ਭਾਰਤ ਵਿਚ ਮਈ 2020 ਤੋਂ ਬਾਅਦ ਨਵੰਬਰ ਵਿੱਚ ਆਏ ਕੋਵਿਡ ਦੇ ਸਭ ਤੋਂ ਘੱਟ ਕੇਸ
ਇਲਾਜ ਅਧੀਨ ਮਰੀਜ਼ਾਂ ਦੀ ਗਿਣਤੀ 547 ਦਿਨਾਂ ਤੋਂ ਬਾਅਦ ਇੱਕ ਲੱਖ ਤੋਂ ਹੇਠਾਂ ਆ ਗਈ ਹੈ
ਨਵੀਂ ਦਿੱਲੀ: ਭਾਰਤ ਵਿੱਚ ਕੋਵਿਡ-19 ਮਹਾਂਮਾਰੀ ਦੇ ਫੈਲਣ ਦੇ ਦੌਰਾਨ, ਮਈ 2020 ਤੋਂ ਬਾਅਦ ਪਿਛਲੇ ਮਹੀਨੇ ਸੰਕਰਮਣ ਦੇ ਸਭ ਤੋਂ ਘੱਟ ਮਾਮਲੇ ਸਾਹਮਣੇ ਆਏ ਹਨ, ਜਦੋਂ ਕਿ ਇਲਾਜ ਅਧੀਨ ਮਰੀਜ਼ਾਂ ਦੀ ਗਿਣਤੀ 547 ਦਿਨਾਂ ਤੋਂ ਬਾਅਦ ਇੱਕ ਲੱਖ ਤੋਂ ਹੇਠਾਂ ਆ ਗਈ ਹੈ। ਨਵੰਬਰ ਵਿੱਚ ਦੇਸ਼ ਵਿੱਚ 3.1 ਲੱਖ ਲੋਕਾਂ ਦੇ ਇਸ ਵਾਇਰਸ ਨਾਲ ਸੰਕਰਮਿਤ ਹੋਣ ਦੀ ਪੁਸ਼ਟੀ ਹੋਈ।
ਅੰਕੜਿਆਂ ਮੁਤਾਬਕ ਨਵੰਬਰ ਲਗਾਤਾਰ ਛੇਵਾਂ ਮਹੀਨਾ ਸੀ ਜਦੋਂ ਨਵੇਂ ਇਨਫੈਕਸ਼ਨ ਦੇ ਮਾਮਲਿਆਂ ਵਿਚ ਕਮੀ ਆਈ। ਅੰਕੜਿਆਂ ਮੁਤਾਬਕ ਇਸ ਸਾਲ 6 ਮਈ ਨੂੰ ਇਕ ਦਿਨ 'ਚ ਸੰਕਰਮਣ ਦੇ ਸਭ ਤੋਂ ਵੱਧ 4,14,188 ਮਾਮਲੇ ਦਰਜ ਕੀਤੇ ਗਏ। ਅੰਕੜਿਆਂ ਅਨੁਸਾਰ ਇਹ ਲਗਾਤਾਰ 54ਵਾਂ ਦਿਨ ਹੈ ਜਦੋਂ ਰੋਜ਼ਾਨਾ 20 ਹਜ਼ਾਰ ਤੋਂ ਘੱਟ ਕੇਸ ਆਏ ਹਨ, ਜਦੋਂ ਕਿ 156 ਦਿਨਾਂ ਵਿੱਚ ਪਹਿਲੀ ਵਾਰ 24 ਘੰਟਿਆਂ ਵਿੱਚ 50 ਹਜ਼ਾਰ ਤੋਂ ਘੱਟ ਕੇਸ ਆਏ ਹਨ।
ਮਹੱਤਵਪੂਰਨ ਗੱਲ ਇਹ ਹੈ ਕਿ 30 ਜਨਵਰੀ 2020 ਨੂੰ ਭਾਰਤ ਵਿੱਚ ਪਹਿਲਾ ਕੇਸ ਕੇਰਲ ਵਿੱਚ ਸਾਹਮਣੇ ਆਇਆ ਸੀ। ਭਾਰਤ ਵਿੱਚ ਕੋਵਿਡ -19 ਦੇ ਕੁੱਲ ਕੇਸਾਂ ਦੀ ਗਿਣਤੀ 7 ਅਗਸਤ 2020 ਨੂੰ 20 ਲੱਖ ਤੱਕ ਪਹੁੰਚ ਗਈ, ਜਦੋਂ ਕਿ ਸੰਕਰਮਿਤ ਲੋਕਾਂ ਦੀ ਕੁੱਲ ਸੰਖਿਆ 23 ਅਗਸਤ 2020 ਨੂੰ 30 ਲੱਖ, 5 ਸਤੰਬਰ 2030 ਨੂੰ 40 ਲੱਖ, 16 ਸਤੰਬਰ 2020 ਨੂੰ 50 ਲੱਖ ਨੂੰ ਪਾਰ ਕਰ ਗਈ।
28 ਸਤੰਬਰ 2020 ਨੂੰ ਦੇਸ਼ ਵਿੱਚ ਕੇਸਾਂ ਦੀ ਗਿਣਤੀ 60 ਲੱਖ ਨੂੰ ਪਾਰ ਕਰ ਗਈ, ਜਦੋਂ ਕਿ 11 ਅਕਤੂਬਰ 2020, 29 ਅਕਤੂਬਰ 2020, 20 ਨਵੰਬਰ 2020, 19 ਦਸੰਬਰ 2020 ਨੂੰ ਸੰਕਰਮਿਤ ਲੋਕਾਂ ਦੀ ਕੁੱਲ ਸੰਖਿਆ 70 ਲੱਖ, 80 ਲੱਖ, 90 ਲੱਖ ਅਤੇ ਕ੍ਰਮਵਾਰ ਇੱਕ ਕਰੋੜ ਤੱਕ ਪਹੁੰਚ ਗਈ ਸੀ।