Here is list of awardees of nari shakti puraskar 2019

ਨਵੀਂ ਦਿੱਲੀ: 8 ਮਾਰਚ ਨੂੰ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ਤੇ ਭਾਰਤ ਦੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਵੱਖ-ਵੱਖ ਖੇਤਰਾਂ ਵਿਚ ਵਿਸ਼ੇਸ਼ ਪਹਿਚਾਣ ਬਣਾਉਣ ਵਾਲੀਆਂ ਔਰਤਾਂ ਨੂੰ ਸਨਮਾਨਿਤ ਕੀਤਾ। ਨਾਰੀ ਸ਼ਕਤੀ ਪੁਸਰਕਾਰ ਪਾਉਣ ਵਾਲੀਆਂ ਇਹਨਾਂ ਔਰਤਾਂ ਵਿਚ 104 ਸਾਲ ਦੀ ਮਾਨ ਕੌਰ ਤੋਂ ਲੈ ਕੇ ਇੰਡੀਅਨ ਏਅਰਫੋਰਸ ਦੀ ਪਹਿਲੀ ਔਰਤ ਪਾਇਲਟਸ ਵਿਚ ਸ਼ਾਮਲ ਭਾਵਨਾ ਕਾਂਤ, ਮੋਹਨਾ ਜਿਤਰਵਾਲ ਅਤੇ ਅਵਨੀ ਚਤੁਰਵੇਦੀ ਸ਼ਾਮਲ ਹੈ।

ਇਸ ਤੋਂ ਇਲਾਵਾ ਜੰਮੂ-ਕਸ਼ਮੀਰ ਦੀ ਆਰਫਾ ਜਾਨ ਅਤੇ ਪਰਵਤਰੋਹੀ ਅੰਸ਼ੁ ਜੈਮਸੈਮੱਪਾ ਵੀ ਇਨਾਮ ਲੈਣ ਵਿਚ ਸ਼ਾਮਲ ਹੈ। ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਦੀ ਕਲਾਵਤੀ ਦੇਵੀ ਮਹਿਲਾ ਰਾਣੀ ਮਿਸਤਰੀ ਹੈ। ਕਲਾਵਤੀ ਦੇਵੀ ਨੇ ਕਾਨਪੁਰ ਅਤੇ ਇਸ ਦੇ ਆਸ ਪਾਸ 4000 ਤੋਂ ਵੱਧ ਪਖਾਨੇ ਬਣਾਏ ਹਨ। ਲੇਡੀ ਟਾਰਜਨ ਨਾਮ ਨਾਲ ਮਸ਼ਹੂਰ ਝਾਰਖੰਡ ਦੇ ਰਾਜਮਾਰਗ ਦੀ ਰਹਿਣ ਵਾਲੀ ਚਾਮੀ ਮੁਰਮੂ ਵੀ ਨਾਰੀ ਸ਼ਕਤੀ ਪੁਰਸਕਾਰ ਨਾਲ ਸਨਮਾਨਿਤ ਹੋਈ ਹੈ।

ਜੰਗਲਾਂ ਅਤੇ ਕੁਦਰਤੀ ਦੌਲਤ ਦੇ ਬਚਾਅ ਲਈ ਕੀਤੀਆਂ ਕੋਸ਼ਿਸ਼ਾਂ ਲਈ ਚਾਮੀ ਮੁਰਮੂ ਨੂੰ ਇਹ ਸਨਮਾਨ ਮਿਲਿਆ ਹੈ। ਸਾਲ 2018 ਵਿਚ ਏਅਰਫੋਰਸ ਦੀ ਪਹਿਲੀ ਔਰਤ ਫਲਾਈਟ ਪਾਇਲਟਸ ਦੇ ਰੂਪ ਵਿਚ ਤੈਨਾਤ ਹੋਈ ਮੋਹਨਾ ਜਿਤਰਵਾਲ, ਅਵਨੀ ਚਤੁਰਵੇਦੀ ਅਤੇ ਭਾਵਨਾ ਕਾਂਤ ਨੂੰ ਵੀ ਨਾਰੀ ਸ਼ਕਤੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।

2018 ਵਿਚ ਮਿਗ-21 ਜਹਾਜ਼ ਦੀ ਪਹਿਲੀ ਉਡਾਨ ਭਰਨ ਵਾਲੀ ਇਹ ਪਾਇਲਟਸ ਦਾ ਕਹਿਣਾ ਹੈ ਕਿ ਉਹ ਦੇਸ਼ ਦੀ ਸੇਵਾ ਲਈ ਕਾਫੀ ਮਿਹਨਤ ਅਤੇ ਤਿਆਰੀ ਕਰ ਰਹੀ ਹੈ। ਉਹਨਾਂ ਨੇ ਬਹੁਤ ਕੁੱਝ ਹਾਸਲ ਕਰਨਾ ਹੈ। ਬਿਹਾਰ ਦੀ ਬੀਨਾ ਦੇਵੀ ਮਸ਼ਰੂਮ ਮਹਿਲਾ ਦੇ ਨਾਮ ਨਾਲ ਮਸ਼ਹੂਰ ਹੈ। ਮਸ਼ਰੂਮ ਦੀ ਖੇਤੀ, ਜੈਵਿਕ ਖੇਤੀ ਅਤੇ ਜੈਵਿਕ ਖਾਦ ਨੂੰ ਵਧਾਵਾ ਦੇਣ ਲਈ ਉਹਨਾਂ ਨੂੰ ਸਨਮਾਨਿਤ ਕੀਤਾ ਗਿਆ ਹੈ। ਬੀਨਾ ਦੇਵੀ ਪੰਜ ਸਾਲ ਤਕ ਧੁੰਆਰੀ ਪੰਚਾਇਤ ਦੀ ਸਰਪੰਚ ਵੀ ਰਹੀ ਹੈ।

104 ਸਾਲ ਦੀ ਐਥਲੀਟ ਮਾਨ ਕੌਰ ਦੀ ਰਨਿੰਗ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸਨਮਾਨਿਤ ਕੀਤਾ ਗਿਆ ਹੈ। ਵਿਸ਼ਵ ਪੱਧਰ ਤੇ ਹੋਣ ਵਾਲੀਆਂ ਪ੍ਰਤੀਯੋਗਤਾਵਾਂ ਵਿਚ ਮਾਨ ਕੌਰ ਨੇ 30 ਤੋਂ ਜ਼ਿਆਦਾ ਤਮਗੇ ਜਿੱਤੇ ਹਨ। ਓਡੀਸ਼ਾ ਦੀ ਭੂਦੇਵੀ ਨੂੰ ਅਦਿਵਾਸੀ ਇਲਾਕਿਆਂ ਵਿਚ ਔਰਤਾਂ ਨੂੰ ਮਦਦ ਕਰਨ ਅਤੇ ਉਹਨਾਂ ਦੇ ਕਾਰੋਬਾਰ ਨੂੰ ਵਿਕਸਤ ਕਰਨ ਵਿਚ ਸਹਾਇਤਾ ਲਈ ਨਾਰੀ ਸ਼ਕਤੀ ਪੁਰਸਕਾਰ ਨਾਲ ਨਿਵਾਜਿਆ ਗਿਆ ਹੈ।

ਜੰਮੂ ਕਸ਼ਮੀਰ ਦੀ ਰਹਿਣ ਵਾਲੀ ਆਰਫਾ ਜਾਨ ਨੂੰ ਰਾਜ ਵਿਚ ਖਤਮ ਹੋ ਰਹੇ ਕ੍ਰਾਫਟ ਆਰਟ ਨੂੰ ਰਿਵਾਇਵ ਕਰਨ ਲਈ ਸਨਮਾਨਿਤ ਕੀਤਾ ਗਿਆ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਦੇ ਪਿਤਾ ਅਤੇ ਪਤੀ ਦੇ ਸਮਰਥਨ ਨਾਲ ਉਹ ਰੂੜੀਵਾਦੀ ਸਮਾਜ ਨਾਲ ਲੜਨ ਵਿਚ ਕਾਮਯਾਬ ਹੋਈ ਹੈ ਅਤੇ ਇੱਥੇ ਤਕ ਪਹੁੰਚੀ ਹੈ।

96 ਸਾਲ ਕਾਰਤੀਯਾਨੀ ਅੰਮਾ ਨੇ ਸਾਲ 2018 ਵਿਚ 100 ਵਿਚੋਂ 98 ਨੰਬਰ ਹਾਸਲ ਕੀਤੇ ਸਨ। ਕਾਰਤੀਯਾਨੀ ਅੰਮਾ ਅਤੇ ਭਾਗੀਰਥੀ ਅੰਮਾ ਨੂੰ ਸੰਯੁਕਤ ਰੂਪ ਤੋਂ ਨਾਰੀ ਸ਼ਕਤੀ ਪੁਰਸਕਾਰ ਦਿੱਤਾ ਗਿਆ। ਕੇਰਲ ਦੀ 105 ਸਾਲ ਦੀ ਭਾਗੀਰਥੀ ਅੰਮਾ ਨੇ ਇਸ ਉਮਰ ਵਿਚ ਚੌਥੀ ਜਮਾਤ ਦੇ ਪੱਧਰ ਦੀ ਪ੍ਰੀਖਿਆ ਚੰਗੇ ਨੰਬਰਾਂ ਨਾਲ ਹਾਸਲ ਕੀਤੀ।

ਭਾਗੀਰਥੀ ਨੇ ਨੌ ਸਾਲ ਦੀ ਉਮਰ ਵਿਚ ਮਾਂ ਦੇ ਦੇਹਾਂਤ ਕਾਰਨ ਅਪਣੀ ਪੜ੍ਹਾਈ ਛੱਡ ਦਿੱਤੀ ਸੀ। ਹੁਣ ਉਹਨਾਂ ਨੇ ਗਣਿਤ ਵਿਚੋਂ 75 ਚੋਂ 75 ਨੰਬਰ ਹਾਸਲ ਕੀਤੇ ਹਨ। ਭਾਗੀਰਥੀ ਅੰਮਾ ਨੂੰ ਵੀ ਨਾਰੀ ਸ਼ਕਤੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।    

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।