ਟੋਰਾਂਟੋ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਪਤਨੀ ਮੇਲਾਨੀਆ ਟਰੰਪ ਨੇ ਕੈਨੇਡਾ ਦੌਰੇ ਦੌਰਾਨ ਬ੍ਰਿਟੇਨ ਦੇ ਪ੍ਰਿੰਸ ਹੈਰੀ ਨੂੰ ਵ੍ਹਾਈਟ ਹਾਊਸ ਆਉਣ ਦਾ ਸੱਦਾ ਦਿੱਤਾ ਹੈ। 47 ਸਾਲਾ ਮੇਲਾਨੀਆ ਅਮਰੀਕਾ ਦੀ ਪ੍ਰਥਮ ਮਹਿਲਾ ਬਣਨ ਤੋਂ ਬਾਅਦ ਪਹਿਲੀ ਵਾਰ ਇਕੱਲੇ ਹੀ ਕੌਮਾਂਤਰੀ ਦੌਰੇ 'ਤੇ ਗਈ ਹੈ। ਉਹ ਜ਼ਖਮੀ ਜਵਾਨਾਂ ਲਈ 'ਇਨਵਿਕਟਸ ਗੇਮਜ਼' ਦੇ ਉਦਘਾਟਨ ਸਮਾਰੋਹ ਲਈ ਕੱਲ੍ਹ ਭਾਵ ਸ਼ਨੀਵਾਰ ਨੂੰ ਇੱਥੇ ਪਹੁੰਚੀ। ਮੇਲਾਨੀਆ ਨੇ ਸ਼ਨੀਵਾਰ ਦੀ ਸ਼ਾਮ ਨੂੰ ਖੇਡ ਦਾ ਉਦਘਾਟਨ ਕੀਤਾ। ਇਸ ਦੌਰਾਨ ਮੇਲਾਨੀਆ ਦੀ ਮੁਲਾਕਾਤ ਪ੍ਰਿੰਸ ਹੈਰੀ ਨਾਲ ਹੋਈ।