2-year-old daughter saves mother's life
ਮੁਰਾਦਾਬਾਦ: ਉੱਤਰ ਪ੍ਰਦੇਸ਼ ਦੇ ਮੁਰਾਦਾਬਾਦ 'ਚ 2 ਸਾਲ ਦੀ ਇਕ ਲੜਕੀ ਨੇ ਸਮਝਦਾਰੀ ਦਿਖਾ ਕੇ ਆਪਣੀ ਮਾਂ ਦੀ ਜਾਨ ਬਚਾਈ। ਬੇਹੋਸ਼ ਮਾਂ ਦੀ ਮਦਦ ਕਰਨ ਵਿੱਚ ਬੇਵੱਸ ਧੀ ਰੇਲਵੇ ਸਟੇਸ਼ਨ ਤੇ ਮੌਜੂਦ ਆਰਪੀਐਫ ਕਾਂਸਟੇਬਲ ਨੂੰ ਉਂਗਲ ਫੜ ਕੇ ਆਪਣੀ ਮਾਂ ਕੋਲ ਲੈ ਆਈ, ਜਿਸ ਤੋਂ ਬਾਅਦ ਆਰਪੀਐਫ ਕਾਂਸਟੇਬਲ ਨੇ ਬੇਹੋਸ਼ ਔਰਤ ਨੂੰ ਵੇਖਿਆ ਤੇ ਤੁਰੰਤ ਹਸਪਤਾਲ ਵਿੱਚ ਦਾਖਲ ਕਰਵਾਇਆ।
2 ਸਾਲ ਦੀ ਬੇਟੀ ਤੋਂ ਇਲਾਵਾ ਔਰਤ ਦੇ ਨਾਲ 6 ਮਹੀਨੇ ਦੀ ਇਕ ਬੱਚੀ ਵੀ ਸੀ। ਦੱਸ ਦੇਈਏ ਕਿ 2 ਸਾਲ ਦੀ ਇੱਕ ਲੜਕੀ ਦੀ ਸਮਝਦਾਰੀ ਬਾਰੇ ਜਾਣ ਕੇ ਹਰ ਕੋਈ ਹੈਰਾਨ ਹੈ। ਇਹ ਮਾਮਲਾ ਹੁਣ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ। ਮਾਸੂਮ ਨੇ ਸਮੇਂ ਸਿਰ ਆਪਣੀ ਮਾਂ ਦੀ ਸਹਾਇਤਾ ਕਰ ਜਾਨ ਬਚਾ ਲਈ।
ਆਰਪੀਐਫ ਅਧਿਕਾਰੀ ਮਨੋਜ ਕੁਮਾਰ ਨੇ ਕਿਹਾ ਕਿ ਸਾਡੇ ਸਟਾਫ ਨੂੰ ਇਕ ਲੜਕੀ ਮਿਲੀ ਜੋ ਉਨ੍ਹਾਂ ਨੂੰ ਬੇਹੋਸ਼ ਮਾਂ ਕੋਲ ਲੈ ਗਈ ਤੇ ਸਾਡੇ ਸਟਾਫ ਨੇ ਸਮਾਂ ਬਰਬਾਦ ਨਾ ਕਰਦੇ ਹੋਏ ਮਹਿਲਾ ਨੂੰ ਹਸਪਤਾਲ ਦਾਖਲ ਕਰਵਾਇਆ ਜਿਥੇ ਉਹਨਾਂ ਦਾ ਇਲਾਜ ਚੱਲ ਰਿਹਾ ਹੈ।