ਇਸਲਾਮਾਬਾਦ : ਪਾਕਿਸਤਾਨ ਅਤੇ ਪਾਕਿਸਤਾਨੀ ਆਗੂਆਂ ਦੀ ਜਿਥੇ ਅੰਤਰਰਾਸ਼ਟਰੀ ਪੱਧਰ 'ਤੇ ਲਗਾਤਾਰ ਫ਼ਜੀਹਤ ਹੁੰਦੀ ਆ ਰਹੀ ਹੈ ਉਥੇ ਹੀ ਉਨ੍ਹਾਂ ਆਗੂਆਂ ਦੇ ਅਪਣੇ ਘਰ ਵਿਚ ਵੀ ਛਿੱਤਰ ਪੈਣ ਲਗ ਗਏ ਹਨ। ਪਾਕਿਸਤਾਨ ਦਾ ਅਵਾਮ ਅਪਣੇ ਆਗੂਆਂ ਤੋਂ ਇੰਨਾ ਅੱਕ ਗਿਆ ਹੈ ਕਿ ਉਹ ਸਾਹਮਣੇ ਆ ਕੇ ਆਗੂਆਂ ਦੇ ਗਲ 'ਚ ਹੱਥ ਪਾ ਕੇ ਸਵਾਲ ਪੁਛਣ ਲੱਗ ਪਿਆ ਹੈ। ਕੁੱਝ ਦਿਨ ਪਹਿਲਾਂ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਤੇ ਵਿਦੇਸ਼ ਮੰਤਰੀ ਖਵਾਜਾ ਮੁਹੰਮਦ ਆਸਫ਼ ਨਾਲ ਲੋਕਾਂ ਨੇ ਚੰਗੀ ਕੁੱਤੇ-ਖਾਣੀ ਕੀਤੀ ਤੇ ਤਾਜ਼ਾ ਮਾਮਲਾ ਸਾਬਕਾ ਕ੍ਰਿਕਟਰ ਤੇ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ ਪਾਰਟੀ (ਪੀਟੀਆਈ) ਚੀਫ ਇਮਰਾਨ ਖਾਨ ਨਾਲ ਵਾਪਰਿਆ।