ਰੀਨਤ ਸੰਧੂ ਨੇ ਵਿਦੇਸ਼ ਮੰਤਰਾਲੇ ਵਿਚ ਸੰਭਾਲਿਆ ਸਕੱਤਰ ਦਾ ਅਹੁਦਾ
ਵਿਦੇਸ਼ ਨੀਤੀ ਵਿਚ ਅਹਿਮ ਭੂਮਿਕਾ ਨਿਭਾ ਰਹੇ ਪਤੀ ਪਤਨੀ
ਨਵੀਂ ਦਿੱਲੀ: ਸੀਨੀਅਰ ਡਿਪਲੋਮੈਟ ਰੀਨਤ ਸੰਧੂ ਨੇ ਵੀਰਵਾਰ ਨੂੰ ਵਿਦੇਸ਼ ਮੰਤਰਾਲੇ ਵਿਚ ਸਕੱਤਰ (ਪੱਛਮੀ) ਦਾ ਅਹੁਦਾ ਸੰਭਾਲ ਲਿਆ। ਸੰਧੂ, 1989 ਬੈਚ ਦੇ ਭਾਰਤੀ ਵਿਦੇਸ਼ ਸੇਵਾ ਦੇ ਅਧਿਕਾਰੀ ਹਨ।
ਉਨ੍ਹਾਂ ਵਿਕਾਸ ਸਵਰੂਪ ਦੀ ਥਾਂ ਲਈ ਹੈ ਜੋ 35 ਸਾਲ ਦੀ ਨੌਕਰੀ ਬਾਅਦ ਬੁੱਧਵਾਰ ਨੂੰ ਸੇਵਾਮੁਕਤ ਹੋ ਗਏ ਸਨ। ਸਕੱਤਰ(ਦੱਖਣੀ) ਦੇ ਅਹੁਦੇ ਦਾ ਚਾਰਜ ਲੈਣ ਤੋਂ ਪਹਿਲਾਂ ਸੰਧੂ ਦਿੱਲੀ ਸਥਿਤ ਮੰਤਰਾਲੇ ਦੇ ਹੈਡਕੁਆਰਟਰ ਵਿੱਚ ਵਧੀਕ ਸਕੱਤਰ(ਭਾਰਤ ਪ੍ਰਸ਼ਾਂਤ, ਦੱਖਣੀ ਸਾਗਰ) ਵਜੋਂ ਸੇਵਾ ਨਿਭਾ ਰਹੇ ਸਨ। ਉਹ 2007-2020 ਤਕ ਇਟਲੀ ਅਤੇ ਸਾਂਨ ਮਰੀਨੋ ਦੇ ਸਫੀਰ ਵਜੋਂ ਵੀ ਸੇਵਾ ਨਿਭਾ ਚੁੱਕੇ ਹਨ।
ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ 2014-2017 ਤੱਕ ਵਾਸ਼ਿੰਗਟਨ ਡੀਸੀ ਵਿਚ ਭਾਰਤੀ ਅੰਬੈਸੀ ਵਿਚ ਮੰਤਰੀ (ਵਪਾਰ)/ਮਿਸ਼ਨ ਦੀ ਉਪ ਮੁਖੀ ਵਜੋਂ ਕੰਮ ਕੀਤਾ। ਉਹ ਮਾਸਕੋ ਕੀਵ ਕੋਲੰਬੋ ਅਤੇ ਨਿਊਯਾਰਕ ਵਿਚ ਭਾਰਤੀ ਮਿਸ਼ਨਾਂ ਵਿਚ ਵੱਖ-ਵੱਖ ਅਹੁਦਿਆਂ ’ਤੇ ਵੀ ਕੰਮ ਕਰ ਚੁੱਕੀ ਹੈ।
ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਦੇ ਪਤੀ ਤਰਨਜੀਤ ਸਿੰਘ ਸੰਧੂ ਵੀ ਸਿਆਸੀ ਤੌਰ ’ਤੇ ਅਮਰੀਕਾ ਵਿਚ ਹੀ ਤਾਇਨਾਤ ਹਨ। ਇਹ ਪਤੀ-ਪਤਨੀ ਲੰਬੇ ਸਮੇਂ ਤੋਂ ਭਾਰਤ ਦੀ ਵਿਦੇਸ਼ ਨੀਤੀ ਵਿਚ ਅਹਿਮ ਭੂਮਿਕਾ ਨਿਭਾ ਰਹੇ ਹਨ।