ਹਰਿਆਣਾ ਸੈਲਾਨੀਆਂ ਦੀ ਨਾਰਕੰਢਾ ਕੋਲ ਗੱਡੀ ਬਰਫ ਤੇ ਫਿਸਲਣ ਨਾਲ ਹਾਦਸਾਗ੍ਰਸਤ, ਦੋ ਦੀ ਮੌਤ

ਨਾਰਕੰਢਾ: ਦੇਸ਼ ਭਰ ਵਿਚ ਕੜਾਕੇ ਦੀ ਠੰਡ ਤੇ ਦੂਜੇ ਪਾਸੇ ਪਹਾੜੀ ਇਲਾਕਿਆਂ ਵਿਚ ਬਰਫ ਪੈ ਰਹੀ ਹੈ। ਇਸ ਦੌਰਾਨ ਨਾਰਕੰਢਾ ਦੇ ਕੋਲ ਸੜਕ ਹਾਦਸਾ ਵਾਪਰਿਆ ਹੈ। ਦੱਸ ਦੇਈਏ ਕਿ ਹਰਿਆਣਾ ਦੇ ਸੈਲਾਨੀਆਂ ਦੀ ਨਾਰਕੰਢਾ ਕੋਲ ਗੱਡੀ ਬਰਫ ਤੇ ਫਿਸਲਣ ਨਾਲ ਹਾਦਸਾਗ੍ਰਸਤ ਹੋ ਗਈ। ਘਟਨਾ ਮੌਕੇ ਕਾਰ 'ਚ ਚਾਰ ਲੋਕ ਸਵਾਰ ਸਨ। ਇਨ੍ਹਾਂ 'ਚੋਂ ਦੋ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਦੋ ਜ਼ਖਮੀ ਹਨ। ਇਹ ਹਾਦਸਾ ਬੀਤੇ ਦਿਨੀ ਦੇਰ ਸ਼ਾਮ ਨਾਰਕੰਢਾ ਨਾਲ ਸਥਿਤ ਹਾਤੂ ਮਾਤਾ ਦੇ ਮੰਦਰ ਦੇ ਰਾਹ 'ਚ ਵਾਪਰੀ। 

ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੌਕੇ 'ਤੇ ਪੁਲਿਸ ਨੇ ਪਹੁੰਚ ਗਈ ਤੇ ਉਨ੍ਹਾਂ ਨੇ ਆ ਕੇ ਘਟਨਾ ਦਾ ਜਾਇਜ਼ਾ ਲਿਆ। ਦੋ ਮ੍ਰਿਤਕਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਬਾਕੀ ਦੋਵਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਹਾਦਸੇ 'ਚ 25 ਸਾਲਾ ਆਸ਼ੀਸ਼ ਤੇ 28 ਸਾਲਾ ਨਵੀਨ ਦੀ ਮੌਤ ਹੋਈ ਹੈ। ਦੋਵੇਂ ਹੀ ਰੋਹਤਕ ਦੇ ਰੁੜਕੀ ਪਿੰਡ ਦੇ ਰਹਿਣ ਵਾਲੇ ਸਨ।