ਜਦੋਂ ਕੋਈ ਈਵੀਐਮ ਨੂੰ ਦੋਸ਼ ਦੇਣ ਲੱਗ ਪਵੇ ਤਾਂ ਸਮਝ ਲਵੋ ਉਸ ਦੀ ਖੇਡ ਖ਼ਤਮ - ਪੀਐੱਮ ਮੋਦੀ 

Narendra Modi

ਹੁੰਗਲੀ - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਨੀਵਾਰ ਦੁਪਹਿਰ ਹੁੰਗਲੀ ਪਹੁੰਚੇ ਅਤੇ ਉੱਥੇ ਉਹਨਾਂ ਨੇ ਭਾਜਪਾ ਦ ਚੁਣਾਵੀ ਸਭਾ ਨੂੰ ਸੰਬੋਧਿਤ ਕੀਤਾ। ਸੰਬੋਧਨ ਦੌਰਾਨ ਪੀਐੱਮ ਮੋਦੀ ਨੇ ਮਮਤਾ ਬੈਨਰਜੀ 'ਤੇ ਤੰਜ ਕੱਸਦਿਆਂ ਕਿਹਾ ਕਿ ਜਦੋਂ ਕੋਈ ਈਵੀਐਮ ਨੂੰ ਦੋਸ਼ ਦੇਣ ਲੱਗ ਪਵੇ ਤਾਂ ਸਮਝ ਲਵੋ ਕਿ ਉਸ ਦੀ ਖੇਡ ਖ਼ਤਮ ਹੋ ਚੁੱਕੀ ਹੈ। ਮੋਦੀ ਨੇ ਕਿਹਾ ਕਿ ਮੈਦਾਨ ਵਿਚ ਕੋਈ ਖਿਡਾਰੀ ਵਾਰ-ਵਾਰ ਅੰਪਾਇਰ 'ਤੇ ਸਵਾਲ ਉਠਾਵੇ ਤਾਂ ਸਮਝ ਲਵੋ ਕਿ ਉਸ ਦੀ ਖੇਡ ਵਿਚ ਖੋਟ ਹੈ। 

ਪੀਐੱਮ ਮੋਦੀ ਦਾ ਕਹਿਣਾ ਹੈ ਕਿ ਬੰਗਾਲ ਦੇ ਲੋਕ ਹਰ ਪ੍ਰੀਖਿਆ ਵਿਚ ਪਾਸ ਹੋਏ ਹਨ। ਫੇਲ੍ਹ ਤਾਂ ਉਹ ਲੋਕ ਹੋਏ ਹਨ ਜਿਨ੍ਹਾਂ ਨੇ ਬੰਗਾਲ ਦਾ ਵਿਕਾਸ ਨਹੀਂ ਕੀਤਾ। ਅੱਜ ਬੰਗਾਲ ਦੇ ਲੋਕਾਂ ਨੇ ਇਕ ਵਾਰ ਫਿਰ ਪਰਿਵਰਤਨ ਦੀ ਕਮਾਨ ਸੰਭਾਲ ਲਈ ਹੈ। ਸੋਨਾਰ ਬੰਗਲਾ ਦੇ ਵਿਜ਼ਨ ਵਿਚ ਇੱਥੇ ਲੋਕ ਭਾਜਪਾ ਸਰਕਾਰ ਬਣਾਉਣਾ ਚਾਹੁੰਦੇ ਹਨ। ਇਸ ਲਈ ਇੱਥੋਂ ਦੇ ਲੋਕਾਂ ਨੇ ਪਹਿਲੇ ਦੋ ਪੜਾਵਾਂ ਵਿਚ ਹੀ ਭਾਜਪਾ ਦੀ ਜਿੱਤ ਦਾ ਰਸਤਾ ਤੈਅ ਕਰ ਦਿੱਤਾ ਹੈ।

2 ਮਈ ਨੂੰ ਕੀ ਨਤੀਜੇ ਆਉਣਗੇ ਇਸ ਦੀ ਝਲਕ ਅਸੀਂ ਸਾਰੇ 2 ਦਿਨ ਪਹਿਲਾਂ ਨੰਦੀਗ੍ਰਾਮ ਵਿਚ ਦੇਖ ਚੁੱਕੇ ਹਾਂ। ਮੈਨੂੰ ਪਤਾ ਹੈ ਕਿ ਹਰ ਪੜਾਅ ਦੀਆਂ ਚੋਣਾਂ ਦੇ ਨਾਲ ਦੀਦੀ ਦੀ ਬੌਖਲਾਹਟ ਵਧਦੀ ਜਾਵੇਗੀ। ਮੇਰੇ 'ਤੇ ਗਾਲਾਂ ਦੀ ਬਸਾਤ ਵੀ ਵਧਦੀ ਜਾਵੇਗੀ। ਮੋਦੀ ਨੇ ਕਿਹਾ, 'ਦੀਦੀ ਹਾਰ ਤੁਹਾਡੇ ਸਾਹਮਣੇ ਹੈ। ਇਸ ਨੂੰ ਸਵੀਕਾਰ ਕਰੋ। ਹੁਗਲੀ ਦੇ ਲੋਕਾਂ ਦੀ ਆਵਾਜ਼ ਸੁਣੋ। ਦੀਦੀ, ਚੋਣ ਖੇਡ ਨਹੀਂ ਹੈ। ਗਣਤੰਤਰ ਖੇਡ ਨਹੀਂ ਹੈ। ਮੋਦੀ ਨੇ ਕਿਹਾ ਕਿ ਬੰਗਲਾ ਦੇ ਲੋਕਾਂ ਨੇ ਹੀ 10 ਸਾਲ ਪਹਿਲਾਂ ਮਮਤਾ ਨੂੰ ਅੱਖਾਂ 'ਤੇ ਬੈਠਾਇਆ ਸੀ ਪਰ ਦੀਦੀ ਉਹਨਾਂ ਦਾ ਹੀ ਅਪਮਾਨ ਕਰ ਰਹੇ ਹਨ।