Zomato 'ਤੇ ਦੁਪਹਿਰ ਨੂੰ ਆਰਡਰ ਦੇਣ ਤੋਂ ਬਚੋ ! ਭਿਆਨਕ ਗਰਮੀ ਤੋਂ ਬਚਣ ਲਈ ਕੰਪਨੀ ਨੇ ਕੀਤੀ ਇਹ ਅਪੀਲ

Zomato : ਦੇਸ਼ ਵਿੱਚ ਗਰਮੀ ਦਾ ਕਹਿਰ ਜਾਰੀ ਹੈ ਅਤੇ ਕਈ ਰਾਜਾਂ ਵਿੱਚ ਤਾਪਮਾਨ ਪਿਛਲੇ ਸਾਲਾਂ ਨਾਲੋਂ ਵੱਧ ਹੈ। ਇਸ ਗਰਮੀ ਕਾਰਨ ਲੋਕਾਂ ਨੂੰ ਹੀਟ ਸਟ੍ਰੋਕ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। 

ਅਜਿਹੀ ਸਥਿਤੀ ਵਿੱਚ Zomato ਨੇ ਆਪਣੇ ਗਾਹਕਾਂ ਨੂੰ ਅਪੀਲ ਕੀਤੀ ਹੈ ਕਿ ਦੁਪਹਿਰ ਦੇ ਸਮੇਂ ਆਰਡਰ ਦੇਣ ਤੋਂ ਬਚੇ। Zomato ਨੇ X 'ਤੇ ਇੱਕ ਪੋਸਟ ਵਿੱਚ ਲਿਖਿਆ, "ਕਿਰਪਾ ਕਰਕੇ ਦੁਪਹਿਰ ਦੇ ਦੌਰਾਨ ਆਰਡਰ ਦੇਣ ਤੋਂ ਬਚੋ ਜਦੋਂ ਤੱਕ ਬਹੁਤ ਜ਼ਰੂਰੀ ਨਾ ਹੋਵੇ।"

 ਕੀ ਹੈ ਕਾਰਨ ?

ਕੁਝ ਦਿਨ ਪਹਿਲਾਂ ਹੀਟਵੇਵ ਕਾਰਨ ਦੇਸ਼ 'ਚ ਕਰੀਬ 15 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਕਈ ਲੋਕ ਅਜੇ ਵੀ ਇਸ ਗਰਮੀ ਨਾਲ ਜੂਝ ਰਹੇ ਹਨ। ਜ਼ੋਮੈਟੋ ਦੀ ਇਹ ਬੇਨਤੀ ਗਰਮੀਆਂ ਵਿੱਚ ਡਿਲੀਵਰੀ ਬੁਆਏਜ਼ ਨੂੰ ਆ ਰਹੀਆਂ ਮੁਸ਼ਕਿਲਾਂ ਦੇ ਮੱਦੇਨਜ਼ਰ ਕੀਤੀ ਗਈ ਹੈ। 

ਗਰਮੀਆਂ ਵਿੱਚ ਬਾਹਰ ਕੰਮ ਕਰਨਾ ਬਹੁਤ ਔਖਾ ਹੈ ਅਤੇ ਇਸ ਗਰਮੀ ਵਿੱਚ ਵੀ ਡਿਲੀਵਰੀ ਬੁਆਏ ਆਪਣੀ ਡਿਊਟੀ ਨਿਭਾ ਰਹੇ ਹਨ। Zomato ਦਾ ਇਹ ਕਦਮ ਸ਼ਲਾਘਾਯੋਗ ਹੈ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਗਾਹਕ ਇਸ ਬੇਨਤੀ ਦਾ ਪਾਲਣ ਕਰਨਗੇ।