ਪੀਡੀਪੀ ਵਿਧਾਇਕ ਦੇ ਘਰ 'ਤੇ ਹੋਇਆ ਹਮਲਾ    

ਸ੍ਰੀ ਨਗਰ, 2 ਮਈ :  ਦੱਖਣ ਕਸ਼ਮੀਰ  ਦੇ ਸ਼ੋਪੀਆਂ ਵਿਚ ਬੁੱਧਵਾਰ ਨੂੰ ਸੱਤਾਧਾਰੀ ਪੀਪਲਸ ਡੇਮੋਕਰੇਟਿਕ ਪਾਰਟੀ ਦੇ ਵਿਧਾਇਕ ਮੁਹੰਮਦ ਯੁਸੁਫ ਬਟ ਦੇ ਮਕਾਨ 'ਤੇ ਕੁਝ ਲੋਕਾਂ ਵਲੋਂ ਪਟਰੋਲ ਦੇ ਬੰਬ ਨਾਲ ਹਮਲਾ ਕੀਤਾ ਗਿਆ। ਫਿਲਹਾਲ,  ਪੁਲਿਸ ਨੇ ਮਾਮਲਾ ਦਰਜ ਕਰ ਤਲਾਸ਼ ਸ਼ੁਰੂ ਕਰ ਦਿਤੀ ਹੈ ।  ਸ਼ੋਪੀਆਂ ਤੋਂ ਮਿਲੀਆਂ ਸੂਚਨਾਵਾਂ ਵਿਚ ਦੱਸਿਆ ਗਿਆ ਹੈ ਕਿ ਮਮੇਂਦਰ ਪਿੰਡ ਵਿੱਚ ਪੀਡੀਪੀ ਵਿਧਾਇਕ ਮੁਹੰਮਦ ਯੁਸੁਫ ਦਾ ਮਕਾਨ ਹੈ ।  ਇਸ ਮਕਾਨ 'ਤੇ ਕੁਝ ਸ਼ਰਾਰਤੀ ਅਨਸਰਾਂ ਨੇ ਪਟਰੋਲ ਬੰਬ ਸੁੱਟਿਆ । ਜਿਸ ਨਾਲ ਮਕਾਨ ਵਿਚ ਅੱਗ ਲੱਗ ਗਈ ਅਤੇ ਇਸ ਅੱਗ ਉੱਤੇ ਛੇਤੀ ਹੀ ਕਾਬੂ ਪਾ ਲਿਆ ਗਿਆ ।