ਮਿਸ਼ਨ ਬੰਗਾਲ 'ਤੇ ਬੋਲੇ ਅਮਿਤ ਸ਼ਾਹ , ਦੋ ਤਿਹਾਈ ਬਹੁਮਤ ਨਾਲ ਸਰਕਾਰ ਬਣਾਵੇਗੀ ਭਾਜਪਾ
ਮਮਤਾ ਸਰਕਾਰ ਦੇ ਪਾਪਾਂ ਦਾ ਘੜਾ ਭਰ ਚੁੱਕਾ ਹੈ
ਨਵੀਂ ਦਿੱਲੀ - ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਪੱਛਮੀ ਬੰਗਾਲ ਦੇ ਦੋ ਦਿਨਾਂ ਦੌਰੇ 'ਤੇ ਹਨ। ਅੱਜ ਉਹ ਬਨਕੁਰਾ ਪਹੁੰਚ ਗਿਆ ਹੈ। ਉਹ ਇਥੇ ਭਾਜਪਾ ਸੰਗਠਨ ਦੀ ਬੈਠਕ ਵਿਚ ਹਿੱਸਾ ਲੈਣਗੇ ਅਤੇ ਆਦਿਵਾਸੀ ਘਰ ਵਿਚ ਖਾਣਾ ਖਾਣਗੇ। ਮੰਨਿਆ ਜਾ ਰਿਹਾ ਹੈ ਕਿ ਅਮਿਤ ਸ਼ਾਹ ਦੀ ਇਹ ਫੇਰੀ ਅਗਲੇ ਸਾਲ ਬੰਗਾਲ ਵਿਚ ਹੋਣ ਵਾਲੀਆਂ ਚੋਣਾਂ ਦੀਆਂ ਤਿਆਰੀਆਂ ਦੀ ਸ਼ੁਰੂਆਤ ਹੈ।
ਜ਼ਿਕਰਯੋਗ ਹੈ ਕਿ ਬੁੱਧਵਾਰ ਰਾਤ ਕਰੀਬ ਸਾਢੇ 9 ਵਜੇ ਕੋਲਕਾਤਾ ਦੇ ਪਲੇਨ ਲੈਂਡ ਏਅਰਪੋਰਟ 'ਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਸਵਾਗਤ ਕਰਨ ਲਈ ਕੈਲਾਸ਼ ਵਿਜੇਵਰਗੀਆ ਵਰਗੇ ਵੱਡੇ ਨੇਤਾਵਾਂ ਦੇ ਨਾਲ ਵੱਡੀ ਗਿਣਤੀ' 'ਚ ਵਰਕਰ ਮੌਜੂਦ ਸਨ। ਅੱਜ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਹੈਲੀਕਾਪਟਰ ਰਾਹੀਂ ਬਾਂਕੂਰਾ ਪਹੁੰਚੇ। ਉੱਥੋਂ ਉਹ ਸੜਕ ਰਾਹੀਂ ਪੂਆਬਾਗਨ ਪਹੁੰਚੇ, ਜਿਥੇ ਉਹਨਾਂ ਨੇ ਬਿਰਸਾ ਮੁੰਡਾ ਦੇ ਦੀ ਮੂਰਤੀ ਨੂੰ ਹਾਰ ਪਹਿਨਾਇਆ।
ਇਸ ਦੌਰਾਨ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਪੱਛਮੀ ਬੰਗਾਲ ਵਿਚ ਮਮਤਾ ਸਰਕਾਰ ਖਿਲਾਫ਼ ਜਨਤਕ ਰੋਹ ਹੈ। ਮਮਤਾ ਦੀ ਸਰਕਾਰ ਨੇ ਭਾਜਪਾ ਵਰਕਰਾਂ 'ਤੇ ਕਿਸ ਤਰ੍ਹਾਂ ਦਾ ਜ਼ੁਲਮ ਕੀਤਾ ਹੈ। ਮੈਂ ਯਕੀਨਨ ਦੇਖ ਰਿਹਾ ਹਾਂ ਕਿ ਮਮਤਾ ਸਰਕਾਰ ਦਾ ਘੜਾ ਭਰ ਚੁੱਕਾ ਹੈ। ਆਉਣ ਵਾਲੇ ਦਿਨਾਂ ਵਿਚ ਇੱਥੇ ਭਾਜਪਾ ਦੀ ਦੋ-ਤਿਹਾਈ ਬਹੁਮਤ ਵਾਲੀ ਸਰਕਾਰ ਬਣਨ ਜਾ ਰਹੀ ਹੈ।
ਇਸ ਤੋਂ ਬਾਅਦ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਬਕਨੂਰਾ ਦੇ ਰਬਿੰਦਰਾ ਭਵਨ ਵਿਖੇ ਸੰਗਠਨ ਦੀ ਬੈਠਕ ਵਿਚ ਹਿੱਸਾ ਲੈਣਗੇ। ਮੀਟਿੰਗ ਤੋਂ ਬਾਅਦ ਗ੍ਰਹਿ ਮੰਤਰੀ ਚਤੁਰਡੀਹੀ ਪਿੰਡ ਲਈ ਰਵਾਨਾ ਹੋਣਗੇ। ਪਿੰਡ ਵਿਚ ਅਮਿਤ ਸ਼ਾਹ ਇੱਕ ਆਦਿਵਾਸੀ ਪਰਿਵਾਰ ਵਿਚ ਖਾਣਾ ਖਾਣਗੇ। ਚਤੁਰਡੀਹੀ ਪਿੰਡ ਵਿਚ ਅਮਿਤ ਸ਼ਾਹ ਦਾ ਸਵਾਗਤ ਕਰਨ ਲਈ ਜ਼ੋਰਦਾਰ ਤਿਆਰੀ ਕੀਤੀ ਜਾ ਰਹੀ ਹੈ। ਰਾਤ ਤਕ ਅਮਿਤ ਸ਼ਾਹ ਬਕਨੂਰਾ ਤੋਂ ਕੋਲਕਾਤਾ ਪਰਤ ਆਉਣਗੇ।
ਸ਼ੁੱਕਰਵਾਰ ਨੂੰ ਗ੍ਰਹਿ ਮੰਤਰੀ ਕੋਲਕਾਤਾ ਵਿਚ ਕਈ ਪ੍ਰੋਗਰਾਮਾਂ ਵਿਚ ਹਿੱਸਾ ਲੈਣਗੇ। ਕੋਲਕਾਤਾ ਵਿਚ ਅਮਿਤ ਸ਼ਾਹ ਦੇ ਪ੍ਰੋਗਰਾਮਾਂ ਦੀ ਸ਼ੁਰੂਆਤ ਦੱਖਣੀਸ਼ਵਰ ਮੰਦਰ ਤੋਂ ਹੋਵੇਗੀ, ਜਿਸ ਤੋਂ ਬਾਅਦ ਉਹ ਇਕ ਸੰਸਥਾਗਤ ਬੈਠਕ ਵਿਚ ਸ਼ਾਮਲ ਹੋਣਗੇ।