ਲੰਦਨ, 9
ਸਤੰਬਰ (ਹਰਜੀਤ ਸਿੰਘ ਵਿਰਕ) : ਸਕਾਟਲੈਂਡ ਪੁਲਿਸ ਗਲਾਸਗੋ 'ਚ ਭਾਰਤੀ ਮੂਲ ਦੇ ਇਕ ਮਸ਼ਹੂਰ
ਰੈਸਟੋਰੈਂਟ ਮਾਲਕ ਦੇ ਘਰ ਵਿਚ ਉਸ ਦੀ 9 ਸਾਲ ਦੀ ਭਤੀਜੀ ਦੀ ਮੌਤ ਹੋ ਗਈ। ਜਾਣਕਾਰੀ
ਅਨੁਸਾਰ ਸ਼ੁਕਰਵਾਰ ਰਾਤ ਰੈਸਟੋਰੈਂਟ ਮਾਲਕ ਸੱਤੀ ਸਿੰਘ ਦੀ ਭਤੀਜੀ ਨੀਂਦ 'ਚ ਮੌਤ ਦੇ ਮੂੰਹ
ਵਿਚ ਚਲੀ ਗਈ। ਸੱਤੀ ਸਿੰਘ ਗਲਾਸਗੋ 'ਚ 'ਕੜੀ ਕਿੰਗ' ਨਾਂ ਨਾਲ ਪ੍ਰਸਿੱਧ ਹੈ। ਉਹ ਭਾਰਤੀ
ਰੈਸਟੋਰੈਂਟ ਦੇ ਸੰਸਥਾਪਕ ਹਨ। ਉਨ੍ਹਾਂ ਦੇ ਰੈਸਟੋਰੈਂਟ ਨੂੰ ਗਲਾਸਗੋ ਦੇ ਸਭ ਤੋਂ
ਪੁਰਾਣੇ ਭਾਰਤੀ ਰੈਸਟੋਰੈਂਟ 'ਚ ਇਕ ਮੰਨਿਆ ਜਾਂਦਾ ਹੈ। ਸੱਤੀ ਮੂਲ ਤੌਰ 'ਤੇ ਪੰਜਾਬ ਦੇ
ਅੰਬਾਲਾ ਤੋਂ ਹਨ।
ਸਕਾਟਲੈਂਡ ਪੁਲਿਸ ਨੇ ਸ਼ੁਕਰਵਾਰ ਨੂੰ ਇਕ ਬਿਆਨ 'ਚ ਕਿਹਾ ਕਿ ਫਿਲਹਾਲ
ਮੌਤ ਦੇ ਕਾਰਨਾਂ ਬਾਰੇ ਅਜੇ ਕੁਝ ਪਤਾ ਨਹੀਂ ਲੱਗ ਸਕਿਆ ਹੈ। ਇਸ ਸਬੰਧੀ ਪੋਸਟਮਾਰਟਮ ਕੀਤੀ
ਜਾਵੇਗਾ ਅਤੇ ਰੀਪੋਰਟ ਸਕਾਟਲੈਂਡ ਦੀ ਜਨਤਕ ਮੁਦਈ ਸੇਵਾ ਗਲਾਸਗੋ ਪ੍ਰੋਕਿਊਟਰੇਟਰ ਫਿਸਕਲ
ਕੋਲ ਭੇਜੀ ਜਾਵੇਗੀ।