Bhopal News: ਪਾਣੀ ਦੀਆਂ ਸ਼ਿਕਾਇਤਾਂ ਸਰੀਰ ਨਾਲ ਬੰਨ੍ਹ ਕੇ ਰੀਂਗਦਾ ਹੋਇਆ ਪਹੁੰਚਿਆ ਸਰਕਾਰੀ ਦਫ਼ਤਰ
Bhopal News: ਵਿਅਕਤੀ ਨੇ ਪਿੰਡ ਦੇ ਸਰਪੰਚ ’ਤੇ ਲਗਾਏ ਭ੍ਰਿਸ਼ਟਾਚਾਰ ਦੇ ਦੋਸ਼
ਜ਼ਿਲ੍ਹਾ ਅਧਿਕਾਰੀਆਂ ਨੇ ਵਿਅਕਤੀ ਦੇ ਦਾਅਵਿਆਂ ਨੂੰ ਸਿਰੇ ਤੋਂ ਨਕਾਰਿਆ
Bhopal News: ਮੱਧ ਪ੍ਰਦੇਸ਼ ਦੇ ਸਿਹੋਰ ਜ਼ਿਲ੍ਹੇ ਦਾ ਇੱਕ ਵਿਅਕਤੀ ਆਪਣੇ ਪਿੰਡ ’ਚ ਪਾਣੀ ਦੀ ਘਾਟ ਦੀ ਸਮੱਸਿਆ ਨੂੰ ਉਜਾਗਰ ਕਰਨ ਲਈ ਆਪਣੇ ਸਰੀਰ ’ਤੇ ਰੱਸੀ ਨਾਲ ਸ਼ਿਕਾਇਤਾਂ ਬੰਨ੍ਹ ਕੇ ਰੀਂਗਦਾ ਹੋਇਆ ਡਿਵੀਜ਼ਨਲ ਕਮਿਸ਼ਨਰ ਦੇ ਦਫ਼ਤਰ ਪਹੁੰਚਿਆ। ਬਿਸ਼ੰਖੇੜੀ ਦੇ ਵਸਨੀਕ ਬਜਰੰਗੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸਨੇ ਇਹ ਅਜੀਬ ਤਰੀਕਾ ਇਸ ਲਈ ਅਪਣਾਇਆ ਕਿਉਂਕਿ ਉਸਦੇ ਪਿੰਡ ’ਚ ਪਾਣੀ ਦੀ ਪਹੁੰਚ ਇੱਕ ਵੱਡੀ ਚੁਣੌਤੀ ਹੈ। ਹਾਲਾਂਕਿ, ਅਧਿਕਾਰੀਆਂ ਨੇ ਇਸ ਦਾਅਵੇ ਤੋਂ ਇਨਕਾਰ ਕੀਤਾ ਹੈ। ਉਸਨੇ ਕਿਹਾ, ‘‘ਮੈਂ ਇੱਥੇ ਪਾਣੀ ਲਈ ਆਇਆ ਹਾਂ। ਮੈਂ ਪਿੰਡ ਵਿੱਚ ਪਾਣੀ ਦੀ ਸਮੱਸਿਆ ਨੂੰ ਉਜਾਗਰ ਕਰਨ ਲਈ ਕੁਲੈਕਟਰ, ਮੰਤਰੀ ਅਤੇ ਮੁੱਖ ਮੰਤਰੀ ਨੂੰ ਅਰਜ਼ੀਆਂ ਦਿੱਤੀਆਂ ਸਨ। ਜਦੋਂ ਕੁਝ ਨਹੀਂ ਹੋਇਆ, ਤਾਂ ਮੈਂ ਇੱਥੇ ਸ਼ਿਕਾਇਤਾਂ ਲੈ ਕੇ ਆਇਆ ਹਾਂ।’’
ਬਜਰੰਗੀ ਨੇ ਆਪਣੇ ਪਿੰਡ ਦੇ ਸਰਪੰਚ ’ਤੇ ਸਮੱਸਿਆ ਦੇ ਹੱਲ ਲਈ ਕੀਤੇ ਜਾ ਰਹੇ ਯਤਨਾਂ ਵਿੱਚ ਰੁਕਾਵਟ ਪਾਉਣ ਅਤੇ ਭ੍ਰਿਸ਼ਟਾਚਾਰ ਵਿੱਚ ਸ਼ਾਮਲ ਹੋਣ ਦਾ ਦੋਸ਼ ਵੀ ਲਗਾਇਆ। ਹਾਲਾਂਕਿ, ਜ਼ਿਲ੍ਹਾ ਅਧਿਕਾਰੀ ਬਜਰੰਗੀ ਦੇ ਦਾਅਵਿਆਂ ਨਾਲ ਅਸਹਿਮਤ ਹਨ। ਜਨ ਸਿਹਤ ਇੰਜੀਨੀਅਰਿੰਗ ਵਿਭਾਗ ਦੇ ਕਾਰਜਕਾਰੀ ਇੰਜੀਨੀਅਰ ਪ੍ਰਦੀਪ ਸਕਸੈਨਾ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਬਿਸ਼ਨਖੇੜੀ ਦਾ ਦੌਰਾ ਕੀਤਾ ਅਤੇ ਪਾਇਆ ਕਿ ਕਮਿਊਨਿਟੀ ਸੈਂਟਰ ਦੇ ਨੇੜੇ ਪਾਣੀ ਦੀ ਘਾਟ ਸੀ। ਉਨ੍ਹਾਂ ਕਿਹਾ ਕਿ ਉੱਥੇ ਬੋਰਵੈੱਲ ਪੁੱਟ ਕੇ ਵਿਕਲਪਕ ਪ੍ਰਬੰਧ ਕੀਤਾ ਗਿਆ ਸੀ। ਅਧਿਕਾਰੀ ਨੇ ਦੱਸਿਆ ਕਿ ਇਸ ਬੋਰਵੈੱਲ ਵਿੱਚ ਪੰਪ ਲਗਾ ਕੇ ਪਾਣੀ ਨੂੰ ਇੱਕ ਟੈਂਕ ਵਿੱਚ ਸਟੋਰ ਕੀਤਾ ਜਾ ਰਿਹਾ ਹੈ।
ਅਧਿਕਾਰੀ ਨੇ ਦੱਸਿਆ ਕਿ ਪਿੰਡ ਦੀ ਆਬਾਦੀ 2,100 ਹੈ ਅਤੇ ਇਸ ਵਿੱਚ 20 ਹੈਂਡ ਪੰਪ ਹਨ, ਜਿਨ੍ਹਾਂ ਵਿੱਚੋਂ 12 ਕੰਮ ਕਰ ਰਹੇ ਹਨ। ਸਕਸੈਨਾ ਅਨੁਸਾਰ, ਪਿੰਡ ਦੇ ਜ਼ਿਆਦਾਤਰ ਘਰਾਂ ਕੋਲ ਆਪਣੇ ਪਾਣੀ ਦੇ ਸਰੋਤ ਹਨ, ਜਿੱਥੋਂ ਹੋਰ ਪਿੰਡ ਵਾਸੀ ਵੀ ਪਾਣੀ ਲੈਂਦੇ ਹਨ।
(For more news apart from Bhopal Latest News, stay tuned to Rozana Spokesman)