ਵਾਸ਼ਿੰਗਟਨ : ਜੇਕਰ ਤੁਸੀਂ ਐਲਬਰਟ ਆਇੰਸਟੀਨ ਜਿੰਨੇ ਪ੍ਰਭਾਵਸ਼ਾਲੀ ਹੋ ਤਾਂ ਤੁਸੀਂ ਅਮਰੀਕਾ ਜਾ ਕੇ ਰਹਿ ਸਕਦੇ ਹੋ, ਕਿਉਂਕਿ ਅਮਰੀਕਾ ਇਸ ਦੇ ਲਈ ਈ. ਬੀ.-1 ਵੀਜ਼ਾ ਜਾਰੀ ਕਰਦਾ ਹੈ, ਸ਼ਰਤ ਸਿਰਫ ਇੰਨੀ ਹੈ ਕਿ ਤੁਹਾਡੇ 'ਚ 'ਅਸਾਧਾਰਨ ਯੋਗਤਾ' ਹੋਣੀ ਚਾਹੀਦੀ ਹੈ। ਈ. ਬੀ.-1 ਨੂੰ ਆਇੰਸਟੀਨ ਵੀਜ਼ਾ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਅਮਰੀਕੀ ਸਰਕਾਰ ਇਸ ਨੂੰ ਪੁਲਤਿਜ਼ਰ ਪੁਰਸਕਾਰ, ਆਸਕਰ ਅਵਾਰਡ ਅਤੇ ਓਲੰਪਿਕ ਮੈਡਲ ਜੇਤੂਆਂ ਦੇ ਨਾਲ-ਨਾਲ ਸਨਮਾਨਿਤ ਅਕਾਦਮਿਕ ਖੋਜਕਾਰਾਂ ਅਤੇ ਬਹੁ-ਰਾਸ਼ਟਰੀ ਕੰਪਨੀਆਂ ਦੇ ਅਧਿਕਾਰੀਆਂ ਨੂੰ ਦਿੰਦੀ ਹੈ। ਇਸ ਵੀਜ਼ੇ ਨੂੰ ਹਾਸਲ ਕਰਨ ਲਈ ਤੁਹਾਨੂੰ 'ਅਸਾਧਾਰਨ ਯੋਗਤਾ' ਦਾ ਪ੍ਰਮਾਣ ਪੱਤਰ ਵੀ ਦੇਣਾ ਹੁੰਦਾ ਹੈ।