ਬਿਮਾਰ ਸਾਬਕਾ ਮੁਲਾਜ਼ਮ ਦਾ ਹਾਲ ਪੁੱਛਣ ਲਈ ਪੁਣੇ ਗਏ ਰਤਨ ਟਾਟਾ, ਸੋਸ਼ਲ ਮੀਡਿਆ ਤੇ ਵਾਇਰਲ ਹੋਈ ਪੋਸਟ

ਮੁੰਬਈ-  ਬਿਜਨੈੱਸ ਬਿਜ਼ਨੈੱਸ ਟਾਈਕੂਨ ਰਤਨ ਟਾਟਾ ਅੱਜਕਲ੍ਹ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਐਕਟਿਵ ਨਜ਼ਰ ਆਉਂਦੇ ਹਨ।  ਉਹ ਮਜ਼ੇਦਾਰ ਪੋਸਟ ਪਾ ਕੇ ਸਭ ਦਾ ਦਿਲ ਜਿੱਤ ਲੈਂਦੇ ਹਨ। ਇਸ ਵਾਰ ਉਨ੍ਹਾਂ ਨੇ ਕੁਝ ਅਜਿਹਾ ਹੀ ਕੀਤਾ, ਜਿਸ ਦੀ ਉਸਦੀ ਕਾਫ਼ੀ ਪ੍ਰਸ਼ੰਸਾ ਹੋ ਰਹੀ ਹੈ। ਰਤਨ ਟਾਟਾ ਇਕ ਸਾਬਕਾ ਕਰਮਚਾਰੀ ਨੂੰ ਮਿਲਣ ਲਈ ਮੁੰਬਈ ਤੋਂ ਪੁਣੇ ਪਹੁੰਚੇ, ਉਦੋਂ ਤੋਂ ਹੀ ਲੋਕ ਸੋਸ਼ਲ ਮੀਡੀਆ 'ਤੇ ਮੁੜ ਪ੍ਰਸ਼ੰਸਾ ਕਰਨ ਲੱਗ ਪਏ। ਇਸ ਮੁਲਾਜ਼ਮ ਦਾ ਇੱਕ ਕਰੀਬੀ ਦੋਸਤ ਨੇ ਰਤਨ ਟਾਟਾ ਦੀ ਇਸ ਮਿਲਣ ਕਹਾਣੀ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਤੇ ਸਾਂਝਾ ਕਰ ਦਿੱਤਾ। 

ਰਤਨ ਟਾਟਾ ਨੂੰ ਪਤਾ ਲੱਗਿਆ ਕਿ ਉਨ੍ਹਾਂ ਦਾ ਇਕ ਸਾਬਕਾ ਕਰਮਚਾਰੀ ਪਿਛਲੇ ਦੋ ਸਾਲਾਂ ਤੋਂ ਬਿਮਾਰ ਹੈ। ਇਸ ਤੋਂ ਬਾਅਦ ਉਹ ਮੁਲਾਜ਼ਮ ਨੂੰ ਮਿਲਣ ਮੁੰਬਈ ਤੋਂ ਪੁਣੇ ਚਲਾ ਗਿਆ। ਰਤਨ ਟਾਟਾ ਪੁਣੇ ਦੀ ਫਰੈਂਡਜ਼ ਸੁਸਾਇਟੀ ਵਿੱਚ ਕਰਮਚਾਰੀ ਦੇ ਘਰ ਮਿਲੇ। ਮੁਲਾਕਾਤ ਦੀ ਫੋਟੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ। ਜਦੋਂ ਲੋਕਾਂ ਨੂੰ ਪਿਛਲੀ ਕਹਾਣੀ ਪਤਾ ਲੱਗੀ, ਤਾਂ ਲੋਕਾਂ ਨੇ ਰਤਨ ਟਾਟਾ ਦੀ ਬਹੁਤ ਪ੍ਰਸ਼ੰਸਾ ਕੀਤੀ। 

ਲਿੰਕਡਇਨ ਦੇ ਯੂਜ਼ਰ ਯੋਗੇਸ਼ ਦੇਸਾਈ ਨੇ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, "83 ਸਾਲਾ ਰਤਨ ਟਾਟਾ ਆਪਣੇ ਪੁਰਾਣੇ ਕਰਮਚਾਰੀ ਜੋ ਕਿ ਪਿਛਲੇ ਦੋ ਸਾਲਾਂ ਤੋਂ ਬਿਮਾਰ ਸਨ, ਉਸ ਨੂੰ ਮਿਲਣ ਪੁਣੇ ਗਏ ਹਨ। ਨਾ ਮੀਡੀਆ ਅਤੇ ਨਾ ਹੀ ਸੁਰੱਖਿਆ, ਉਹ ਆਪਣੇ ਮੁਲਾਜ਼ਮ ਨੂੰ ਮਿਲਣ ਗਏ ਸੀ। ਇਹ ਸਾਰੇ ਉੱਦਮੀਆਂ ਅਤੇ ਕਾਰੋਬਾਰੀਆਂ ਲਈ ਇਕ ਤਰ੍ਹਾਂ ਦੀ ਸਿੱਖਿਆ ਹੈ ਕਿ ਪੈਸਾ ਸਭ ਕੁਝ ਨਹੀਂ ਹੁੰਦਾ।  ਸ਼੍ਰੀਮਾਨ ਤੁਹਾਨੂੰ ਸਲਾਮ ਮੈਂ ਤੁਹਾਡੇ ਸਨਮਾਨ ਵਿੱਚ ਆਪਣਾ ਸਿਰ ਝੁਕਾਉਂਦਾ ਹਾਂ। "