸਟਿਕ ਮਿਜ਼ਾਈਲ ਹੈ, ਜੋ ਪੂਰੀ ਦੁਨੀਆ ਦੇ ਕਿਸੇ ਵੀ ਕੋਨੇ 'ਚ ਨਿਸ਼ਾਨਾ ਲਗਾ ਸਕਦੀ ਹੈ। ਇਹ ਮਿਜ਼ਾਈਲ ਚੀਨ ਦੀ ਨੈਕਸਟ ਜੈਨਰੇਸ਼ਨ ਦੀ ਮਿਜ਼ਾਈਲ ਹੈ, ਜੋ ਅਗਲੇ ਸਾਲ ਚੀਨ ਦੀ ਫ਼ੌਜ 'ਚ ਸ਼ਾਮਲ ਹੋ ਸਕਦੀ ਹੈ। ਜਾਣਕਾਰੀ ਅਨੁਸਾਰ ਇਹ ਮਿਜ਼ਾਈਲ ਪ੍ਰਮਾਣੂ ਹਥਿਆਰਾਂ ਨੂੰ ਇਕੱਠੇ ਲਿਜਾਣ 'ਚ ਸਮਰਥ ਹੋਵੇਗੀ। ਇਸ ਮਿਜ਼ਾਈਲ ਨੂੰ 'ਤੂੰਗਫੂੰਗ-41' ਨਾਂ ਦਿਤਾ ਗਿਆ ਹੈ। ਇਹ ਦੁਸ਼ਮਣਾਂ ਦੀ ਮਿਜ਼ਾਈਲ ਚਿਤਾਵਨੀ ਅਤੇ ਰਖਿਆ ਪ੍ਰਣਾਲੀ ਨਾਲ ਨਜਿੱਠਣ 'ਚ ਸਮਰਥ ਹੈ। ਇਸ ਦੀ ਰਫ਼ਤਾਰ ਮੈਕ 10 ਮਤਲਬ ਆਵਾਜ਼ ਦੀ ਰਫ਼ਤਾਰ ਤੋਂ 10 ਗੁਣਾ ਤੇਜ਼ ਹੈ। ਇਸ ਦਾ ਮਤਲਬ ਹੈ ਕਿ ਇਸ ਦੀ ਰਫ਼ਤਾਰ ਲਗਭਗ 12,900 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।