ਭਾਰਤੀ ਰੇਲਵੇ ਵਲੋਂ ਦਲਾਲਾਂ 'ਤੇ ਸ਼ਿਕੰਜਾ, ਆਨਲਾਈਨ ਟਿਕਟ ਬੁਕਿੰਗ 'ਚ ਕੀਤੇ ਕਈ ਵੱਡੇ ਬਦਲਾਅ

Vendors on Broker Railways made big changes Online Ticket Booking

ਨਵੀਂ ਦਿੱਲੀ : ਭਾਰਤੀ ਰੇਲਵੇ ਨੇ ਦਲਾਲਾਂ ਦੀ ਦਖ਼ਲਅੰਦਾਜ਼ੀ ਨੂੰ ਰੋਕਣ ਅਤੇ ਆਮ ਲੋਕਾਂ ਦੀ ਪਰੇਸ਼ਾਨੀ ਨੂੰ ਦੂਰ ਕਰਨ ਦੀ ਦਿਸ਼ਾ ਵਿਚ ਇਕ ਅਹਿਮ ਕਦਮ ਉਠਾਇਆ ਹੈ। ਆਨਲਾਈਨ ਟਿਕਟ ਬੁਕਿੰਗ 'ਚ ਦਲਾਲਾਂ 'ਤੇ ਨਕੇਲ ਕਸਣ ਦੇ ਇਰਾਦੇ ਨਾਲ ਰੇਲਵੇ ਨੇ ਕਈ ਬਦਲਾਅ ਕੀਤੇ ਹਨ। ਤਤਕਾਲ ਸ਼੍ਰੇਣੀ ਵਿਚ ਇਕ ਆਈਡੀ ਤੋਂ ਲਾਗਿਨ ਕਰਨ 'ਤੇ ਸਿਰਫ਼ ਇਕ ਹੀ ਟਿਕਟ ਦੀ ਬੁਕਿੰਗ ਹੋਵੇਗੀ। ਦੂਜੇ ਟਿਕਟ ਲਈ ਫਿਰ ਤੋਂ ਲਾਗਿਨ ਕਰਨੀ ਹੋਵੇਗੀ। 

ਉਥੇ ਇਕ ਲਾਗਿਨ ਨਾਲ ਇਕ ਦਿਨ ਵਿਚ ਦੋ ਟਿਕਟ ਅਤੇ ਇਕ ਮਹੀਨੇ ਵਿਚ ਛੇ ਟਿਕਟ ਤੋਂ ਜ਼ਿਆਦਾ ਦੀ ਬੁਕਿੰਗ ਨਹੀਂ ਹੋਵੇਗੀ। ਇਸ ਤੋਂ ਇਲਾਵਾ ਐਡਵਾਂਸ ਰਿਜ਼ਰਵੇਸ਼ਨ ਦਾ ਓਪਨਿੰਗ ਟਿਕਟ ਵੀ ਹੁਦ ਦੋ ਤੋਂ ਜ਼ਿਆਦਾ ਬੁੱਕ ਨਹੀਂ ਕਰ ਸਕਦੇ। ਇਕ ਯੂਜ਼ਰ ਇਕ ਵਾਰ ਦੋ ਵਿੰਡੋ ਤੋਂ ਅਪਣੀ ਆਈਡੀ ਨੂੰ ਅਪਰੇਟ ਨਹੀਂ ਕਰ ਸਕੇਗਾ। 

ਖ਼ਬਰਾਂ ਮੁਤਾਬਕ ਇਕ ਵਾਰ ਦੋ ਤੋਂ ਜ਼ਿਆਦਾ ਤਤਕਾਲ ਟਿਕਟ ਦੀ ਬੁਕਿੰਗ ਨਹੀਂ ਹੋਵੇਗੀ। ਇਕ ਆਈਡੀ 'ਤੇ ਮਹੀਨੇ ਵਿਚ ਛੇ ਤੋਂ ਜ਼ਿਆਦਾ ਟਿਕਟ ਬੁੱਕ ਨਹੀਂ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ ਆਧਾਰ ਲਿੰਗ ਆਈਡੀ ਨਾਲ ਮਹੀਨੇ ਵਿਚ 12 ਟਿਕਟ ਤਕ ਬੁੱਕ ਕਰਨ ਦੀ ਛੋਟ ਦਿਤੀ ਗਈ ਹੈ ਪਰ ਇਸ ਵਿਚ ਘੱਟ ਤੋਂ ਘੱਟ ਇਕ ਯਾਤਰੀ ਦਾ ਆਧਾਰ ਵੈਰੀਫਾਈਡ ਹੋਣਾ ਜ਼ਰੂਰੀ ਹੈ। 

ਇਸ ਦੇ ਨਾਲ ਹੀ ਹੁਣ ਆਨਲਾਈਨ ਰਿਜ਼ਰਵੇਸ਼ਨ ਪਰਚੀ ਭਰਨ ਲਈ ਪ੍ਰਤੀ ਯਾਤਰੀ 25 ਸਕਿੰਟ ਦਾ ਸਮਾਂ ਤੈਅ ਕੀਤਾ ਗਿਆ ਹੈ ਜਦਕਿ ਭੁਗਤਾਨ ਲਈ ਜ਼ਿਆਦਾਤਰ 10 ਸਕਿੰਟ ਦਾ ਸਮਾਂ ਤੈਅ ਕੀਤਾ ਗਿਆ ਹੈ। ਕੈਪਚਾ ਲਈ 5 ਸਕਿੰਟ ਦਾ ਸਮਾਂ ਤੈਅ ਹੈ। ਹੁਣ ਲਾਗਿਨ ਕਰਦੇ ਸਮੇਂ, ਯਾਤਰੀਆਂ ਦਾ ਵੇਰਵਾ ਦਿੰਦੇ ਸਮੇਂ ਅਤੇ ਭੁਗਤਾਨ ਦੇ ਸਮੇਂ ਵੱਖ-ਵੱਖ ਕੈਪਚਾ ਦੇਣਾ ਹੋਵੇਗਾ।