New Income Tax Bill: ਸਰਕਾਰ 6 ਫ਼ਰਵਰੀ ਨੂੰ ਪੇਸ਼ ਕਰ ਸਕਦੀ ਹੈ ਨਵਾਂ ਆਮਦਨ ਟੈਕਸ ਬਿੱਲ, ਕਈ ਵੱਡੇ ਬਦਲਾਅ ਦੀਆਂ ਤਿਆਰੀਆਂ
ਇਸ ਵੇਲੇ, ਆਮਦਨ ਕਰ ਕਾਨੂੰਨ ਲਗਭਗ 6 ਲੱਖ ਸ਼ਬਦਾਂ ਦਾ ਹੈ, ਜਿਸ ਨੂੰ ਅੱਧਾ ਕਰਨ ਦੀ ਯੋਜਨਾ ਹੈ।
New Income Tax Bill: ਨਵੇਂ ਆਮਦਨ ਕਰ ਬਿੱਲ ਦਾ ਖਰੜਾ 6 ਫ਼ਰਵਰੀ ਨੂੰ ਪੇਸ਼ ਕੀਤਾ ਜਾ ਸਕਦਾ ਹੈ। ਇਹ ਬਿੱਲ ਮੌਜੂਦਾ ਆਮਦਨ ਕਰ ਕਾਨੂੰਨ ਵਿੱਚ ਵੱਡੇ ਬਦਲਾਅ ਲਿਆਉਣ ਜਾ ਰਿਹਾ ਹੈ। ਰਿਪੋਰਟਾਂ ਅਨੁਸਾਰ, ਇਸ ਵਿੱਚੋਂ ਲਗਭਗ 3 ਲੱਖ ਸ਼ਬਦ ਹਟਾਏ ਜਾ ਸਕਦੇ ਹਨ, ਜਿਸ ਨਾਲ ਇਸ ਨੂੰ ਸਮਝਣਾ ਆਸਾਨ ਹੋ ਜਾਵੇਗਾ। ਇਸ ਵੇਲੇ, ਆਮਦਨ ਕਰ ਕਾਨੂੰਨ ਲਗਭਗ 6 ਲੱਖ ਸ਼ਬਦਾਂ ਦਾ ਹੈ, ਜਿਸ ਨੂੰ ਅੱਧਾ ਕਰਨ ਦੀ ਯੋਜਨਾ ਹੈ।
ਟੈਕਸ ਆਧਾਰ ਵਧਾਉਣ 'ਤੇ ਜ਼ੋਰ
ਸੂਤਰਾਂ ਅਨੁਸਾਰ, ਨਵਾਂ ਬਿੱਲ ਟੈਕਸ ਅਧਾਰ ਵਧਾਉਣ 'ਤੇ ਕੇਂਦ੍ਰਿਤ ਹੋਵੇਗਾ ਕਿਉਂਕਿ ਮੌਜੂਦਾ ਟੈਕਸਦਾਤਾਵਾਂ ਦੀ ਗਿਣਤੀ ਘੱਟ ਗਈ ਹੈ। ਇਸ ਬਦਲਾਅ ਨਾਲ ਸਰਕਾਰ ਟੈਕਸ ਪ੍ਰਣਾਲੀ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣਾ ਚਾਹੁੰਦੀ ਹੈ।
ਬਜਟ 2025 ਵਿੱਚ ਵਿੱਤ ਮੰਤਰੀ ਦਾ ਐਲਾਨ
2025-26 ਦਾ ਬਜਟ ਪੇਸ਼ ਕਰਦੇ ਹੋਏ, ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ (Nirmala Sitharaman on Income Tax) ਨੇ ਕਿਹਾ ਕਿ ਸਰਕਾਰ ਅਗਲੇ ਹਫ਼ਤੇ ਸੰਸਦ ਵਿੱਚ ਇੱਕ ਨਵਾਂ ਆਮਦਨ ਟੈਕਸ ਕਾਨੂੰਨ ਪੇਸ਼ ਕਰਨ ਜਾ ਰਹੀ ਹੈ।
ਉਨ੍ਹਾਂ ਕਿਹਾ, "ਜਿਵੇਂ ਸਾਡੀ ਸਰਕਾਰ ਨੇ ਭਾਰਤੀ ਨਿਆਂ ਕੋਡ ਨੂੰ ਭਾਰਤੀ ਦੰਡ ਸੰਹਿਤਾ ਨਾਲ ਬਦਲ ਦਿੱਤਾ ਹੈ, ਉਸੇ ਤਰ੍ਹਾਂ ਇਹ ਨਵਾਂ ਆਮਦਨ ਟੈਕਸ ਬਿੱਲ ਵੀ 'ਨਿਆਂ' ਦੀ ਭਾਵਨਾ ਨੂੰ ਅੱਗੇ ਵਧਾਏਗਾ। ਨਵਾਂ ਕਾਨੂੰਨ ਸਪੱਸ਼ਟ ਅਤੇ ਸਿੱਧਾ ਹੋਵੇਗਾ, ਜਿਸ ਵਿੱਚ ਮੌਜੂਦਾ ਕਾਨੂੰਨ ਦੇ ਅੱਧੇ ਤੋਂ ਵੀ ਘੱਟ ਵੇਰਵੇ ਹੋਣਗੇ ਇਹ ਟੈਕਸਦਾਤਾਵਾਂ ਅਤੇ ਟੈਕਸ ਵਿਭਾਗ ਦੋਵਾਂ ਦੇ ਲਈ ਸਮਝਣਾ ਆਸਾਨ ਹੋਵੇਗਾ ਜਿਸ ਵਿਚ ਟੈਕਸ ਮਾਮਲਿਆਂ ਵਿਚ ਅਨਿਸ਼ਚਿਤਤਾ ਅਤੇ ਵਿਵਾਦ ਘੱਟ ਹੋਣਗੇ।
ਇਸ ਦਾ ਐਲਾਨ 2024 ਵਿੱਚ ਕੀਤਾ ਗਿਆ ਸੀ।
ਇਹ ਨਵਾਂ ਆਮਦਨ ਕਰ ਕਾਨੂੰਨ ਪਿਛਲੇ ਬਜਟ (2024-25) ਵਿੱਚ ਕੀਤੇ ਗਏ ਐਲਾਨ ਦੇ ਆਧਾਰ 'ਤੇ ਲਿਆਂਦਾ ਜਾ ਰਿਹਾ ਹੈ। ਜੁਲਾਈ 2024 ਵਿੱਚ, ਵਿੱਤ ਮੰਤਰੀ ਨੇ ਕਿਹਾ ਸੀ ਕਿ ਆਮਦਨ ਕਰ ਐਕਟ, 1961 ਦੀ ਪੂਰੀ ਸਮੀਖਿਆ ਛੇ ਮਹੀਨਿਆਂ ਦੇ ਅੰਦਰ ਪੂਰੀ ਕਰ ਲਈ ਜਾਵੇਗੀ। ਹੁਣ ਸਰਕਾਰ ਇਸ ਬਿੱਲ ਨੂੰ ਪੇਸ਼ ਕਰਨ ਲਈ ਤਿਆਰ ਹੈ। ਨਵੇਂ ਆਮਦਨ ਕਰ ਕਾਨੂੰਨ ਤੋਂ ਟੈਕਸ ਪ੍ਰਣਾਲੀ ਨੂੰ ਸਰਲ ਬਣਾਉਣ ਅਤੇ ਵਿਵਾਦਾਂ ਨੂੰ ਘਟਾਉਣ ਦੀ ਉਮੀਦ ਹੈ।