ਜੈਫ ਬੇਜ਼ੋਸ ਅੱਜ ਛੱਡਣਗੇ ਐਮਾਜ਼ਾਨ ਦੇ CEO ਦਾ ਅਹੁਦਾ

Jeff Bozos

ਨਵੀਂ ਦਿੱਲੀ: ਦੁਨੀਆ ਦੇ ਸਭ ਤੋਂ ਅਮੀਰ ਆਦਮੀ ਜੈਫ ਬੇਜ਼ੋਸ (Jeff Bozos) ਅੱਜ  ਐਮਾਜ਼ਾਨ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਦਾ ਅਹੁਦਾ ਛੱਡਣ ਜਾ ਰਹੇ ਹਨ। ਬੇਜੋਸ ਲਗਭਗ ਤਿੰਨ ਦਹਾਕਿਆਂ ਤੋਂ ਇਸ ਅਹੁਦੇ 'ਤੇ ਰਹੇ। ਬੇਜੋਸ ਕੰਪਨੀ ਦੇ ਦੂਜੇ ਹਿੱਸਿਆਂ 'ਤੇ ਧਿਆਨ ਕੇਂਦਰਤ ਕਰਨ ਲਈ ਅਸਤੀਫਾ ਦੇ ਰਹੇ ਹਨ।

ਸੀਈਓ ਦਾ ਅਹੁਦਾ ਛੱਡਣ ਤੋਂ ਬਾਅਦ, ਉਹ ਕਾਰਜਕਾਰੀ ਚੇਅਰਮੈਨ ਬਣਨਗੇ। ਜੈਫ ਬੇਜ਼ੋਸ (Jeff Bozos) ਤੋਂ ਬਾਅਦ, ਐਮਾਜ਼ਾਨ ਦੇ ਸੀਈਓ ਦਾ ਅਹੁਦਾ ਐਂਡੀ ਸੰਭਾਲਣਗੇ। ਐਮਾਜ਼ਾਨ ਦੇ ਸੀਈਓ ਦੇ ਅਹੁਦੇ ਤੋਂ ਜੈਫ ਬੇਜ਼ੋਸ (Jeff Bozos) ਦੇ ਵਿਦਾ ਹੋਣ ਦੀ ਖ਼ਬਰ ਕੰਪਨੀ ਦੇ ਕਰਮਚਾਰੀਆਂ ਨੂੰ ਇੱਕ ਪੱਤਰ ਦੇ ਜ਼ਰੀਏ ਮਿਲੀ।

ਜੈਫ ਬੇਜੋਸ ਨੇ ਆਪਣੇ ਪੱਤਰ ਵਿੱਚ ਲਿਖਿਆ ਕਿ, ‘ਅਮੇਜ਼ਨ ਦੇ ਸੀਈਓ ਦੇ ਅਹੁਦੇ‘ ਤੇ ਰਹਿਣਾ ਇੱਕ ਵੱਡੀ ਜ਼ਿੰਮੇਵਾਰੀ ਹੈ, ਜਿਸ ‘ਚ ਬਹੁਤ ਸਮਾਂ ਲਗਾਉਣਾ ਪੈਂਦਾ ਹੈ। ਅਜਿਹੀ ਸਥਿਤੀ ਵਿਚ ਕਿਸੇ ਹੋਰ ਕੰਮ ਵਿਚ ਧਿਆਨ ਲਗਾਉਣਾ ਮੁਸ਼ਕਲ ਹੈ।

ਕਾਰਜਕਾਰੀ ਚੇਅਰਮੈਨ ਬਣਨ ਤੋਂ ਬਾਅਦ, ਮੈਂ ਕੰਪਨੀ ਦੇ ਹੋਰ ਕਾਰਜਾਂ ਦੀ ਨਿਗਰਾਨੀ ਕਰਨ ਦੇ ਯੋਗ ਹੋਵਾਂਗਾ। ਬਲੂਮਬਰਗ ਬਿਲੀਨੀਅਰਸ ਇੰਡੈਕਸ ਦੇ ਅਨੁਸਾਰ, ਇਸ ਸਮੇਂ ਉਹਨਾਂ ਦੀ ਕੁਲ 203 ਅਰਬ ਡਾਲਰ ਦੀ ਜਾਇਦਾਦ ਹੈ ਅਤੇ ਉਹ ਵਿਸ਼ਵ ਦੇ ਸਭ ਤੋਂ ਅਮੀਰ ਵਿਅਕਤੀ ਹਨ।