ਪਟਾਕਿਆਂ ਨੇ ਪੀਜੀਆਈ ਪਹੁੰਚਾਏ ਦਰਜਨਾਂ ਜ਼ਖ਼ਮੀ 15 ਦੀਆਂ ਅੱਖਾਂ 'ਚ ਲੱਗੀਆਂ ਗੰਭੀਰ ਸੱਟਾਂ

PGI

 

ਚੰਡੀਗੜ੍ਹ: ਪਟਾਕਿਆਂ 'ਤੇ ਪਾਬੰਦੀ ਹੋਣ ਦੇ ਬਾਵਜੂਦ ਸ਼ਹਿਰ 'ਚ ਵਾਧੂ ਪਟਾਕੇ ਚੱਲੇ। ਲੋਕਾਂ ਨੇ  ਰੱਜ ਕੇ ਪਟਾਕੇ ਚਲਾਏ। ਇਸ ਦੌਰਾਨ ਪੀਜੀਆਈ ਦੇ ਐਡਵਾਂਸਡ ਆਈ ਸੈਂਟਰ ਦੇ ਮੁਖੀ ਡਾ.ਐਸ.ਐਸ.ਪਾਂਡਵ ਨੇ ਜਾਣਕਾਰੀ ਦਿੱਤੀ ਕਿ ਪਟਾਕੇ  ਚਲਾਉਣ ਕਾਰਨ 15 ਵਿਅਕਤੀਆਂ ਦੀਆਂ ਅੱਖਾਂ ਵਿੱਚ ਗੰਭੀਰ ਸੱਟਾਂ ਲੱਗੀਆਂ ਹਨ।

 

 

 

ਨਾਲ ਹੀ 15 ਲੋਕਾਂ ਨੂੰ ਪੀਜੀਆਈ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿਨ੍ਹਾਂ ਵਿੱਚੋਂ 9 ਲੋਕਾਂ ਦੇ ਆਪਰੇਸ਼ਨ ਹੋਣਗੇ। ਇਸ ਦੇ ਨਾਲ ਹੀ ਰਾਤ 9 ਤੋਂ 1 ਵਜੇ ਤੱਕ ਪਟਾਕਿਆਂ ਕਾਰਨ ਸ਼ਹਿਰ ਵਿੱਚ ਪ੍ਰਦੂਸ਼ਣ ਦਾ ਪੱਧਰ ਵੀ ਕਾਫੀ ਵੱਧ ਗਿਆ।

 

ਏਅਰ ਕੁਆਲਿਟੀ ਇੰਡੈਕਸ 465 ਦੇ ਉੱਪਰ ਪਹੁੰਚ ਗਿਆ, ਜੋ ਕਿ ਤੈਅ ਸੀਮਾ ਤੋਂ ਉੱਚਾ ਰਿਕਾਰਡ ਸੀ। ਚੰਡੀਗੜ੍ਹ ਪ੍ਰਦੂਸ਼ਣ ਵਿਭਾਗ ਦੇ ਡਾਇਰੈਕਟਰ ਦੇਵੇਂਦਰ ਦਲਾਈ ਨੇ ਕਿਹਾ ਕਿ ਪਾਬੰਦੀ ਦੇ ਬਾਵਜੂਦ ਲੋਕਾਂ ਨੇ ਆਪਣੀ ਜ਼ਿੰਮੇਵਾਰੀ ਨਹੀਂ ਨਿਭਾਈ। ਉਨ੍ਹਾਂ ਦੱਸਿਆ ਕਿ ਸਭ ਤੋਂ ਵੱਧ ਪ੍ਰਦੂਸ਼ਣ ਸੈਕਟਰ 22, 25 ਅਤੇ 39 ਵਿੱਚ ਦਰਜ ਕੀਤਾ ਗਿਆ ਹੈ।