ਜਦੋਂ ਸਰਕਾਰ ਦੇ ਭੰਡਾਰੇ ਭਰ ਗਏ ਤੱਦ ਕਿਸਾਨ ਅੱਤਵਾਦੀ ਹੋ ਗਏ,ਜਦੋਂ ਲੋੜ ਸੀ ਤੱਦ ਇਹੀ ਅੰਨਦਾਤਾ ਸੀ
ਅਸੀਂ ਤਾਂ ਅੰਗਰੇਜ਼ ਨਹੀਂ ਰਹਿਣ ਦਿੱਤੇ ਫਿਰ ਇਹ ਮੋਦੀ ਕਿਸ ਬਾਗ ਦੀ ਮੂਲੀ ਹੈ।
ਨਵੀਂ ਦਿੱਲੀ: (ਲੰਕੇਸ਼ ਤ੍ਰਿਖਾ)-ਕਿਸਾਨ ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਦਿੱਲੀ 'ਚ ਧਰਨਾ ਪ੍ਰਦਰਸ਼ਨ ਕਰ ਰਹੇ ਹਨ। ਇਸ ਬਾਰੇ ਸਪੋਕਸਮੈਨ ਦੇ ਪੱਤਰਕਾਰ ਲੰਕੇਸ਼ ਤ੍ਰਿਖਾ ਵੱਲੋਂ ਦਿੱਲੀ ਵਿਚ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ।
ਦਿੱਲੀ ਵਿਚ ਪ੍ਰਦਰਸ਼ਨ ਕਰ ਰਹੇ ਹਰਿਆਣਵੀਂ ਮੁੰਡੇ ਨੇ ਕਿਹਾ ਕਿ ਪਹਿਲਾਂ ਉਹਨਾਂ ਦੇ ਮੁੱਖ ਮੰਤਰੀ ਖੱਟਰ ਕੰਨ੍ਹਾਂ ਤੋਂ ਬੋਲੇ ਸਨ ਉਹਨਾਂ ਦੀ ਆਵਾਜ਼ ਉਹਨਾਂ ਤੱਕ ਨਹੀਂ ਪਹੁੰਚੀ ਪਰ ਹੁਣ ਉਹਨਾਂ ਨੂੰ ਅੱਖਾਂ ਤੋਂ ਵੀ ਦਿਸਣਾ ਬੰਦ ਹੋ ਗਿਆ ਖੱਟਰ ਸਰਕਾਰ ਕਹਿ ਰਹੀ ਹੈ ਕਿ ਹਰਿਆਣਾ ਦਾ ਕਿਸਾਨ ਦਿੱਲੀ ਵਿਚ ਨਹੀਂ ਪਹੁੰਚੇ ਇਕੱਲੇ ਪੰਜਾਬ ਨੇ ਦਿੱਲੀ ਘੇਰੀ ਹੈ ਪਰ ਖੱਟਰ ਸਾਹਿਬ ਅੱਖਾਂ ਖੋਲ੍ਹ ਲਵੋ ਇਥੇ ਇਕੱਲੇ ਪੰਜਾਬ, ਹਰਿਆਣਾ ਦੇ ਕਿਸਾਨ ਨਹੀਂ ਆਏ ਸਗੋਂ ਪੂਰੇ ਭਾਰਤ ਤੋਂ ਕਿਸਾਨ ਆਏ ਹਨ।
ਬਾਹਰਲੇ ਦੇਸ਼ਾਂ ਦੇ ਲੋਕ ਵੀ ਸ਼ਾਮਲ ਹੋ ਰਹੇ ਹਨ। ਇਹ ਇੱਕ ਦੇਸ਼ ਦਾ ਅੰਦੋਲਨ ਨਹੀਂ ਸਗੋਂ ਪੂਰੇ ਦੇਸ਼ ਲਈ ਕ੍ਰਾਂਤੀ ਬਣ ਗਿਆ ਹੈ।ਇਸਦੇ ਨਾਲ ਹੀ ਪੰਜਾਬ ਦੇ ਕਿਸਾਨ ਨੇ ਕਿਹਾ ਕਿ ਦਿੱਲੀ ਦੇ ਲੋਕਾਂ ਨੂੰ ਨਹੀਂ ਪਤਾ ਹੀ ਕਿ ਅੰਨਦਾਤਾ ਕੌਣ ਹੁੰਦਾ ਹੈ ਪਰ ਅਸੀਂ ਸਾਰਿਆਂ ਨੇ ਇਥੇ ਆ ਕੇ ਵਿਖਾ ਦਿੱਤਾ ਅੰਨਦਾਤਾ ਕੌਣ ਨੇ।
ਦਿੱਲੀ ਦੀ ਅੱਧੀ ਸੰਖਿਆ ਲੰਗਰਾਂ ਵਿਚੋਂ ਪਰਸ਼ਾਦਾ ਛੱਕ ਕੇ ਜਾਂਦੀ ਹੈ ਅਤੇ ਅਸੀਂ ਸਾਰਿਆਂ ਨੂੰ ਕਹਿੰਦੇ ਹਾਂ ਕਿ ਆਓ ਲੰਗਰ ਛਕ ਕੇ ਜਾਓ। ਇਸ ਦੇ ਨਾਲ ਬਜ਼ੁਰਗ ਕਿਸਾਨ ਨੇ ਕਿਹਾ ਕਿ ਜੇ ਊਧਮ ਸਿੰਘ ਅੱਤਵਾਦ ਹੈ ਅਸੀਂ ਵੀ ਅੱਤਵਾਦੀ ਹਾਂ, ਜੇ ਕਰਤਾਰ ਸਿੰਘ ਸਰਾਭਾ ਅੱਤਵਾਦੀ ਹੈ ਅਸੀਂ ਵੀ ਅੱਤਵਾਦੀ ਹਾਂ।
ਉਹਨਾਂ ਕਿਹਾ ਜਦੋਂ ਖਾਣ ਨੂੰ ਦਿੱਤਾ ਉਦੋਂ ਨਹੀਂ ਸੀ ਅਸੀਂ ਅੱਤਵਾਦੀ ਹੁਣ ਆਪਣੇ ਭੰਡਾਰ ਭਰ ਲਏ ਹੁਣ ਅਸੀਂ ਅੱਤਵਾਦੀ ਬਣ ਗਏ। ਕਿਉਂਕਿ ਹੁਣ ਦੇਸ਼ ਵਿਚ ਅੰਨ ਬਹੁਤ ਹੋ ਗਿਆ। ਕਿਸਾਨਾਂ ਨੇ ਮੋਦੀ ਨੂੰ ਲਾਹਣਤਾਂ ਪਾਈਆਂ। ਉਹਨਾਂ ਕਿਹਾ ਕਿ ਮੋਦੀ ਜਿੰਨਾ ਨਿਕੰਮਾ ਪ੍ਰਧਾਨਮੰਤਰੀ ਨਹੀਂ ਵੇਖਿਆ। ਜਿਸ ਨੇ ਦੇਸ਼ ਲਈ ਕੁੱਝ ਵੀ ਨਹੀਂ ਕੀਤਾ ਜੋ ਵੀ ਕੀਤਾ ਉਹ ਬੁਰਾ ਹੀ ਕੀਤਾ। ਉਹਨਾਂ ਕਿਹਾ ਕਿ ਅਸੀਂ ਤਾਂ ਅੰਗਰੇਜ਼ ਨਹੀਂ ਰਹਿਣ ਦਿੱਤੇ ਫਿਰ ਇਹ ਮੋਦੀ ਕਿਸ ਬਾਗ ਦੀ ਮੂਲੀ ਹੈ।