ਹੈਦਰਾਬਾਦ, ( ਪੀਟੀਆਈ ) : ਚੋਣਾਂ ਦੇ ਆਉਂਦਿਆਂ ਹੀ ਸਿਆਸੀ ਪਾਰਟੀਆਂ ਵੋਟਰਾਂ ਵੱਲੋਂ ਵੋਟਾਂ ਹਾਸਲ ਕਰਨ ਲਈ ਹਰ ਦਾਅ ਵਰਤਣ ਨੂੰ ਤਿਆਰ ਹੋ ਜਾਂਦੀ ਹੈ। ਪਰ ਤੇਲਗਾਂਨਾ ਵਿਚ ਵਿਧਾਨਸਭਾ ਚੋਣਾਂ ਨੂੰ ਲੈ ਸਿਰਸਿਲਾ ਦਾ ਸਾੜੀ ਬੁਣਨ ਵਾਲਾ ਸਮੁਦਾਇ ਰਾਜ ਸਰਕਾਰ ਦੀ ਮੁਫ਼ਤ ਸਾਰੀ ਵੰਡ ਯੋਜਨਾ ਦੇ ਭਵਿੱਖ ਨੂੰ ਲੈ ਕੇ ਚਿੰਤਤ ਹੈ। ਇਹ ਯੋਜਨਾ ਰਾਜ ਦੇ ਕਾਰਜਕਾਰੀ ਮੁਖ ਮੰਤਰੀ ਕੇ. ਚੰਦਰਸ਼ੇਖਰ ਰਾਓ ਨੇ ਸ਼ੁਰੂ ਕੀਤੀ ਸੀ। ਅਜਿਹੇ ਵਿਚ ਉਨ੍ਹਾਂ ਦੀ ਪਾਰਟੀ ਤੇਲਗਾਂਨਾ ਰਾਸ਼ਟਰ ਸਮਿਤੀ ( ਟੀਆਰਐਸ) ਸੱਤਾ ਵਿਚ ਨਹੀਂ ਆਉਂਦੀ ਹੈ ਤਾਂ ਇਹ ਯੋਜਨਾ ਚਾਲੂ ਰਹੇਗੀ ਜਾਂ

ਨਹੀਂ ਇਸ ਨੂੰ ਲੈ ਕੇ ਸਾੜੀ ਬੁਣਨ ਵਾਲਾ ਸਮੁਦਾਇ ਬਹੁਤ ਪਰੇਸ਼ਾਨ ਹੈ। ਇਸ ਯੋਜਨਾ ਨਾਲ ਸਾੜੀ ਬੁਨਣ ਵਾਲਿਆਂ ਨੂੰ ਆਮਦਨੀ ਕਮਾਉਣ ਦੇ ਮੁਸ਼ਕਲ ਹਾਲਾਂਤਾਂ ਤੋਂ ਨਿਜਾਤ ਮਿਲੀ ਸੀ ਅਤੇ ਇਨਾਂ ਦੀ ਆਮਦਨੀ ਵਧਾਉਣ ਵਿਚ ਵੀ ਮਦਦ ਕੀਤੀ ਸੀ। ਅਜਿਹੇ ਵਿਚ ਇਹ ਯੋਜਨਾ ਟੀਆਰਐਸ ਦੇ ਲਈ ਚੋਣਾਂ ਵਿਚ ਵੱਡਾ ਬਦਲਾਅ ਕਰਨ ਵਾਲੀ ਵੀ ਸਾਬਤ ਹੋ ਸਕਦੀ ਹੈ। ਸਿਰਸਿਲਾ ਸੀਟ ਤੋਂ ਰਾਓ ਦੇ ਬੇਟੇ ਕੇਟੀ ਰਾਮਾਰਾਓ ਚੋਣ ਲੜ ਰਹੇ ਹਨ। ਟੀਆਰਐਸ ਦੀ ਮੁਫਤ ਸਾੜੀ ਦੀ ਯੋਜਨਾ ਨਾਲ ਇਸ ਇਲਾਕੇ ਵਿਚ ਸਾੜੀ ਬਣਾਉਣ ਦੇ ਕੰਮ ਨੇ ਬਹੁਤ ਵਿਕਾਸ ਕੀਤਾ ਸੀ।

ਮਨੋਰੋਗ ਦੇਖਭਾਲ ਅਤੇ ਕਾਉਂਸਲਿੰਗ ਸੈਂਟਰ ਦੇ ਪੁਨਮ ਚੰਦਰ ਨੇ ਦੱਸਿਆ ਕਿ 2013 ਤੱਕ ਇਕ ਸਾਲ ਵਿਚ ਲਗਭਗ 90-100 ਕਪੜਾ ਬੁਣਨ ਵਾਲੇ ਖ਼ੁਦਕੁਸ਼ੀ ਕਰ ਲੈਂਦੇ ਸੀ। ਪਰ ਜਾਗਰੂਕਤਾ ਕੈਂਪਾ, ਕਾਉਂਸਲਿੰਗ ਅਤੇ ਸਰਕਾਰ ਦੀਆਂ ਯੋਜਨਾਵਾਂ ਕਾਰਨ ਇਥੇ ਬਦਲਾਅ ਆਇਆ ਹੈ। ਉਨ੍ਹਾਂ ਦੱਸਿਆ ਕਿ ਪਾਵਰਲੂਮ ਬੁਣਨ ਵਾਲਿਆਂ ਨੇ ਵਧ ਕਮਾਈ ਦੇ ਉਦੇਸ਼ ਨਾਲ ਅਪਣੇ ਸ਼ੁਰੂਆਤੀ ਦੋ ਲਾਟਾਂ ਨੂੰ ਵਧਾ ਕੇ 16 ਲਾਟਾਂ ਤੱਕ ਕਰ ਲਿਆ ਸੀ। ਇਸ ਨਾਲ ਸਾੜੀਆਂ ਦਾ ਉਤਪਾਦਨ ਤਾਂ ਵਧ ਗਿਆ ਪਰ ਉਨ੍ਹਾਂ ਨੂੰ ਕੋਈ ਬਜ਼ਾਰ ਨਹੀਂ ਮਿਲਿਆ ਅਤੇ ਉਹ ਕਰਜ਼ ਜਾਲ ਵਿਚ ਫੰਸ ਗਏ।