ਦਿੱਲੀ ਭਾਜਪਾ ਦੀ ਨਵੀਂ ਟੀਮ ਦਾ ਐਲਾਨ, ਦੇਖੋ ਜ਼ਿਲ੍ਹਾ ਪ੍ਰਧਾਨਾਂ ਦੀ ਪੂਰੀ ਸੂਚੀ  

ਨਵੀਂ ਦਿੱਲੀ: ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਦਿੱਲੀ ਇਕਾਈ ਦੇ ਨਵੇਂ ਅਹੁਦੇਦਾਰਾਂ ਦੀ ਨਿਯੁਕਤੀ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਦਿੱਲੀ ਪ੍ਰਦੇਸ਼ ਭਾਜਪਾ ਦੇ ਪ੍ਰਧਾਨ ਵਰਿੰਦਰ ਕੁਮਾਰ ਸਚਦੇਵਾ ਨੇ ਮੰਗਲਵਾਰ ਨੂੰ 14 ਨਵੇਂ ਜ਼ਿਲ੍ਹਾ ਪ੍ਰਧਾਨਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ। ਇਸ ਵਿਚ ਪਾਰਟੀ ਦੇ ਕਈ ਮਜ਼ਬੂਤ ਆਗੂਆਂ ਦੇ ਨਾਂ ਸ਼ਾਮਲ ਹਨ।

ਦਰਅਸਲ, ਇਸ ਸਾਲ ਮਾਰਚ ਵਿਚ ਵਰਿੰਦਰ ਸਚਦੇਵਾ ਦੇ ਸੂਬਾ ਭਾਜਪਾ ਪ੍ਰਧਾਨ ਬਣਨ ਤੋਂ ਬਾਅਦ ਹੀ ਦਿੱਲੀ ਭਾਜਪਾ ਦੇ ਮੀਤ ਪ੍ਰਧਾਨ, ਜਨਰਲ ਸਕੱਤਰ, ਸਕੱਤਰ ਅਤੇ ਹੋਰ ਅਹੁਦਿਆਂ 'ਤੇ ਨਿਯੁਕਤੀਆਂ ਦੇ ਨਾਲ-ਨਾਲ ਵੱਖ-ਵੱਖ ਮੋਰਚਿਆਂ ਦੇ ਪ੍ਰਧਾਨਾਂ ਦੀ ਨਿਯੁਕਤੀ ਕੀਤੀ ਜਾਣੀ ਸੀ। ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਹੁਣ ਨਿਯੁਕਤੀਆਂ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ।

ਭਾਜਪਾ ਦੇ ਦਿੱਲੀ ਪ੍ਰਦੇਸ਼ ਪ੍ਰਧਾਨ ਵਰਿੰਦਰ ਕੁਮਾਰ ਸਚਦੇਵਾ ਨੇ 14 ਜ਼ਿਲ੍ਹਾ ਪ੍ਰਧਾਨ ਨਿਯੁਕਤ ਕੀਤੇ ਹਨ। ਜਿਸ ਵਿਚ ਰਾਜੀਵ ਰਾਣਾ (ਨਵੀਂ ਦਿੱਲੀ), ਸੁਨੀਲ ਕੱਕੜ (ਕਰੋਲ ਬਾਗ),  ਸਰਦਾਰ ਕੁਲਦੀਪ ਸਿੰਘ, (ਚੰਦਰੀ ਚੌਕ), ​​ਵਰਿੰਦਰ ਗੋਇਲ (ਕੇਸ਼ਵਪੁਰਮ), ਸਤਿਆਨਾਰਾਇਣ ਗੌਤਮ (ਉੱਤਰ ਪੱਛਮੀ), ਰਾਮ ਸੀਯਾਸ਼ਰਨ, ਰਾਜੂ (ਬਾਹਰੀ ਦਿੱਲੀ), ਰਮੇਸ਼ ਸ਼ੋਖੰਡ (ਨਜਫਗੜ੍ਹ), ਰਾਜਕੁਮਾਰ ਗਰੋਵਰ (ਪੱਛਮੀ ਦਿੱਲੀ), ਰਣਵੀਰ ਤੰਵਰ (ਮਹਿਰੌਲੀ), ਰਾਜਕੁਮਾਰ ਚੌਟਾਲਾ (ਦੱਖਣੀ ਦਿੱਲੀ), ਵਿਜੇਂਦਰ ਧਾਮਾ (ਮਯੂਰ ਵਿਹਾਰ), ਸੰਜੇ ਗੋਇਲ (ਸ਼ਾਹਦਰਾ), ਮਨੋਜ ਤਿਆਗੀ (ਨਵੀਨ ਸ਼ਾਹਦਰਾ) ਅਤੇ ਪੂਨਮ ਚੌਹਾਨ (ਉੱਤਰ ਪੂਰਬ) ਦਾ ਨਾਮ ਸ਼ਾਮਲ ਹਨ।