MaharashtraNavi Mumbai ongc plant cold storage fire

ਨਵੀਂ ਦਿੱਲੀ : ਮੁੰਬਈ 'ਚ ਆਇਲ ਐਂਡ ਨੈਚੂਰਲ ਗੈਸ ਕਾਰਪੋਰੇਸ਼ਨ ( ਓਐਨਜੀਸੀ)  ਦੇ ਪਲਾਂਟ 'ਚ ਅੱਗ ਲੱਗ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਅੱਗ ਨਵੀਂ ਮੁੰਬਈ 'ਚ ਓਐਨਜੀਸੀ ਦੇ ਕੋਲਡ ਸਟੋਰੇਜ 'ਚ ਲੱਗੀ ਹੈ। ਅੱਗ ਕਾਫ਼ੀ ਭਿਆਨਕ ਹੈ ਕੋਲਡ ਸਟੋਰੇਜ 'ਚ ਦਰਜਨ ਭਰ ਲੋਕਾਂ ਦੇ ਫਸੇ ਹੋਣ ਦੀ ਖ਼ਬਰ ਹੈ। ਫਿਲਹਾਲ 7 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦੋਂ ਕਿ 8 ਜਖ਼ਮੀ ਦੱਸੇ ਜਾ ਰਹੇ ਹਨ ਜਖ਼ਮੀਆਂ ਦੀ ਹਾਲਤ ਗੰਭੀਰ  ਹੈ। ਅੱਗ ਦੀਆਂ ਲਪਟਾਂ ਨੂੰ ਦੇਖਦੇ ਹੋਏ ਆਲੇ ਦੁਆਲੇ ਦੇ ਤਿੰਨ ਕਿਲੋਮੀਟਰ ਤੱਕ ਦੇ ਇਲਾਕੇ ਨੂੰ ਖਾਲੀ ਕਰਵਾਇਆ ਜਾ ਰਿਹਾ ਹੈ।

ਮੌਕੇ 'ਤੇ ਫਾਇਰ ਵਿਭਾਗ ਦੀ ਅੱਧਾ ਦਰਜਨ ਤੋਂ ਜਿਆਦਾ ਗੱਡੀਆਂ ਪਹੁੰਚ ਗਈਆਂ ਹਨ ਅਤੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਫਾਇਰ ਵਿਭਾਗ ਤੋਂ  ਇਲਾਵਾ ਓਐਨਜੀਸੀ ਦੀ ਟੀਮ ਵੀ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਫਿਲਹਾਲ ਪਲਾਂਟ 'ਚ ਗੈਸ ਦੀ ਪ੍ਰੋਸੈਸਿੰਗ ਰੋਕ ਦਿੱਤੀ ਗਈ ਹੈ, ਗੈਸ ਦੀ ਸਪਲਾਈ ਵੀ ਰੋਕ ਦਿੱਤੀ ਗਈ ਹੈ। ਅੱਗ ਵਿੱਚ ਕਈ ਆਮ ਲੋਕਾਂ ਦੇ ਫਸੇ ਹੋਣ ਦੀ ਖ਼ਬਰ ਹੈ। ਆਸਪਾਸ ਦੇ ਇਲਾਕੀਆਂ ਨੂੰ ਖਾਲੀ ਕਰਾਵਾਇਆ ਜਾ ਰਿਹਾ ਹੈ।  

ਓਐਨਜੀਸੀ ਨੇ ਟਵੀਟ ਕਰ ਘਟਨਾ ਦੀ ਜਾਣਕਾਰੀ ਦਿੱਤੀ ਹੈ ਅਤੇ ਦੱਸਿਆ ਕਿ ਅਸੀ ਘਟਨਾ ਨੂੰ ਲੈ ਕੇ ਹਾਲਤ ਦਾ ਮੁਲਾਂਕਣ ਕਰ ਰਹੇ ਹਾਂ। ਹਾਲਾਂਕਿ ਅੱਗ ਗੈਸ 'ਚ ਲੱਗੀ ਹੈ ਇਸ ਲਈ ਇਸਨੂੰ ਰੋਕਨਾ ਥੋੜ੍ਹਾ ਮੁਸ਼ਕਿਲ ਹੁੰਦਾ ਹੈ। ਓਐਨਜੀਸੀ ਨੇ ਦੱਸਿਆ ਕਿ ਉਰਣ ਦੇ ਪਲਾਂਟ 'ਚ ਆਇਲ ਪ੍ਰੋਸੈਸਿੰਗ ਪ੍ਰਕਿਰਿਆ 'ਤੇ ਫਿਲਹਾਲ ਕੋਈ ਅਸਰ ਨਹੀਂ ਪਿਆ ਹੈ ਜਦੋਂ ਕਿ ਗੈਸ ਨੂੰ ਹਜੀਰਾ ਪਲਾਂਟ 'ਚ ਡਾਇਵਰਟ ਕੀਤੀ ਗਈ ਹੈ ਹਾਲਤ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ।

ਫਾਇਰ ਸਰਵਿਸ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਗੈਸ ਦੇ ਖਤਮ ਹੋਣ ਦੇ ਨਾਲ ਹੀ ਅੱਗ ਖਤਮ ਹੋ ਸਕਦੀ ਹੈ। ਇਸ ਪਲਾਂਟ ਤੋਂ ਹੀ ਪੂਰੀ ਮੁੰਬਈ 'ਚ ਗੈਸ ਦੀ ਆਪੂਰਤੀ ਕੀਤੀ ਜਾਂਦੀ ਹੈ। ਇਸ ਪਲਾਂਟ ਤੋਂ ਵਿਦੇਸ਼ਾਂ ਵਿੱਚ ਵੀ ਗੈਸ ਦੀ ਸਪਲਾਈ ਕੀਤੀ ਜਾਂਦੀ ਹੈ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।