ਹਰਸਿਮਰਤ ਬਾਦਲ ਦਾ ਬਿਆਨ, ‘ਜਿੰਨੇ ਸਾਲ ਦੀ ਪੀੜਤਾ ਹੋਵੇ ਓਨੇ ਮਹੀਨੇ ‘ਚ ਆਵੇ ਫੈਸਲਾ’
ਸੰਸਦ ਵਿਚ ਹਰ ਕੋਈ ਹੈਦਰਾਬਾਦ ਤੇ ਉਸ ਵਰਗੀਆਂ ਹੋਈਆਂ ਸਾਰੀਆਂ ਵਾਰਦਾਤਾਂ ਦੇ ਦੋਸ਼ੀਆਂ ਨੂੰ ਜਲਦ ਤੋਂ ਜਲਦ ਫਾਂਸੀ ਦੀ ਸਜ਼ਾ ਦੇਣ ਦੀ ਮੰਗ ਕਰ ਰਿਹਾ ਹੈ।
ਨਵੀਂ ਦਿੱਲੀ: ਹੈਦਰਾਬਾਦ ਸਮੂਹਿਕ ਬਲਾਤਕਾਰ ਤੋਂ ਬਾਅਦ ਦੇਸ਼ ਗੁੱਸੇ ਵਿਚ ਹੈ। ਸੰਸਦ ਤੋਂ ਲੈ ਕੇ ਸੜਕ ਤੱਕ ਪ੍ਰਦਰਸ਼ਨ ਹੋ ਰਹੇ ਹਨ। ਸੰਸਦ ਵਿਚ ਹਰ ਕੋਈ ਹੈਦਰਾਬਾਦ ਤੇ ਉਸ ਵਰਗੀਆਂ ਹੋਈਆਂ ਸਾਰੀਆਂ ਵਾਰਦਾਤਾਂ ਦੇ ਦੋਸ਼ੀਆਂ ਨੂੰ ਜਲਦ ਤੋਂ ਜਲਦ ਫਾਂਸੀ ਦੀ ਸਜ਼ਾ ਦੇਣ ਦੀ ਮੰਗ ਕਰ ਰਿਹਾ ਹੈ। ਇਸ ਮਾਮਲੇ ਵਿਚ ਕੇਂਦਰੀ ਮੰਤਰੀ ਹਰਸਿਮਤਰ ਕੌਰ ਬਾਦਲ ਨੇ ਮੰਗ ਕੀਤੀ ਹੈ ਕਿ ਪੀੜਤਾ ਲੜਕੀ ਦੀ ਜਿੰਨੀ ਉਮਰ ਹੋਵੇ, ਓਨੇ ਸਮੇਂ ਵਿਚ ਹੀ ਫੈਸਲਾ ਆਉਣਾ ਚਾਹੀਦਾ ਹੈ।
26 ਸਾਲ ਦੀ ਲੜਕੀ ਹੋਵੇ ਤਾਂ 26 ਮਹੀਨਿਆਂ ਵਿਚ ਫੈਸਲਾ ਆਵੇ ਅਤੇ 2 ਮਹੀਨੇ ਦੀ ਲੜਕੀ ਹੋਵੇ ਤਾਂ 2 ਮਹੀਨੇ ਵਿਚ ਸਜ਼ਾ ਸੁਣਾਈ ਜਾਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਬਲਾਤਕਾਰੀਆਂ ਲਈ ਦਇਆ ਪਟੀਸ਼ਨ ਨਹੀਂ ਹੋਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਜੇਕਰ ਬਲਾਤਕਾਰ ਮਾਮਲੇ ਦੀ ਸੁਣਵਾਈ ਮਹਿਲਾ ਜੱਜ ਕਰੇਗੀ ਤਾਂ ਦੋਸ਼ੀਆਂ ਨੂੰ ਸਜ਼ਾ ਜਲਦ ਮਿਲੇਗੀ।
ਇਸ ਮਾਮਲੇ ਦੇ ਚਲਦਿਆਂ ਦਿਲੀ ਮਹਿਲਾ ਕਮਿਸ਼ਨ ਦੀ ਚੇਅਰਮੈਨ ਸਵਾਤੀ ਮਾਲੀਵਾਲ ਦਿੱਲੀ ਵਿਚ ਬਲਾਤਕਾਰ ਦੇ ਦੋਸ਼ੀਆਂ ਲਈ ਫਾਂਸੀ ਦੀ ਮੰਗ ਕਰਦਿਆਂ ਭੁੱਖ ਹੜਤਾਲ ’ਤੇ ਬੈਠ ਗਈ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।