ਓਡੀਸ਼ਾ ’ਚ ਪ੍ਰੇਮੀ ਦੇ ਬਲੈਕਮੇਲ ਤੋਂ ਬਾਅਦ ਕਾਲਜ ਦੀ ਵਿਦਿਆਰਥਣ ਨੇ ਕੀਤੀ ਖੁਦਕੁਸ਼ੀ

ਸਪੋਕਸਮੈਨ ਸਮਾਚਾਰ ਸੇਵਾ

ਖ਼ਬਰਾਂ, ਰਾਸ਼ਟਰੀ

12 ਜੁਲਾਈ ਤੋਂ ਬਾਅਦ ਓਡੀਸ਼ਾ ਵਿਚ ਸੜਨ ਨਾਲ ਕਿਸੇ ਔਰਤ ਦੀ ਮੌਤ

College student commits suicide after being blackmailed by boyfriend in Odisha

ਕੇਂਦਰਪਾੜਾ (ਓਡੀਸ਼ਾ), : ਓਡੀਸ਼ਾ ਦੇ ਕੇਂਦਰਪਾੜਾ ਜ਼ਿਲ੍ਹੇ ’ਚ ਬੁਧਵਾਰ ਨੂੰ ਇਕ ਕਾਲਜ ਵਿਦਿਆਰਥਣ ਨੇ ਅਪਣੇ ਪ੍ਰੇਮੀ ਵਲੋਂ ਬਲੈਕਮੇਲ ਕੀਤੇ ਜਾਣ ਤੋਂ ਬਾਅਦ ਅਪਣੇ ਘਰ ’ਚ ਕਥਿਤ ਤੌਰ ਉਤੇ ਖੁਦਕੁਸ਼ੀ ਕਰ ਲਈ। 12 ਜੁਲਾਈ ਤੋਂ ਬਾਅਦ ਓਡੀਸ਼ਾ ਵਿਚ ਸੜਨ ਨਾਲ ਕਿਸੇ ਔਰਤ ਦੀ ਮੌਤ ਦੀ ਇਹ ਤੀਜੀ ਘਟਨਾ ਹੈ। ਤਾਜ਼ਾ ਘਟਨਾ ਸਵੇਰੇ ਪੱਟਮੁੰਡਾਈ (ਦਿਹਾਤੀ) ਥਾਣਾ ਖੇਤਰ ਦੇ ਕਾਠੀਆਪਾੜਾ ਪਿੰਡ ਵਿਚ ਵਾਪਰੀ। ਕਰੀਬ 20 ਸਾਲ ਦੀ ਉਮਰ ਦੀ ਔਰਤ ਦੇ ਪਿਤਾ ਨੇ ਦਾਅਵਾ ਕੀਤਾ ਕਿ ਜਦੋਂ ਉਹ ਇਕੱਲੀ ਸੀ ਤਾਂ ਉਸ ਨੇ ਅਪਣੇ ਘਰ ’ਚ ਜਲਣਸ਼ੀਲ ਪਦਾਰਥ ਪਾ ਕੇ ਖੁਦ ਨੂੰ ਅੱਗ ਲਾ ਲਈ।

ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਹ ਇਕ ਵਿਅਕਤੀ ਨਾਲ ਰਿਸ਼ਤੇ ਵਿਚ ਸੀ ਅਤੇ ਉਸ ਵਲੋਂ ਬਲੈਕਮੇਲ ਕੀਤਾ ਜਾ ਰਿਹਾ ਸੀ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਸ ਨੇ ਛੇ ਮਹੀਨੇ ਪਹਿਲਾਂ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ ਸੀ, ਪਰ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਪਿਤਾ ਨੇ ਕਿਹਾ, ‘‘ਪੁਲਿਸ ਨੇ ਮੇਰੀ ਧੀ ਨੂੰ ਕਿਹਾ ਕਿ ਜੇ ਉਹ ਉਸ ਨੂੰ ਪਰੇਸ਼ਾਨ ਕਰ ਰਿਹਾ ਹੈ ਤਾਂ ਉਸ ਦਾ ਮੋਬਾਈਲ ਨੰਬਰ ਬਲਾਕ ਕਰ ਦੇਵੇ।’’ ਕੇਂਦਰਪਾੜਾ ਦੇ ਪੁਲਿਸ ਸੁਪਰਡੈਂਟ ਸਿਧਾਰਥ ਕਟਾਰੀਆ ਮੌਕੇ ਉਤੇ ਪਹੁੰਚੇ ਅਤੇ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾਵੇਗੀ।