ਜਲਦੀ ਹੀ ਆਉਣਗੇ ਦੋ ਹੋਰ ਸਵਦੇਸ਼ੀ ਕੋਰੋਨਾ ਰੋਕੂ ਟੀਕੇ - ਮਨਸੁਖ ਮਾਂਡਵੀਆ
ਆਲਮੀ ਪੱਧਰ 'ਤੇ ਮਾਰ ਕਰ ਰਹੀ ਕੋਰੋਨਾ ਮਹਾਂਮਾਰੀ ਨਾਲ ਨਜਿੱਠਣ ਲਈ ਹਰ ਸੰਭਵ ਯਤਨ ਅਤੇ ਹਲ੍ਹ ਕੱਢੇ ਜਾ ਰਹੇ ਹਨ।
ਨਵੀਂ ਦਿੱਲੀ : ਆਲਮੀ ਪੱਧਰ 'ਤੇ ਮਾਰ ਕਰ ਰਹੀ ਕੋਰੋਨਾ ਮਹਾਂਮਾਰੀ ਨਾਲ ਨਜਿੱਠਣ ਲਈ ਹਰ ਸੰਭਵ ਯਤਨ ਅਤੇ ਹਲ੍ਹ ਕੱਢੇ ਜਾ ਰਹੇ ਹਨ।
ਕੋਰੋਨਾ ਦੇ ਆਏ ਨਵੇਂ ਰੂਪ ਓਮੀਕਰੋਨ ਦੇ ਮੱਦੇਨਜ਼ਰ ਵੀ ਵੱਡੇ ਪੱਧਰ 'ਤੇ ਸੁਰੱਖਿਆ ਤਰੀਕੇ ਆਪਣੇ ਜਾ ਰਹੇ ਹਨ ਅਤੇ ਕਈ ਜਗਾ ਸਖਤੀ ਵੀ ਕਰ ਦਿਤੀ ਗਈ ਹੈ। ਸਰਕਾਰ ਵਲੋਂ ਜਨਤਾ ਨੂੰ ਕੋਰੋਨਾ ਰੋਕੂ ਟੀਕੇ ਲਗਾਉਣ ਅਤੇ ਸਾਵਧਾਨੀਆਂ ਵਰਤਣ ਦੀ ਸਲਾਹ ਦਿਤੀ ਜਾ ਰਹੀ ਹੈ।
ਇਸ ਦੇ ਚਲਦਿਆਂ ਹੀ ਹੁਣ ਇਕ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ ਉਹ ਇਹ ਕਿ ਹੁਣ ਜਲਦੀ ਹੀ ਭਾਰਤ ਵਿਚ ਦੋ ਹੋਰ ਕੋਰੋਨਾ ਮਾਰੂ ਟੀਕੇ ਮੁਹਈਆ ਕਰਵਾਏ ਜਾਣਗੇ ।
ਇਸ ਬਾਬਤ ਸਿਹਤ ਮੰਤਰੀ ਮਨਸੁਖ ਮਾਂਡਵੀਆ ਨੇ ਲੋਕ ਸਭਾ ਵਿੱਚ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਦੋ ਹੋਰ ਸਵਦੇਸ਼ੀ ਕੋਵਿਡ -19 ਟੀਕੇ ਉਪਲਬਧ ਹੋਣਗੇ।
ਇਸ ਦੌਰਾਨ ਭਾਜਪਾ ਸੰਸਦ ਭਵਨ ਕੰਪਲੈਕਸ ਦੀ ਬਜਾਏ ਮੰਗਲਵਾਰ ਨੂੰ ਅੰਬੇਡਕਰ ਇੰਟਰਨੈਸ਼ਨਲ ਸੈਂਟਰ 'ਚ ਆਪਣੀ ਸੰਸਦੀ ਦਲ ਦੀ ਬੈਠਕ ਕਰੇਗੀ।
ਕੋਰੋਨਾ ਰੋਕੂ ਟੀਕਿਆਂ 'ਤੇ ਬੋਲਦਿਆਂ ਸਿਹਤ ਮੰਤਰੀ ਨੇ ਕਿਹਾ ਕਿ ਦੋਵਾਂ ਨਵਿਆਂ ਟੀਕਿਆਂ ਲਈ ਤੀਜੇ ਪੜਾਅ ਦੇ ਟ੍ਰਾਇਲ ਦੇ ਅੰਕੜੇ ਜਮ੍ਹਾ ਕਰ ਦਿੱਤੇ ਗਏ ਹਨ।
ਮਾਂਡਵੀਆ ਨੇ ਕਿਹਾ, "ਸਾਨੂੰ ਉਮੀਦ ਹੈ ਕਿ (ਦੋ ਟੀਕਿਆਂ ਦੇ) ਡੇਟਾ ਅਤੇ ਟ੍ਰਾਇਲ ਸਫਲ ਹੋਣਗੇ। ਇਹ ਦੋਵੇਂ ਕੰਪਨੀਆਂ ਭਾਰਤੀ ਹਨ, ਦੇਸ਼ ਵਿੱਚ ਖੋਜ ਅਤੇ ਨਿਰਮਾਣ ਵੀ ਕੀਤਾ ਗਿਆ ਹੈ," ਮਾਂਡਵੀਆ ਨੇ ਕਿਹਾ, ਸਰਕਾਰ ਦੀ ਮਦਦ ਨਾਲ ਭਾਰਤੀ ਵਿਗਿਆਨੀਆਂ ਨੇ ਸਿਰਫ਼ 9 ਮਹੀਨਿਆਂ ਵਿੱਚ ਕੋਵਿਡ-19 ਦਾ ਟੀਕਾ ਵਿਕਸਿਤ ਕੀਤਾ ਹੈ।