ਓਵਰਟੇਕ ਕਰਨਾ ਪਿਆ ਮਹਿੰਗਾ, ਲੱਗੀਆਂ ਸੱਟਾਂ ਤੇ ਹੋਇਆ 13,500 ਦਾ ਚਲਾਨ 

ਕੁੱਲੂ  : ਹਿਮਾਚਲ ਦੇ ਕੁੱਲੂ 'ਚ ਅਟਲ ਸੁਰੰਗ ਰੋਹਤਾਂਗ ਦੇ ਅੰਦਰ ਕਾਰ ਚਾਲਕ ਨੂੰ ਓਵਰਟੇਕ ਕਰਨਾ ਮਹਿੰਗਾ ਪੈ ਗਿਆ। ਸੁਰੰਗ 'ਚ ਓਵਰਟੇਕ ਕਰਦੇ ਸਮੇਂ ਡਰਾਈਵਰ ਨੇ ਕਾਰ 'ਤੇ ਕੰਟਰੋਲ ਗੁਆ ਦਿੱਤਾ।

ਇਸ ਤੋਂ ਬਾਅਦ ਤੇਜ਼ ਰਫਤਾਰ ਕਾਰ ਪਹਿਲਾਂ ਸੁਰੰਗ ਦੇ ਇਕ ਹਿੱਸੇ ਅਤੇ ਫਿਰ ਦੂਜੀ ਕੰਧ ਨਾਲ ਜਾ ਟਕਰਾਈ। ਇਸ ਕਾਰ ਵਿੱਚ ਦਿੱਲੀ ਦੇ 4 ਸੈਲਾਨੀ ਸਵਾਰ ਸਨ। ਹਾਦਸੇ ਵਿੱਚ ਉਨ੍ਹਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਘਟਨਾ ਦੀ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਨੇ ਡਰਾਈਵਰ 'ਤੇ 13,500 ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।

ਕਾਰ ਵਿੱਚ ਸਵਾਰ ਸੈਲਾਨੀ ਅਟਲ ਸੁਰੰਗ ਤੋਂ ਉੱਤਰੀ ਪੋਰਟਲ ਵੱਲ ਜਾ ਰਹੇ ਸਨ। ਫਿਰ ਡਰਾਈਵਰ ਨੇ ਸੁਰੰਗ ਵਿੱਚ ਦੂਜੀ ਲਾਈਨ ਵਿੱਚ ਜਾ ਕੇ ਓਵਰਟੇਕ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਕਾਰ ਦੀ ਰਫ਼ਤਾਰ ਬਹੁਤ ਤੇਜ਼ ਸੀ। ਘਟਨਾ ਦੀ ਵੀਡੀਓ ਪਿੱਛੇ ਆ ਰਹੀ ਇੱਕ ਕਾਰ ਤੋਂ ਲਈ ਗਈ ਹੈ।

ਖੁਸ਼ਕਿਸਮਤੀ ਨਾਲ ਇਸ ਹਾਦਸੇ ਵਿੱਚ ਕਿਸੇ ਦੀ ਮੌਤ ਨਹੀਂ ਹੋਈ। ਚਾਰੇ ਸੈਲਾਨੀਆਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਾਣਕਾਰੀ ਅਨੁਸਾਰ ਜ਼ਖ਼ਮੀਆਂ ਨੂੰ ਤੁਰੰਤ ਇਲਾਜ ਲਈ ਭੇਜ ਦਿੱਤਾ ਗਿਆ। ਫਿਲਹਾਲ ਸਾਰੇ ਖਤਰੇ ਤੋਂ ਬਾਹਰ ਹਨ। ਇਸ ਘਟਨਾ ਵਿੱਚ ਕਾਰ ਪੂਰੀ ਤਰ੍ਹਾਂ ਤਬਾਹ ਹੋ ਗਈ।

ਹਾਦਸੇ ਬਾਰੇ ਪੁਲਿਸ ਨੂੰ ਸੂਚਿਤ ਕਰ ਕੇ ਡਰਾਈਵਰ ’ਤੇ 13,500 ਰੁਪਏ ਦਾ ਚਲਾਨ ਕੱਟਿਆ ਗਿਆ । ਪੁਲਿਸ ਨੇ ਇਸ ਨੂੰ ਲਾਪਰਵਾਹੀ ਦਾ ਮਾਮਲਾ ਮੰਨਿਆ ਅਤੇ ਡਰਾਈਵਰ ਦਾ 13,500 ਰੁਪਏ ਦਾ ਚਲਾਨ ਕੀਤਾ। ਕੁੱਲੂ ਦੇ ਐਸਪੀ ਗੁਰਦੇਵ ਸ਼ਰਮਾ ਨੇ ਦੱਸਿਆ ਕਿ ਮੋਟਰ ਵਹੀਕਲ ਐਕਟ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।