ਮੁੰਬਈ, 9 ਦਸੰਬਰ: ਮੁੰਬਈ, 9 ਦਸੰਬਰ: ਮੁੰਬਈ ਦੇ ਇਕ ਕਾਰੋਬਾਰੀ ਨੇ ਸ਼ਿਕਾਇਤ ਕੀਤੀ ਹੈ ਕਿ ਕੁੱਝ ਲੋਕਾਂ ਨੇ ਗੈਂਗਸਟਰ ਦਾਊਦ ਇਬਰਾਹਿਮ ਦੇ ਨਾਂ 'ਤੇ ਉਸ ਤੋਂ ਛੇ ਕਰੋੜ ਰੁਪਏ ਦੀ ਫਿਰੌਤੀ ਮੰਗੀ ਹੈ। ਉਸ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਜ਼ਬਰਦਸਤੀ ਵਸੂਲੀ ਅਤੇ ਜ਼ਮੀਨ 'ਤੇ ਜ਼ਬਰਦਸਤੀ ਕਬਜ਼ਾ ਕਰਨ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਿਸ ਮੁਤਾਬਕ 59 ਸਾਲਾਂ ਦੇ ਅੰਧੇਰੀ ਵਾਸੀ ਕਾਰੋਬਾਰੀ ਅਲੀ ਸਿੱਦੀਕੀ ਕੋਲ ਵਸਈ ਦੇ ਵਲਿਵ ਇਲਾਕੇ 'ਚ ਪੰਜ ਏਕੜ ਜ਼ਮੀਨ ਹੈ। ਕੁੱਝ ਲੋਕਾਂ ਨੇ ਇਸ ਸਾਲ ਜ਼ਮੀਨ 'ਤੇ ਕਬਜ਼ਾ ਕਰ ਲਿਆ। ਜਦੋਂ ਸਿੱਦੀਕੀ ਨੇ ਜ਼ਮੀਨ ਖ਼ਾਲੀ ਕਰਨ ਲਈ ਕਿਹਾ ਤਾਂ ਉਸ ਤੋਂ ਫਿਰੌਤੀ ਦੀ ਮੰਗ ਕੀਤੀ ਗਈ। ਰੌਸ਼ਨ ਮੁਤਾਬਕ ਸਿੱਦੀਕੀ ਨੇ ਦੋਸ਼ ਲਾਇਆ ਕਿ ਸਮੂਹ ਨੇ ਦਾਊਦ ਇਬਰਾਹਿਮ ਲਈ ਪੰਜ ਕਰੋੜ ਅਤੇ ਅਪਣੇ ਲਈ ਇਕ ਕਰੋੜ ਰੁਪਏ ਦੀ ਮੰਗ ਕੀਤੀ। ਪੁਲਿਸ ਨੇ ਕਿਹਾ ਕਿ ਮਾਮਲੇ 'ਚ ਅਗਲੇਰੀ ਜਾਂਚ ਜਾਰੀ ਹੈ। (ਪੀਟੀਆਈ)