ਟੋਰਾਂਟੋ: ਟੋਰਾਂਟੋ 'ਚ ਨਵੰਬਰ, 2017 ਨੂੰ 22 ਸਾਲਾ ਮੁਟਿਆਰ ਟੈੱਸ ਰਿਚੇ ਦਾ ਕਤਲ ਕੀਤਾ ਗਿਆ ਸੀ। ਜਿਸ ਦੇ ਕਤਲ ਦੀ ਗੁੱਥੀ ਸੁਲਝਾਉਂਦੀ ਪੁਲਿਸ ਨੇ ਇਕ ਸ਼ੱਕੀ ਨੂੰ ਹਿਰਾਸਤ 'ਚ ਲਿਆ ਹੈ। 21 ਸਾਲਾ ਕੈਲਨ ਸ਼ਲੈਟਰ 'ਤੇ ਇਸ ਮਾਮਲੇ 'ਚ ਦੂਜੇ ਦਰਜੇ ਦਾ ਕਤਲ ਕਰਨ ਦੇ ਦੋਸ਼ ਲੱਗੇ ਹਨ। ਪੁਲਿਸ ਨੇ ਦੱਸਿਆ ਕਿ 25 ਨਵੰਬਰ ਨੂੰ ਟੈੱਸ ਆਪਣੇ ਦੋਸਤਾਂ ਨਾਲ ਡਾਊਨਟਾਊਨ ਦੇ ਇਕ ਨਾਈਟ ਕਲੱਬ ਗਈ ਸੀ, ਜਿਸ ਮਗਰੋਂ ਉਹ ਲਾਪਤਾ ਹੋ ਗਈ ਸੀ।
ਪਰਿਵਾਰ ਨੇ ਉਸ ਦੇ ਲਾਪਤਾ ਹੋਣ ਦੀ ਰਿਪੋਰਟ ਦਰਜ ਕਰਵਾਈ ਸੀ। ਲਾਪਤਾ ਹੋਣ ਦੇ ਚਾਰ ਦਿਨਾਂ ਬਾਅਦ ਉਸ ਦੀ ਲਾਸ਼ ਉਸ ਥਾਂ ਤੋਂ ਮਿਲੀ, ਜਿੱਥੇ ਉਸ ਨੂੰ ਆਖਰੀ ਵਾਰ ਦੇਖਿਆ ਗਿਆ ਸੀ। ਟੈੱਸ ਨੂੰ ਗਲਾ ਦਬਾ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ ਸੀ। ਪਹਿਲੀ ਨਜ਼ਰ 'ਚ ਤਾਂ ਪੁਲਿਸ ਨੂੰ ਲੱਗਾ ਸੀ ਕਿ ਉਸ ਦੀ ਮੌਤ ਸਾਧਾਰਣ ਕਾਰਨਾਂ ਕਰਕੇ ਹੋਈ ਹੈ ਪਰ ਪੋਸਟ ਮਾਰਟਮ ਦੀ ਰਿਪੋਰਟ 'ਚ ਪਤਾ ਲੱਗਾ ਕਿ ਉਸ ਦਾ ਕਤਲ ਕੀਤਾ ਗਿਆ ਸੀ।
ਪੁਲਿਸ ਨੇ ਕਤਲ ਦੇ ਕਾਰਨਾਂ ਦਾ ਖੁਲਾਸਾ ਤਾਂ ਅਜੇ ਨਹੀਂ ਕੀਤਾ ਪਰ ਗਿਬਸਨ ਨੇ ਆਖਿਆ ਕਿ ਜਾਂਚਕਾਰਾਂ ਦਾ ਮੰਨਣਾ ਹੈ ਕਿ ਟੈੱਸ ਗਲਤ ਸਮੇਂ ਅਤੇ ਗਲਤ ਥਾਂ 'ਤੇ ਹੋਣ ਕਾਰਨ ਮਾਰੀ ਗਈ ਹੋਵੇਗੀ।