Bank Fraud : ਈ.ਡੀ. ਨੇ ਗੌਤਮ ਥਾਪਰ ਦੀ 78 ਕਰੋੜ ਰੁਪਏ ਦੀ ਜ਼ਮੀਨ ਜ਼ਬਤ ਕੀਤੀ 

Bank Fraud :  ਨਵੀਂ ਦਿੱਲੀ ’ਚ ਯੈੱਸ ਬੈਂਕ ’ਚ 466 ਕਰੋੜ ਰੁਪਏ ਤੋਂ ਵੱਧ ਦੀ ਕਥਿਤ ਬੈਂਕ ਕਰਜ਼ਾ ਧੋਖਾਧੜੀ ਦੀ ਜਾਂਚ ਦੇ ਹਿੱਸੇ ਵਜੋਂ ਕਾਰੋਬਾਰੀ ਗੌਤਮ ਥਾਪਰ ਦੀ ਮਲਕੀਅਤ ਵਾਲੀ ਇਕ ਕੰਪਨੀ ਦੀ 78 ਕਰੋੜ ਰੁਪਏ ਤੋਂ ਵੱਧ ਦੀ ਜ਼ਮੀਨ ਜ਼ਬਤ ਕੀਤੀ ਗਈ ਹੈ। ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ.ਡੀ.) ਨੇ ਸਨਿਚਰਵਾਰ ਨੂੰ ਇਹ ਜਾਣਕਾਰੀ ਦਿਤੀ। 

ਈ.ਡੀ. ਨੇ ਇਕ ਬਿਆਨ ਵਿਚ ਕਿਹਾ ਕਿ ਹਰਿਆਣਾ ਦੇ ਗੁਰੂਗ੍ਰਾਮ ਜ਼ਿਲ੍ਹੇ ਵਿਚ 52.11 ਏਕੜ ਜ਼ਮੀਨ ਅਸਥਾਈ ਤੌਰ ’ਤੇ ਕੁਰਕ ਕੀਤੀ ਗਈ ਹੈ। ਇਹ ਜਾਂਚ ਓਇਸਟਰ ਬਿਲਡਵੈਲ ਪ੍ਰਾਈਵੇਟ ਲਿਮਟਿਡ (ਓ.ਬੀ.ਪੀ.ਐਲ.) ਨਾਂ ਦੀ ਕੰਪਨੀ ਨਾਲ ਸਬੰਧਤ ਐਮਟੇਕ ਗਰੁੱਪ ਖਿਲਾਫ਼ ਵੀ ਕੀਤੀ ਕਾਰਵਾਈਹੈ, ਜਿਸ ਦੇ ਮਾਲਕ ਗੌਤਮ ਥਾਪਰ ਨੂੰ ਫਾਇਦਾ ਹੋਇਆ ਹੈ। 

ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ.ਡੀ.) ਨੇ ਮਨੀ ਲਾਂਡਰਿੰਗ ਰੋਕੂ ਕਾਨੂੰਨ (ਪੀ.ਐਮ.ਐਲ.ਏ.) ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਥਾਪਰ, ਓ.ਬੀ.ਪੀ.ਐਲ. ਅਤੇ ਕਾਰੋਬਾਰੀ ਅਵੰਤਾ ਰੀਅਲਟੀ ਲਿਮਟਿਡ ਦੀ ਮਲਕੀਅਤ ਵਾਲੀ ਇਕ ਹੋਰ ਕੰਪਨੀ ਦੇ ਵਿਰੁਧ ਸੀ.ਬੀ.ਆਈ. ਐਫ.ਆਈ.ਆਰ. ਦਰਜ ਕੀਤੀ ਹੈ।

(For more news apart from E.D. seized Gautam Thapar's land worth 78 crore rupees News in Punjabi, stay tuned to Rozana Spokesman)