Shuttering of under construction building collapses

ਨੋਇਡਾ : ਨੋਇਡਾ ਦੇ ਸੈਕਟਰ 94 ਵਿਚ ਐਤਵਾਰ ਸਵੇਰੇ ਇਕ ਨਿਰਮਾਣ ਅਧੀਨ ਭਵਨ ਦੀ ਲੋਹੇ ਦੀ ਸ਼ਟਰਿੰਗ ਡਿੱਗਣ ਨਾਲ ਉਸ ਦੇ ਹੇਠਾਂ ਦੱਬ ਕੇ ਚਾਰ ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ ਛੇ ਹੋਰ ਲੋਕ ਜ਼ਖ਼ਮੀ ਹੋ ਗਏ। ਜ਼ਖ਼ਮੀਆਂ ਵਿਚ ਦੋ ਲੋਕਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਪੁਲਿਸ ਸੁਪਰਡੈਂਟ (ਨਗਰ) ਅਵਨੀਸ਼ ਕੁਮਾਰ ਨੇ ਦੱਸਿਆ ਕਿ ਸੈਕਟਰ 39 ਥਾਣਾ ਖੇਤਰ ਦੇ ਸੈਕਟਰ 94 ਵਿਚ ਬੀਪੀਟੀਪੀ ਬਿਲਡਰ ਇਕ ਹਾਈਰਾਈਜ਼ ਇਮਾਰਤ ਬਣਾ ਰਿਹਾ ਹੈ। ਐਤਵਾਰ ਸਵੇਰੇ ਲਗਭੱਗ 10 ਵਜੇ ਇਮਾਰਤ ਦੀ ਉਸਾਰੀ ਵਿਚ ਲਗਾਈ ਗਈ ਲੋਹੇ ਦੀ ਸ਼ਟਰਿੰਗ ਅਚਾਨਕ ਡਿੱਗ ਗਈ।

ਘਟਨਾ ਵਿਚ ਉੱਥੇ ਖੜੇ 10 ਮਜਦੂਰ ਮਲਬੇ ਵਿਚ ਦੱਬ ਗਏ। ਉਨ੍ਹਾਂ ਨੇ ਦੱਸਿਆ ਕਿ ਮੌਕੇ 'ਤੇ ਪੁੱਜੇ ਪੁਲਿਸ ਦਲ ਨੇ ਸ਼ਟਰਿੰਗ ਦੇ ਹੇਠਾਂ ਦੱਬੇ ਹੋਏ 10 ਮਜਦੂਰਾਂ ਅਸ਼ੋਕ, ਵਿਜੈਪਾਲ, ਮਹੇਸ਼, ਅਜੇ, ਸਾਦਾਬ, ਨੌਸ਼ਾਦ, ਕਰਨ, ਨਸਰੁਲ, ਰਾਮ ਜੈ ਕੁਮਾਰ ਅਤੇ ਚਕਰਧਾਰੀ ਨੂੰ ਬਾਹਰ ਕੱਢਿਆ।  ਇਸ ਸਾਰੀਆਂ ਨੂੰ ਨੋਇਡਾ ਅਤੇ ਦਿੱਲੀ ਦੇ ਵੱਖਰੇ ਹਸਪਤਾਲਾਂ ਵਿਚ ਲਿਜਾਇਆ ਗਿਆ। ਉਨ੍ਹਾਂ ਨੇ ਦੱਸਿਆ ਕਿ ਉਪਚਾਰ ਦੇ ਦੌਰਾਨ ਨੌਸ਼ਾਦ, ਰਾਮ ਜੈ ਕੁਮਾਰ, ਕਰਨ ਅਤੇ ਅਸ਼ੋਕ ਦੀ ਮੌਤ ਹੋ ਗਈ। ਹੋਰ ਜ਼ਖ਼ਮੀਆਂ ਵਿਚੋਂ ਦੋ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।

ਪੁਲਿਸ ਸੁਪਰਡੈਂਟ ਦਾ ਕਹਿਣਾ ਹੈ ਕਿ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪਹਿਲੀ ਨਜ਼ਰ ਵਿਚ ਮਾਮਲਾ ਬਿਲਡਰ ਦੀ ਲਾਪਰਵਾਈ ਦਾ ਲੱਗ ਰਿਹਾ ਹੈ। ਅਧਿਕਾਰੀ ਨੇ ਕਿਹਾ ਕਿ ਇਸ ਸਬੰਧ ਵਿਚ ਲਾਸ਼ਾਂ ਦੇ ਪਰਵਰ ਵਾਲਿਆ ਤੋਂ ਸਹਿਯੋਗ ਮਿਲਣ 'ਤੇ ਪੁਲਿਸ ਅੱਗੇ ਦੀ ਕਾਰਵਾਈ ਕਰੇਗੀ। ਉਨ੍ਹਾਂ ਨੇ ਦੱਸਿਆ ਕਿ ਰਾਸ਼ਟਰੀ ਆਫਤ ਪ੍ਰਬੰਧਨ ਫੋਰਸ ਅਤੇ ਫਾਇਰ ਡਿਪਾਰਟਮੈਂਟ ਦੀਆਂ ਟੀਮਾਂ ਮੌਕੇ 'ਤੇ ਮੌਜੂਦ ਹਨ।

ਘਟਨਾ ਦੀ ਵਜ੍ਹਾ ਨਾਲ ਸੈਕਟਰ 94 ਦੀ ਉਸਾਰੀ ਅਧੀਨ ਸਾਈਟਾਂ 'ਤੇ ਕੰਮ ਕਰ ਰਹੇ ਮਜਦੂਰਾਂ ਵਿਚ ਹੜਕੰਪ ਮੱਚ ਗਿਆ ਹੈ। ਮੌਕੇ 'ਤੇ ਹਜ਼ਾਰਾਂ ਦੀ ਗਿਣਤੀ ਵਿਚ ਮਜਦੂਰ ਇਕੱਠੇ ਹੋ ਗਏ ਸਨ ਜਿਨ੍ਹਾਂ ਨੂੰ ਪੁਲਿਸ ਨੇ ਸਮਝਾ ਬੁਝਾ ਕੇ ਉਥੇ ਤੋਂ ਹਟਾਇਆ।