ਜੰਮੂ-ਕਸ਼ਮੀਰ: ਪੁਲਵਾਮਾ ਦੇ ਤ੍ਰਾਲ 'ਚ ਸੁਰੱਖਿਆ ਬਲਾਂ 'ਤੇ ਗ੍ਰੇਨੇਡ ਨਾਲ ਹਮਲਾ, 7 ਨਾਗਰਿਕ ਜ਼ਖ਼ਮੀ

ਜੰਮੂ-ਕਸ਼ਮੀਰ: ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਜ਼ਿਲ੍ਹੇ 'ਚ ਅੱਜ ਅੱਤਵਾਦੀਆਂ ਨੇ ਸੁਰੱਖਿਆ ਬਲਾਂ 'ਤੇ ਗ੍ਰਨੇਡਾਂ ਨਾਲ ਹਮਲਾ ਕੀਤਾ। ਇਸ ਗ੍ਰਨੇਡ ਹਮਲੇ ਵਿੱਚ ਸੱਤ ਨਾਗਰਿਕਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਜੰਮੂ ਕਸ਼ਮੀਰ ਪੁਲਿਸ ਨੇ ਕਿਹਾ ਸਾਰੇ ਜ਼ਖ਼ਮੀਆਂ ਦੀ ਸਿਹਤ ਸਥਿਰ ਹੈ। ਅਵੰਤੀਪਰਾ ਦੇ ਐਸਐਸਪੀ ਤਾਹੀਰ ਸਲੀਮ ਨੇ ਕਿਹਾ ਕਿ ਦਹਿਸ਼ਤਗਰਦਾਂ ਨੇ ਸੀਆਰਪੀਐਫ ਪਾਰਟੀ 'ਤੇ ਗ੍ਰੇਨੇਡ ਨਾਲ ਹਮਲੇ ਕੀਤੇ।

ਸੀਆਰਪੀਐਫ ਦਾ ਟੁਕੜਾ ਟ੍ਰਾਲ ਬੱਸ ਸਟੈਂਡ 'ਤੇ ਤੈਨਾਤ ਸੀ, ਹਾਲਾਂਕਿ ਦਹਿਸ਼ਤਗਰਦਾਂ ਦਾ ਨਿਸ਼ਾਣਾ ਚੱਕਿਆ ਗਿਆ ਅਤੇ ਸੁਰੱਖਿਆ ਬਲ ਬਚ ਗਏ। ਅੱਤਵਾਦੀ ਲੋਕਾਂ ਦੁਆਰਾ ਗ੍ਰੇਨੇਡ ਸੜਕ 'ਤੇ ਫਟ  ਗਏ ਅਤੇ ਇਸ ਦੇ ਚਪੇਟ ਵਿਚ 7 ਨਾਗਰਿਕ ਆ ਗਏ। 

ਜਿਕਰਯੋਗ ਹੈ ਕਿ ਇੱਕ ਦਿਨ ਪਹਿਲਾਂ ਪੁਲਵਾਮਾ ਜ਼ਿਲ੍ਹੇ ਵਿਚ ਸੁਰੱਖਿਆ ਬਲਾਂ ਨੇ ਲਸ਼ਕਰ-ਏ-ਤੋਇਬਾ ਦੇ ਇੱਕ ਸਹਾਇਕ ਨੂੰ ਗ੍ਰਿਫਤਾਰ ਕੀਤਾ ਸੀ ਅਤੇ ਉਸ ਕੋਲੋਂ ਵਿਸਫੋਟਕ ਅਤੇ ਹੋਰ ਚੀਜ਼ਾਂ ਬਰਾਮਦ ਕੀਤੀਆਂ ਸੀ। ਉਸ ਦੀ ਪਛਾਣ ਅਕੀਫ ਅਹਿਮਦ ਤੇਲੀ ਵਜੋਂ ਹੋਈ। ਉਹ ਅਵੰਤੀਪੁਰਾ ਦੇ ਚੈਰੋ ਦਾ ਵਸਨੀਕ ਹੈ।