ਅਦਾਰ ਪੂਨਾਵਾਲਾ ਨੇ ਵਿਦੇਸ਼ ਜਾਣ ਵਾਲੇ ਵਿਦਿਆਰਥੀਆਂ ਦੀ ਮਦਦ ਲਈ 10 ਕਰੋੜ ਰੁਪਏ ਦਾ ਫੰਡ ਰੱਖਿਆ

Adar Poonawalla

ਨਵੀਂ ਦਿੱਲੀ : ਸੀਰਮ ਇੰਸਟੀਚਿਊਟ ਆਫ਼ ਇੰਡੀਆ ਦੇ ਸੀਈਓ ਅਤੇ ਮਾਲਕ ਅਦਾਰ ਪੂਨਾਵਾਲਾ ਨੇ ਵੀਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੇ ਵਿਦੇਸ਼ਾਂ ਵਿਚ ਪੜ੍ਹਾਈ ਕਰਨ ਜਾਣ ਵਾਲੇ ਵਿਦਿਆਰਥੀਆਂ ਦੀ ਮਦਦ ਲਈ 10 ਕਰੋੜ ਰੁਪਏ ਰੱਖੇ ਹਨ, ਕਿਉਂਕਿ ਕੁਝ ਦੇਸ਼ਾਂ ਨੇ ਹੁਣ ਤੱਕ ਕੁਆਰੰਟੀਨ ਦੇ ਬਿਨ੍ਹਾਂ ਪ੍ਰਵੇਸ਼ ਲਈ ਕੋਵੀਸ਼ੀਲਡ ਨੂੰ ਇਕ ਸਵੀਕਾਰਯੋਗ ਟੀਕੇ ਦੇ ਰੂਪ ਵਿਚ ਮਨਜੂਰੀ ਨਹੀਂ ਦਿੱਤੀ ਹੈ।  

 

 

ਪੂਨਾਵਾਲਾ ਨੇ ਟਵਿੱਟਰ 'ਤੇ ਲਿਖਿਆ, "ਵਿਦੇਸ਼ ਜਾਣ ਵਾਲੇ ਪਿਆਰੇ ਵਿਦਿਆਰਥੀਓ ਕਿਉਂਕਿ ਕੁਝ ਦੇਸ਼ਾਂ ਨੇ ਅਜੇ ਤੱਕ ਕੋਵੀਸੀਲਡ ਨੂੰ ਕੁਆਰੰਟੀਨ ਤੋਂ ਬਿਨਾਂ ਯਾਤਰਾ ਲਈ ਇੱਕ ਸਵੀਕਾਰਯੋਗ ਟੀਕੇ ਵਜੋਂ ਮਨਜ਼ੂਰੀ ਨਹੀਂ ਦਿੱਤੀ ਹੈ, ਇਸ ਲਈ ਤੁਹਾਨੂੰ ਕੁਝ ਖਰਚ ਕਰਨੇ ਪੈ ਸਕਦੇ ਹਨ ਤਾਂ ਮੈਂ ਇਸ ਦੇ ਲਈ 10 ਕਰੋੜ ਰੁਪਏ ਤੁਹਾਡੇ ਲਈ ਅਲੱਗ ਰੱਖੇ ਗਏ ਹਨ।"

ਉਹਨਾਂ ਨੇ ਇੱਕ ਲਿੰਕ ਵੀ ਸਾਂਝਾ ਕੀਤਾ ਹੈ ਜਿੱਥੇ ਵਿਦਿਆਰਥੀ ਲੋੜ ਪੈਣ ਤੇ ਵਿੱਤੀ ਸਹਾਇਤਾ ਲਈ ਅਰਜ਼ੀ ਦੇ ਸਕਦੇ ਹਨ। ਅਦਾਰ ਨੇ ਇਸ ਤੋਂ ਪਹਿਲਾਂ, ਜੁਲਾਈ ਵਿੱਚ, ਕੋਵੀਸੀਲਡ ਨੂੰ ਇੱਕ ਸਵੀਕਾਰਯੋਗ ਟੀਕੇ ਵਜੋਂ ਮਾਨਤਾ ਦੇਣ ਲਈ 16 ਯੂਰਪੀਅਨ ਦੇਸ਼ਾਂ ਦੀ ਸ਼ਲਾਘਾ ਕੀਤੀ ਸੀ।