ਲਾਹੌਰ : ਨਵਾਜ਼ ਸ਼ਰੀਫ ਦੇ ਘਰ ਦੇ ਕੋਲ ਇਕ ਚੈਕਪੋਸਟ 'ਤੇ ਤਾਲਿਬਾਨ ਦੇ ਫਿਦਾਈਨ ਹਮਲੇ ਵਿਚ 5 ਪੁਲਿਸ ਵਾਲਿਆਂ ਸਮੇਤ 9 ਲੋਕਾਂ ਦੀ ਮੌਤ ਹੋ ਗਈ। 14 ਪੁਲਿਸ ਵਾਲਿਆਂ ਸਮੇਤ 25 ਲੋਕ ਜ਼ਖਮੀ ਹੋ ਗਏ। ਅਫ਼ਸਰਾਂ ਦੀਆਂ ਮੰਨੀਏ ਤਾਂ ਚੈਕਪੋਸਟ ਸ਼ਰੀਫ ਪਰਵਾਰ ਦੇ ਘਰ ਤੋਂ ਕੁੱਝ ਕਿ.ਮੀ. ਹੀ ਦੂਰ ਸੀ। ਚੈਕਪੋਸਟ ਦੇ ਕੋਲ ਹੀ ਇਕ ਧਾਰਮਿਕ ਸਮਾਗਮ ਵੀ ਚੱਲ ਰਿਹਾ ਸੀ।
ਨੌਜਵਾਨ ਸੀ ਹਮਲਾਵਰ : ਨਿਊਜ਼ ਏਜੰਸੀ ਮੁਤਾਬਕ ਹਮਲਾ ਬੁੱਧਵਾਰ ਰਾਤ ਨੂੰ ਹੋਇਆ। ਇਸਦੇ ਸੁਸਾਇਡ ਅਟੈਕ ਹੋਣ ਦੀ ਪੁਸ਼ਟੀ ਪੰਜਾਬ ਦੇ ਆਈਜੀ ਆਰਿਫ਼ ਨਵਾਜ ਨੇ ਕੀਤੀ ਹੈ। ਉਨ੍ਹਾਂ ਮੁਤਾਬਕ ਇਕ ਨੌਜਵਾਨ ਹਮਲਾਵਰ ਨੇ ਚੈਕਪੋਸਟ ਦੇ ਕੋਲ ਖ਼ੁਦ ਨੂੰ ਉਡਾ ਲਿਆ। ਮਾਰੇ ਗਏ ਲੋਕਾਂ ਵਿਚ 2 ਇੰਸਪੈਕਟਰ ਸਮੇਤ 5 ਪੁਲਿਸ ਕਰਮੀ ਹਨ। ਜ਼ਖਮੀ ਪੁਲਿਸ ਵਾਲਿਆਂ ਵਿਚ 4 ਦੀ ਹਾਲਤ ਗੰਭੀਰ ਹੈ।