Ex-Samajwadi Party spokesperson Pankhuri Pathak

ਅਲੀਗੜ੍ਹ : ਸਪਾ ਦੀ ਸਾਬਕਾ ਮਹਿਲਾ ਬੁਲਾਰਾ ਪੰਖੁੜੀ ਪਾਠਕ ਨੇ ਅੱਜ ਇਲਜ਼ਾਮ ਲਗਾਇਆ ਕਿ ਬਜਰੰਗ ਦਲ ਦੇ ਮੈਬਰਾਂ ਨੇ ਉਨ੍ਹਾਂ ਉਤੇ ਹਮਲਾ ਕੀਤਾ। ਪੰਖੜੀ ਨੇ ਟਵੀਟ ਕੀਤਾ ਕਿ ਬਜਰੰਗ ਦਲ ਨੇ ਹਮਲਾ ਕੀਤਾ। ਪਹਿਲਾਂ ਉਨ੍ਹਾਂ ਨੇ ਸਾਨੂੰ ਭੜਕਾਉਣ ਦੀ ਕੋਸ਼ਿਸ਼ ਕੀਤਾ ਪਰ ਜਦੋਂ ਅਜਿਹਾ ਨਹੀਂ ਹੋਇਆ ਤਾਂ ਉਨ੍ਹਾਂ ਨੇ ਹਮਲਾ ਕਰ ਦਿਤਾ। ਹਮਲਾ ਪਹਿਲਾਂ ਹੀ ਯੋਜਨਾਬੱਧ ਸੀ। ਕੀ ਉੱਤਰ ਪ੍ਰਦੇਸ਼ ਪੁਲਿਸ, ਯੋਗੀ ਆਦਿਤਿਅਨਾਥ ਅਤੇ ਪੁਲਿਸ ਮਹਾਨਿਰਦੇਸ਼ਕ ਵਿਚ ਇਹਨਾਂ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰਨ ਦੀ ਹਿੰਮਤ ਹੈ।

ਉਨ੍ਹਾਂ ਨੇ ਅਤਰੌਲੀ ਤੋਂ ਪਰਤ ਕੇ ਪੱਤਰਕਾਰਾਂ ਨੂੰ ਕਿਹਾ ਕਿ ਉਨ੍ਹਾਂ ਉਤੇ ਅਤੇ ਉਨ੍ਹਾਂ ਦੀ ਟੀਮ ਦੇ ਘੱਟ ਤੋਂ ਘੱਟ ਤਿੰਨ ਮੈਬਰਾਂ 'ਤੇ ਕਥਿਤ ਰੂਪ ਨਾਲ ਹਮਲਾ ਕੀਤਾ ਗਿਆ। ਹਮਲਾ ਕਥਿਤ ਬਜਰੰਗ ਦਲ ਕਰਮਚਾਰੀਆਂ ਨੇ ਕੀਤਾ, ਜਿਸ ਵਿਚ ਅਸੀਂ ਜ਼ਖ਼ਮੀ ਹੋ ਗਏ। ਹਮਲਾ ਪੁਲਿਸ ਦੀ ਹਾਜ਼ਰੀ ਵਿਚ ਕੀਤਾ ਗਿਆ ਅਤੇ ਉਨ੍ਹਾਂ ਦੀ ਕਾਰਾਂ 'ਤੇ ਪਥਰਾਅ ਵੀ ਕੀਤਾ ਗਿਆ।  ਪੰਖੁੜੀ ਨੇ ਕਿਹਾ ਕਿ ਸਾਨੂੰ ਫਿਰ ਤੋਂ ਅਤਰੌਲੀ ਨਾ ਆਉਣ ਦੀ ਧਮਕੀ ਦਿਤੀ ਗਈ। ਅਸੀਂ ਇਸ ਮਾਮਲੇ ਦੀ ਸੂਚਨਾ ਅਲੀਗੜ੍ਹ ਪੁਲਿਸ ਨੂੰ ਨਹੀਂ ਦੇ ਰਹੇ ਹਾਂ ਕਿਉਂਕਿ ਸਾਨੂੰ ਉਸ ਉਤੇ ਭਰੋਸਾ ਨਹੀਂ ਰਹਿ ਗਿਆ।

ਅਸੀਂ ਦਿੱਲੀ ਪਰਤ ਰਹੇ ਹਾਂ ਅਤੇ ਅੱਗੇ ਦੀ ਕਾਰਵਾਈ ਉਥੇ ਹੀ ਤੈਅ ਕਰਣਗੇ। ਉਨ੍ਹਾਂ ਨੇ ਕਿਹਾ ਕਿ ਕਥਿਤ ਪੁਲਿਸ ਮੁਠਭੇੜ ਵਿਚ ਮਾਰੇ ਗਏ ਲੋਕਾਂ ਦੇ ਪਰਵਾਰਾਂ ਨੂੰ ਮਿਲਣ ਦਾ ਸਾਡਾ ਮਕਸਦ ਸਿਰਫ ਇਹੀ ਸੀ ਕਿ ਅਸੀਂ ਪਤਾ ਲਗਾ ਸਕਣ ਕਿ ਮਨੁਖੀ ਆਧਾਰ 'ਤੇ ਉਨ੍ਹਾਂ ਨੂੰ ਕਿਸੇ ਸ਼ੋਸ਼ਣ ਦਾ ਸਾਹਮਣਾ ਤਾਂ ਨਹੀਂ ਕਰਨਾ ਪੈ ਰਿਹਾ ਹੈ।  ਕਈ ਵਾਰ ਕੋਸ਼ਿਸ਼ ਕਰਨ ਤੋਂ ਬਾਅਦ ਜਿਲ੍ਹੇ ਦਾ ਕੋਈ ਉਤਮ ਪੁਲਿਸ ਅਧਿਕਾਰੀ ਟਿੱਪਣੀ ਲਈ ਉਪਲਬਧ ਨਹੀਂ ਹੋ ਪਾਇਆ।  ਇਸ ਵਿਚ, ਵਿਸ਼ਵ ਹਿੰਦੂ ਪਰਿਸ਼ਦ (ਪੱਛਮੀ ਉਤਰ ਪ੍ਰਦੇਸ਼) ਦੇ ਇਕ ਸੀਨੀਅਰ ਅਹੁਦਾ ਅਧਿਕਾਰੀ ਨੇ ਇਲਜ਼ਾਮਾਂ ਨੂੰ ਪੂਰੀ ਤਰ੍ਹਾਂ ਝੂਠ ਅਤੇ ਗਲਤ ਕਰਾਰ ਦਿਤਾ ਹੈ।