ਮੱਧ ਪ੍ਰਦੇਸ਼ ’ਚ ਪੈਦਾ ਹੋਇਆ 5.2 ਕਿਲੋਗ੍ਰਾਮ ਭਾਰ ਦਾ ‘ਦੁਰਲੱਭ’ ਬੱਚਾ

'Rare' baby weighing 5.2 kg born in Madhya Pradesh

ਜਬਲਪੁਰ: ਮੱਧ ਪ੍ਰਦੇਸ਼ ਦੇ ਜਬਲਪੁਰ ਜ਼ਿਲ੍ਹੇ ਦੇ ਸਰਕਾਰੀ ਰਾਣੀ ਦੁਰਗਾਵਤੀ ਹਸਪਤਾਲ ’ਚ ਇਕ ਔਰਤ ਨੇ 5.2 ਕਿਲੋਗ੍ਰਾਮ ਭਾਰ ਵਾਲੇ ਬੱਚੇ ਨੂੰ ਜਨਮ ਦਿਤਾ ਹੈ। ਯੂਨਿਟ ਹੈੱਡ ਗਾਇਨੀਕੋਲੋਜਿਸਟ ਡਾ ਭਾਵਨਾ ਮਿਸ਼ਰਾ ਨੇ ਦਸਿਆ ਕਿ ਬੱਚੇ ਦਾ ਜਨਮ ਬੁਧਵਾਰ ਨੂੰ ਰਾਂਝੀ ਇਲਾਕੇ ਦੇ ਰਹਿਣ ਵਾਲੇ ਆਨੰਦ ਚੌਕਸੀ ਦੀ ਪਤਨੀ ਸ਼ੁਭਾਂਗੀ ਦੇ ਘਰ ਸੀਜ਼ੇਰੀਅਨ ਰਾਹੀਂ ਹੋਇਆ।

ਉਨ੍ਹਾਂ ਨੇ ਵੀਰਵਾਰ ਨੂੰ ਕਿਹਾ, ‘‘ਮੈਂ ਕਈ ਸਾਲਾਂ ਤੋਂ ਇੰਨਾ ਭਾਰੀ ਬੱਚਾ ਨਹੀਂ ਵੇਖਿਆ। ਅਜਿਹੇ ਬੱਚਿਆਂ ਨੂੰ ਆਮ ਤੌਰ ਉਤੇ 24 ਘੰਟਿਆਂ ਲਈ ਨਿਗਰਾਨੀ ਹੇਠ ਰੱਖਿਆ ਜਾਂਦਾ ਹੈ ਕਿਉਂਕਿ ਉਨ੍ਹਾਂ ਦੇ ਸ਼ੂਗਰ ਦੇ ਪੱਧਰ ਵਿਚ ਉਤਰਾਅ-ਚੜ੍ਹਾਅ ਹੁੰਦਾ ਹੈ।’’

ਬੱਚਾ ਐਸ.ਐਨ.ਸੀ.ਯੂ. ਵਿਚ ਹੈ ਕਿਉਂਕਿ ਅਜਿਹੇ ਬੱਚਿਆਂ ਨੂੰ ਜਮਾਂਦਰੂ ਵਿਗਾੜਾਂ ਦਾ ਖਤਰਾ ਹੁੰਦਾ ਹੈ। ਬੱਚਿਆਂ ਦੇ ਡਾਕਟਰ ਨੇ ਕਿਹਾ ਹੈ ਕਿ ਉਹ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਵੇਖ ਰਹੀ ਸੀ। ਕੁਲ ਮਿਲਾ ਕੇ ਉਸ ਨੇ ਕਿਹਾ ਕਿ ਬੱਚਾ ਠੀਕ ਹੈ। ਮਿਸ਼ਰਾ ਨੇ ਕਿਹਾ ਕਿ ਪੂਰੀ ਮਿਆਦ ਦੇ ਪੁਰਸ਼ ਨਵਜੰਮੇ ਬੱਚੇ ਦਾ ਔਸਤ ਭਾਰ 2.8 ਤੋਂ 3.2 ਕਿਲੋਗ੍ਰਾਮ ਦੇ ਵਿਚਕਾਰ ਹੁੰਦਾ ਹੈ, ਜਦਕਿ ਮਾਦਾ ਨਵਜੰਮੇ ਬੱਚਿਆਂ ਦਾ ਔਸਤ ਭਾਰ 2.7 ਤੋਂ 3.1 ਕਿਲੋਗ੍ਰਾਮ ਹੁੰਦਾ ਹੈ।

ਡਾਕਟਰ ਨੇ ਕਿਹਾ, ‘‘ਪਰ ਚੰਗੀ ਜੀਵਨ ਸ਼ੈਲੀ, ਪੋਸ਼ਣ ਅਤੇ ਬਿਹਤਰ ਡਾਕਟਰੀ ਦੇਖਭਾਲ ਕਾਰਨ ਬੱਚਿਆਂ ਦੇ ਭਾਰ ਵਿਚ ਹੌਲੀ-ਹੌਲੀ ਸੁਧਾਰ ਹੋ ਰਿਹਾ ਹੈ।’’