ਵੈਨਕੁਵਰ: ਕੈਨੇਡਾ ਦੇ ਸ਼ਹਿਰ ਵੈਨਕੁਵਰ ਦਾ ਇਕ ਸੰਗੀਤਕਾਰ ਜਾਪਾਨ 'ਚ 7 ਮਿਲੀਅਨ ਡਾਲਰਾਂ ਦੀ ਡਰੱਗਜ਼ ਸਮੇਤ ਫੜਿਆ ਗਿਆ ਸੀ ਤੇ ਇਸ ਸਮੇਂ ਉਹ ਸਲਾਖਾਂ ਪਿੱਛੇ ਹੈ। ਇਸ ਦੋਸ਼ੀ ਦੀ ਪਛਾਣ ਦਾਨ ਸਕੁਮ ਦੇ ਨਾਂ ਤੋਂ ਹੋਈ ਹੈ। ਜਾਣਕਾਰੀ ਮੁਤਾਬਕ ਪਿਛਲੇ ਮਹੀਨੇ 11 ਦਸੰਬਰ ਨੂੰ ਦਾਨ ਸਕੁਮ ਜਾਪਾਨ ਦੇ ਹਵਾਈ ਅੱਡੇ ਟੋਕੀਓ ਤੋਂ ਫੜਿਆ ਗਿਆ ਸੀ। ਜਾਪਾਨੀ ਪੁਲਿਸ ਨੇ ਦੱਸਿਆ ਕਿ 9.8 ਕਿਲੋ ਕੋਕੀਨ ਨੂੰ ਦੋਸ਼ੀ ਨੇ ਆਪਣੀ ਗਿਟਾਰ 'ਚ ਛੁਪਾ ਕੇ ਰੱਖਿਆ ਸੀ।
ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਦੋਸ਼ੀ 'ਤੇ ਉਸ ਸਮੇਂ ਸ਼ੱਕ ਪਿਆ ਜਦ ਉਹ ਵਾਰ-ਵਾਰ ਪਸੀਨੇ ਨਾਲ ਭਿੱਜ ਰਿਹਾ ਸੀ। ਇਸ ਖਬਰ ਮਗਰੋਂ ਲੋਕਾਂ ਨੇ ਇਸ ਦੋਸ਼ੀ ਦੇ ਨਾਂ ਕਈ ਸਾਰੀਆਂ ਪੋਸਟਾਂ ਪਾਈਆਂ। ਫਿਲਹਾਲ ਦੋਸ਼ੀ ਸਲਾਖਾਂ ਪਿੱਛੇ ਹੈ ਅਤੇ ਪੁਲਿਸ ਇਸ ਸੰਬੰਧੀ ਜਾਂਚ ਕਰ ਰਹੀ ਹੈ।