ਨਹੀਂ ਰਹੇ ਦਿਲੀਪ ਕੁਮਾਰ ਦੇ ਭਰਾ ਅਹਿਸਾਨ ਖ਼ਾਨ, 13 ਦਿਨ ਪਹਿਲਾਂ ਹੋਈ ਸੀ ਭਰਾ ਅਸਲਮ ਦੀ ਮੌਤ 

Dilip Kumar's youngest brother Ehsan Khan dies in Mumbai

ਨਵੀਂ ਦਿੱਲੀ - ਅਦਾਕਾਰ ਦਿਲੀਪ ਕੁਮਾਰ ਦੇ ਛੋਟੇ ਭਰਾ ਅਹਿਸਾਨ ਖਾਨ ਦਾ ਅੱਜ ਦਿਹਾਂਤ ਹੋ ਗਿਆ। 92 ਸਾਲਾ ਅਹਿਸਾਨ ਖਾਨ ਪਿਛਲੇ ਦਿਨੀਂ ਕੋਰੋਨਾ ਸਕਾਰਾਤਮਕ ਪਾਇਆ ਗਿਆ ਸੀ, ਜਿਸ ਤੋਂ ਬਾਅਦ ਉਸ ਦਾ ਇਲਾਜ ਚੱਲ ਰਿਹਾ ਸੀ। ਕੁਝ ਦਿਨ ਪਹਿਲਾਂ ਦਿਲੀਪ ਕੁਮਾਰ ਦੇ ਇਕ ਹੋਰ ਛੋਟੇ ਭਰਾ ਅਸਲਮ ਖ਼ਾਨ ਦਾ ਦੇਹਾਂਤ ਹੋ ਗਿਆ ਸੀ। 

ਦਿਲੀਪ ਕੁਮਾਰ ਨੇ ਖੁਦ ਦਿੱਤੀ ਜਾਣਕਾਰੀ
ਦੱਸ ਦਈਏ ਕਿ ਦਿਲੀਪ ਕੁਮਾਰ ਨੇ ਇਹ ਜਾਣਕਾਰੀ ਇਕ ਟਵੀਟ ਜਰੀਏ ਦਿੱਤੀ ਹੈ ਉਹਨਾਂ ਲਿਖਿਆ- ਦਿਲੀਪ ਸਾਹਿਬ ਦੇ ਛੋਟੇ ਭਰਾ ਅਹਿਸਾਨ ਖਾਨ ਦੀ ਕੁਝ ਘੰਟੇ ਪਹਿਲਾਂ ਮੌਤ ਹੋ ਗਈ । ਇਸ ਤੋਂ ਪਹਿਲਾਂ ਛੋਟੇ ਭਰਾ ਅਸਲਮ ਦੀ ਵੀ ਮੌਤ ਹੋ ਗਈ। ਅਸੀਂ ਰੱਬ ਕੋਲੋਂ ਹੀ ਆਉਂਦੇ ਹਾਂ ਅਤੇ ਉੱਥੇ ਹੀ ਵਾਪਸ ਜਾਂਦੇ ਹਾਂ। ਉਨ੍ਹਾਂ ਲਈ ਪ੍ਰਾਰਥਨਾ ਕਰੋ। 

ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ 21 ਅਗਸਤ ਨੂੰ ਦਿਲੀਪ ਕੁਮਾਰ ਦੇ ਇੱਕ ਹੋਰ ਛੋਟੇ ਭਰਾ ਅਸਲਮ ਖ਼ਾਨ ਦੀ ਮੌਤ ਹੋ ਗਈਸੀ। ਉਹ ਕੋਰੋਨਾ ਸਕਾਰਾਤਮਕ ਸੀ। ਅਸਲਮ ਦੇ ਭਰਾ ਅਹਿਸਾਨ ਖਾਨ ਦਾ ਮੁੰਬਈ ਦੇ ਲੀਲਾਵਤੀ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਸੀ। ਉਹ ਲਗਭਗ 80 ਸਾਲ ਦੇ ਸਨ ਅਤੇ ਅਹਿਸਾਨ ਖਾਨ 90 ਸਾਲ ਦੇ ਹਨ।

ਜਾਣਕਾਰੀ ਅਨੁਸਾਰ ਦਿਲੀਪ ਕੁਮਾਰ ਦੀ ਪਤਨੀ ਅਤੇ ਅਦਾਕਾਰਾ ਸਾਇਰਾ ਬਾਨੋ ਨੇ ਅਹਿਸਾਨ ਅਤੇ ਅਸਲਮ ਦੀ ਸਿਹਤ ਵਿਗੜਨ ਤੋਂ ਬਾਅਦ ਉਸਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ ਸੀ। ਡਾਕਟਰ ਜਲੀਲ ਪਾਰਕਰ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ। ਦੋਵਾਂ ਭਰਾਵਾਂ ਨੂੰ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਸੀ ਅਤੇ ਇਕ ਭਰਾ ਪਾਰਕਿੰਸਨ ਸਿੰਡਰੋਮ ਤੋਂ ਵੀ ਪੀੜਤ ਸੀ। ਦੋਵਾਂ ਨੂੰ ਵੈਂਟੀਲੇਟਰਾਂ 'ਤੇ ਰੱਖਿਆ ਗਿਆ ਸੀ।