ਔਰਤ ਚਲਾਉਂਦੀ ਸੀ ਗਿਰੋਹ, ਗੈਂਗਸਟਰ ਐਕਟ ਅਧੀਨ ਮਾਮਲਾ ਦਰਜ

A case has been registered under the Gangster Act against six members including the female gangster

 

ਮੈਨਪੁਰੀ - ਉੱਤਰ ਪ੍ਰਦੇਸ਼ ਦੇ ਮੈਨਪੁਰੀ ਜ਼ਿਲ੍ਹੇ 'ਚ ਇਕ ਗਿਰੋਹ ਬਣ ਕੇ ਲੁੱਟ ਖੋਹ ਕਰਨ ਵਾਲੀ ਇਕ ਮਹਿਲਾ ਸਰਗਨਾ ਅਤੇ ਉਸ ਦੇ ਪਤੀ ਸਮੇਤ 6 ਲੋਕਾਂ ਖ਼ਿਲਾਫ਼ ਗੈਂਗਸਟਰ ਐਕਟ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮੈਨਪੁਰੀ ਦੇ ਐਸਪੀ (ਐਸਪੀ) ਕਮਲੇਸ਼ ਦੀਕਸ਼ਿਤ ਨੇ ਦੱਸਿਆ ਕਿ ਉਨ੍ਹਾਂ ਦੀ ਸਿਫ਼ਾਰਸ਼ 'ਤੇ ਜ਼ਿਲ੍ਹਾ ਮੈਜਿਸਟਰੇਟ ਅਵਿਨਾਸ਼ ਕ੍ਰਿਸ਼ਨ ਸਿੰਘ ਨੇ ਜ਼ਿਲ੍ਹਾ ਜੇਲ੍ਹ ਵਿਚ ਬੰਦ ਇੱਕ ਮਹਿਲਾ ਗੈਂਗਸਟਰ ਅਤੇ ਉਸ ਦੇ ਪਤੀ ਸਮੇਤ ਛੇ ਵਿਅਕਤੀਆਂ ਖ਼ਿਲਾਫ਼ ਗੈਂਗਸਟਰ ਐਕਟ ਦੀ ਕਾਰਵਾਈ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। 

ਦੀਕਸ਼ਿਤ ਨੇ ਸ਼ਨੀਵਾਰ ਨੂੰ ਪੀਟੀਆਈ ਏਜੰਸੀ ਨੂੰ ਦੱਸਿਆ ਕਿ ਪੁਲਿਸ ਨੇ ਹਾਲ ਹੀ ਵਿਚ ਕਿਸ਼ਨਪੁਰ ਗਡੀਆ ਪਿੰਡ ਦੇ ਰਹਿਣ ਵਾਲੇ ਗੱਬਰ ਸਿੰਘ ਦੀ ਪਤਨੀ ਵਿਨੀਤਾ ਦੀ ਅਗਵਾਈ ਵਿਚ ਲੁਟੇਰਿਆਂ ਦੇ ਇੱਕ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਵਨੀਤਾ ਦੀ ਅਗਵਾਈ ਹੇਠ ਉਸ ਦਾ ਪਤੀ ਗੱਬਰ, ਵਿਨੋਦ ਉਰਫ਼ ਕਬੂਤਰ, ਪ੍ਰਵੇਸ਼ ਕੁਮਾਰ ਉਰਫ਼ ਗੋਲੂ, ਸ਼ੰਕਰ ਮਿਸਤਰੀ ਅਤੇ ਸੋਨੂੰ ਕਬੱਡੀ ਗਰੋਹ ਨੂੰ ਚਲਾਉਂਦੇ ਸਨ। 

ਇਸ ਗਰੋਹ ਦੇ ਕੰਮ-ਕਾਜ ਬਾਰੇ ਜਾਣਕਾਰੀ ਦਿੰਦਿਆਂ ਪੁਲਿਸ ਸੁਪਰਡੈਂਟ ਨੇ ਦੱਸਿਆ ਕਿ ਵਿਨੀਤਾ ਈ-ਰਿਕਸ਼ਾ 'ਤੇ ਬੈਠ ਕੇ ਲੁੱਟ-ਖੋਹ ਕਰਦੀ ਸੀ ਅਤੇ ਡਰਾਈਵਰ ਨੂੰ ਨਸ਼ੀਲਾ ਪਦਾਰਥ ਖੁਆ ਕੇ ਆਪਣੇ ਗੈਂਗ ਨਾਲ ਭੱਜ ਜਾਂਦੀ ਸੀ।  ਉਸ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਇਸ ਗਰੋਹ ਦੇ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਉਨ੍ਹਾਂ ਕੋਲੋਂ ਲੁੱਟਿਆ ਹੋਇਆ ਸਾਮਾਨ ਬਰਾਮਦ ਕੀਤਾ ਗਿਆ ਸੀ। ਐਸਪੀ ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ ਉਸ ਨੇ ਆਪਣੇ ਵੱਲੋਂ ਕੀਤੇ ਅਪਰਾਧਾਂ ਦਾ ਇਕਬਾਲ ਕੀਤਾ ਹੈ। ਦੀਕਸ਼ਿਤ ਨੇ ਦੱਸਿਆ ਕਿ ਉਨ੍ਹਾਂ ਕੇਸਾਂ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਜ਼ਿਲ੍ਹਾ ਮੈਜਿਸਟਰੇਟ ਅਵਿਨਾਸ਼ ਕ੍ਰਿਸ਼ਨ ਸਿੰਘ ਨੂੰ ਉਸ ਖ਼ਿਲਾਫ਼ ਗੈਂਗਸਟਰ ਐਕਟ ਲਗਾਉਣ ਦੀ ਸਿਫ਼ਾਰਸ਼ ਕੀਤੀ ਸੀ।