ਯੂਪੀ ਚੋਣਾਂ: ਸਰਕਾਰ ਆਉਣ 'ਤੇ ਬਣਾਵਾਂਗੇ ਸਕੂਲ ਅਤੇ ਹਸਪਤਾਲ- ਕੇਜਰੀਵਾਲ

ਲਖਨਊ : ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਲਖਨਊ ਦੇ ਸਮ੍ਰਿਤੀ ਉਪਵਨ 'ਚ ਜਨ ਸਭਾ ਨੂੰ ਸੰਬੋਧਨ ਕਰਦੇ ਹੋਏ ਸੂਬੇ ਦੀ ਯੋਗੀ ਸਰਕਾਰ ਸਮੇਤ ਪਿਛਲੀਆਂ ਸਰਕਾਰਾਂ 'ਤੇ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਕਿਹਾ ਕਿ 2017 ਵਿੱਚ ਭਾਜਪਾ ਦੇ ਸਭ ਤੋਂ ਵੱਡੇ ਨੇਤਾ ਨੇ ਕਿਹਾ ਸੀ ਕਿ ਜੇਕਰ ਕਬਰਸਤਾਨ ਬਣਾਉਣਾ ਹੈ ਤਾਂ ਸ਼ਮਸ਼ਾਨਘਾਟ ਵੀ ਬਣਾਇਆ ਜਾਵੇ।

ਪੁਰਾਣੀਆਂ ਸਰਕਾਰਾਂ ਨੇ ਯੂਪੀ ਵਿੱਚ ਸ਼ਮਸ਼ਾਨਘਾਟ ਅਤੇ ਕਬਰਸਤਾਨ ਬਣਾਏ। ਸਾਨੂੰ ਯੂਪੀ ਵਿੱਚ ਮੌਕਾ ਦਿਓ, ਅਸੀਂ ਸਕੂਲ ਅਤੇ ਹਸਪਤਾਲ ਬਣਾਵਾਂਗੇ। ਆਮ ਆਦਮੀ ਪਾਰਟੀ ਦੇ ਸੰਕਲਪ ਪੱਤਰ ਵਿੱਚ ਮੁਫ਼ਤ ਬਿਜਲੀ, ਕਰਜ਼ਾ ਮੁਆਫ਼ੀ ਅਤੇ ਰੁਜ਼ਗਾਰ ਸਭ ਤੋਂ ਵੱਡੇ ਮੁੱਦੇ ਹਨ। ਇਸ ਰੈਲੀ ਵਿੱਚ ਉਨ੍ਹਾਂ ਦਿੱਲੀ ਵਿੱਚ ਹੋਏ ਵਿਕਾਸ ਕਾਰਜਾਂ ਨੂੰ ਰੋਲ ਮਾਡਲ ਵਜੋਂ ਪੇਸ਼ ਕੀਤਾ।

ਕੇਜਰੀਵਾਲ ਨੇ ਕਿਹਾ ਕਿ ਯੋਗੀ ਸਰਕਾਰ ਨੇ ਕੋਰੋਨਾ ਦੌਰਾਨ ਜਨਤਾ ਦੀ ਮਦਦ ਨਹੀਂ ਕੀਤੀ। ਲੋਕ ਆਕਸੀਜਨ ਦੀ ਘਾਟ ਕਾਰਨ ਸੜਕਾਂ 'ਤੇ ਮਰਦੇ ਰਹੇ ਅਤੇ ਸਰਕਾਰ ਨਾ ਤਾਂ ਉਨ੍ਹਾਂ ਦਾ ਇਲਾਜ ਕਰ ਸਕੀ ਅਤੇ ਨਾ ਹੀ ਆਕਸੀਜਨ। ਦੁਨੀਆ ਦਾ ਸਭ ਤੋਂ ਮਾੜਾ ਕੋਰੋਨਾ ਪ੍ਰਬੰਧਨ ਯੂਪੀ ਵਿੱਚ ਹੋਇਆ। ਕੇਜਰੀਵਾਲ ਨੇ ਕਿਹਾ ਕਿ ਯੋਗੀ ਸਰਕਾਰ ਨੇ ਇਸ਼ਤਿਹਾਰਾਂ 'ਤੇ ਕਰੋੜਾਂ ਰੁਪਏ ਖਰਚ ਕੀਤੇ। ਸਥਿਤੀ ਇਹ ਹੈ ਕਿ ਦਿੱਲੀ ਵਿੱਚ ਯੋਗੀ ਦੇ 850 ਹੋਰਡਿੰਗ ਹਨ ਅਤੇ ਸਾਡੇ 106 ਲੱਗੇ ਹਨ।