"ਪਿਓ ਨਾਲ ਧੀ ਦੇ ਵਿਆਹ" ਦਾ ਦਾਅਵਾ ਕਰਦਾ ਇਹ ਵੀਡੀਓ ਇੱਕ ਸਕ੍ਰਿਪਟਿਡ ਨਾਟਕ ਹੈ- Spokesman Fact Check

This video claiming "father to daughter marriage" is a scripted drama - Spokesman Fact Check

 

Spokesman Fact Check: ਸੋਸ਼ਲ ਮੀਡਿਆ 'ਤੇ ਇੱਕ ਵਾਇਰਲ ਵੀਡੀਓ ਜਿਸ 'ਚ ਇੱਕ ਕੁੜੀ ਨੂੰ ਆਪਣੇ ਤੋਂ ਵੱਡੇ ਵਿਅਕਤੀ ਨਾਲ ਵਿਆਹ ਕਰਵਾਉਂਦੇ ਵੇਖਿਆ ਜਾ ਸਕਦਾ ਹੈ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇੱਕ 24 ਸਾਲਾਂ ਧੀ ਨੇ ਆਪਣੇ ਹੀ ਪਿਓ ਨਾਲ ਵਿਆਹ ਰਚਾ ਲਿਆ ਅਤੇ ਜਦੋਂ ਉਸਨੂੰ ਪੁੱਛਿਆ ਗਿਆ ਕਿ ਅਜਿਹਾ ਕਿਉ ਕੀਤਾ ਤਾਂ ਉਸਨੇ ਜਵਾਬ ਦਿੱਤਾ ਕਿ "ਤੁਹਾਨੂੰ ਕੀ ਫਰਕ ਪੈਂਦਾ ਹੈ, ਅਸੀਂ ਖੁਸ਼ ਹਾਂ।''

 

ਫੇਸਬੁੱਕ ਪੇਜ "Now India Punjabi" ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "24 ਸਾਲਾਂ ਧੀ ਨੇ 50 ਸਾਲਾ ਦੇ ਪਿਓ ਨਾਲ ਕਰਵਾਇਆ ਵਿਆਹ

ਸਵਾਲ ਪੁੱਛਣ 'ਤੇ ਕਹਿੰਦੀ,''ਤੁਹਾਨੂੰ ਕੀ ਫਰਕ ਪੈਂਦਾ ਹੈ, ਅਸੀਂ ਖੁਸ਼ ਹਾਂ''

 

ਇਸ ਵੀਡੀਓ ਨੂੰ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।

 

https://fb.watch/wiN9bFfBPB/

 

ਸਪੋਕਸਮੈਨ ਦੀ Fact Check ਟੀਮ ਨੇ ਜਦੋਂ ਵਾਇਰਲ ਵੀਡੀਓ ਦੀ ਜਾਂਚ ਕੀਤੀ ਤਾਂ ਪਾਇਆ ਕਿ ਇਹ ਵੀਡੀਓ ਤਾਂ ਇੱਕ ਨਾਟਕ ਦਾ ਹਿੱਸਾ ਹੈ। ਹੁਣ ਨਾਟਕ ਦੇ ਵੀਡੀਓ ਨੂੰ ਬਿਨਾ ਪੜਤਾਲ ਕੀਤੇ ਗਲਤ ਪ੍ਰਚਾਰਿਆ ਜਾ ਰਿਹਾ ਹੈ।

 

Investigation

 

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

 

ਸਾਨੂੰ ਇਸ ਵੀਡੀਓ ਦਾ ਪੂਰਾ ਹਿੱਸਾ ਅੰਕਿਤਾ ਕਰੋਤੀਆ ਨਾਮਕ ਫੇਸਬੁੱਕ ਪੇਜ 'ਤੇ 2 ਨਵੰਬਰ 2024 ਦਾ ਸਾਂਝਾ ਮਿਲਿਆ। 7 ਮਿੰਟ ਲੰਬੇ ਇਸ ਵੀਡੀਓ ਦੇ 47ਵੇਂ ਸੈਕੰਡ 'ਤੇ ਸਾਨੂੰ ਇੱਕ ਡਿਸਕਲੇਮਰ ਮਿਲਿਆ ਜਿਸ ਉੱਤੇ ਜਾਣਕਾਰੀ ਦਿੱਤੀ ਗਈ ਸੀ ਕਿ ਇਹ ਵੀਡੀਓ ਮਨੋਰੰਜਨ ਦੇ ਉਦੇਸ਼ ਨਾਲ ਬਣਾਇਆ ਗਿਆ ਹੈ।

 

ਡਿਸਕਲੇਮਰ 'ਚ ਸਾਫ ਲਿਖਿਆ ਗਿਆ ਕਿ ਵੀਡੀਓ ਦਾ ਉਦੇਸ਼ ਨਸਲ, ਰੰਗ, ਵੰਸ਼, ਰਾਸ਼ਟਰੀ ਮੂਲ, ਉਮਰ, ਧਰਮ, ਵਿਆਹੁਤਾ ਜਾਂ ਮਾਤਾ-ਪਿਤਾ ਦੀ ਸਥਿਤੀ, ਸਰੀਰਕ ਜਾਂ ਮਾਨਸਿਕ ਅਸਮਰਥਤਾ ਦਾ ਅਪਮਾਨ ਜਾਂ ਬਦਨਾਮ ਕਰਨ ਦਾ ਨਹੀਂ ਹੈ।