ਮੁੰਬਈ , ( ਭਾਸ਼ਾ ) : ਭਾਰਤੀ ਰਿਜ਼ਰਵ ਬੈਂਕ ਨੇ ਕਿਹਾ ਹੈ ਕਿ ਉਹ ਇਸ ਸਾਲ ਨਵੰਬਰ ਮਹੀਨੇ ਸਰਕਾਰੀ ਪ੍ਰਤੀਭੂਤੀਆਂ ਦੀ ਖਰੀਦਾਰੀ ਕਰ ਕੇ ਬਜ਼ਾਰ ਵਿਚ 40,000 ਕਰੋੜ ਰੁਪਏ ਦੀ ਤਰਲਤਾ ਲਿਆਵੇਗਾ। ਇਹ ਫੈਸਲਾ ਅਜਿਹੇ ਸਮੇਂ ਵਿਚ ਆਇਆ ਹੈ ਜਦੋਂ ਕਿ ਅਰਥ ਵਿਵਸ਼ਤਾ ਵਿਚ ਤਰਲਤਾ ਦਾ ਸੰਕਟ ਹੈ। ਵਿੱਤੀ ਸੇਵਾ ਪ੍ਰਦਾਨ ਕਰਨ ਵਾਲੀ ਕੰਪਨੀ ਆਈਐਲਐਂਡਐਫਐਸ ਨੇ ਸੰਤਬਰ ਵਿਚ ਅਪਣੀ ਦੇਣਦਾਰੀਆਂ ਦੇ ਭੁਗਤਾਨ ਨੂੰ ਡਿਫਾਲਟ ਕਰ ਦਿਤਾ ਸੀ ਕਿਉਂਕਿ ਕੰਪਨੀ ਕੋਲ ਨਕਦੀ ਨਹੀਂ ਹੈ। ਆਰਬੀਆਈ ਨੇ ਕਿਹਾ ਕਿ ਹੈ

ਲਗਾਤਾਰ ਤਰਲਤਾ ਲੋੜਾਂ ਦੇ ਆਧਾਰ ਤੇ ਅੱਗੇ ਵੱਧਦੇ ਹੋਏ ਆਰਬੀਆਈ ਨੇ ਇਹ ਫੈਸਲਾ ਲਿਆ ਹੈ ਕਿ ਉਹ ਓਪਨ ਮਾਰਕਿਟ ਓਪਰੇਸ਼ਨਸ ਅਧੀਨ ਸਾਲ 2018 ਵਿਚ ਨੰਵਬਰ ਵਿਚ ਲਗਭਗ 400 ਅਰਬ ਡਾਲਰ ਰਕਮ ਦੀ ਸਰਕਾਰੀ ਪ੍ਰਤੀਭੂਤੀਆਂ ਦੀ ਖਰੀਦਾਰੀ ਕਰੇਗੀ। ਕੇਂਦਰੀ ਬੈਂਕ ਨੇ ਕਿਹਾ ਕਿ ਨੀਲਾਮੀ ਦੀ ਤਰੀਕ ਅਤੇ ਉਸ ਨੀਲਾਮੀ ਵਿਚ ਖਰੀਦੀ ਜਾਣ ਵਾਲੀਆਂ

ਸਰਕਾਰੀ ਪ੍ਰਤੀਭੂਤੀਆਂ ਸਬੰਧੀ ਜਾਣਕਾਰੀ ਬਾਅਦ ਵਿਚ ਦਿਤੀ ਜਾਵੇਗੀ। ਬਿਆਨ ਵਿਚ ਕਿਹਾ ਗਿਆ ਕਿ ਓਐਮਓ ਦੀ ਰਕਮ ਸੰਕੇਤਕ ਹੈ ਅਤੇ ਆਰਬੀਆਈ ਲੋੜ ਮੁਤਾਬਕ ਇਸ ਵਿਚ ਬਦਲਾਅ ਕਰ ਸਕਦਾ ਹੈ। ਜੋ ਕਿ ਉਸ ਸਮੇਂ ਤਰਲਤਾ ਦੀ ਸਥਿਤੀ ਅਤੇ ਬਜ਼ਾਰ ਦੀ ਹਾਲਤ ਤੇ ਨਿਰਭਰ ਕਰਦਾ ਹੈ।