ਤੋਹਫ਼ਾ : ਸੁਪਰੀਮ ਕੋਰਟ 'ਚ ਕੰਮ ਕਰਨ ਵਾਲਿਆਂ ਦੇ ਬੱਚਿਆਂ ਲਈ ਕੋਰਟ ਕੰਪਲੈਕਸ 'ਚ ਖੁੱਲ੍ਹੇਗਾ ਕ੍ਰੈਚ

supreme court to have operational creche facility from may first

ਨਵੀਂ ਦਿੱਲੀ : ਸੁਪਰੀਮ ਕੋਰਟ ਕੰਪਲੈਕਸ ਵਿਚ ਇਕ ਮਈ ਤੋਂ ਛੋਟੇ ਬੱਚਿਆਂ ਲਈ ਸਾਰੀਆਂ ਸਹੂਲਤਾਂ ਨਾਲ ਲੈਸ ਕ੍ਰੈਚ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਅਦਾਲਤ ਵਲੋਂ ਮਨਜ਼ੂਰ ਨਵੇਂ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਇਸ ਦੇ ਨਵੇਂ ਵਿਸ਼ਾਲ ਅਨੈਕਸੀ ਭਵਨ ਕੰਪਲੈਕਸ ਵਿਚ ਤਿਆਰ ਇਹ ਕ੍ਰੈਚ ਸੀਨੀਅਰ ਅਦਾਲਤ ਦੇ ਕਰਮਚਾਰੀਆਂ ਅਤੇ ਤਾਇਨਾਤ ਵਕੀਲ ਮਾਪਿਆਂ ਦੇ ਬੱਚਿਆਂ ਲਈ ਬਣਾਇਆ ਗਿਆ ਹੈ, ਜੋ ਇਸ ਨਵੇਂ ਸੁਵਿਧਾ ਕੇਂਦਰ ਵਿਚ ਅਪਣੇ ਛੋਟੇ ਬੱਚਿਆਂ ਨੂੰ ਦੇਖਭਾਲ ਲਈ ਰੱਖ ਸਕਦੇ ਹਨ। 

ਸੀਨੀਅਰ ਅਦਾਲਤ ਨੇ ਕਿਹਾ ਕਿ ਕ੍ਰੈਚ ਸ਼ੁਰੂ ਹੋਣ 'ਤੇ ਲੋਕਾਂ ਦੇ ਤਜਰਬਿਆਂ ਦੇ ਆਧਾਰ 'ਤੇ ਫ਼ੀਸ ਦੇ ਸਵਾਲ ਸਮੇਤ ਕ੍ਰੈਚ ਸੰਚਾਲਨ ਦੇ ਮਾਪਦੰਡਾਂ 'ਤੇ ਫਿਰ ਤੋਂ ਵਿਚਾਰ ਕੀਤਾ ਜਾਵੇਗਾ। ਜਸਟਿਸ ਰੰਜਨ ਗੋਗੋਈ ਅਤੇ ਜਸਟਿਸ ਆਰ ਭਾਨੂਮਤੀ ਦੀ ਬੈਂਚ ਨੇ ਸੁਪਰੀਮ ਕੋਰਟ ਵਿਚ ਕ੍ਰੈਚ ਲਈ ਮਸੌਦਾ ਅਰਜ਼ੀ ਰਜਿਸਟ੍ਰੇਸ਼ਨ ਫ਼ਾਰਮ, ਮਸੌਦਾ ਪੱਤਰ ਅਤੇ ਸੋਧੇ ਹੋਏ ਮਾਪਦੰਡਾਂ-ਦਿਸ਼ਾ ਨਿਰਦੇਸ਼ਾਂ ਨੂੰ ਮਨਜ਼ੂਰੀ ਦਿਤੀ। 

ਬੈਂਚ ਨੇ ਰਜਿਸਟਰੀ ਨੂੰ ਮਹਿਲਾ ਅਤੇ ਬਾਲ ਵਿਕਾਸ ਮੰਰਤਾਲਾ ਦੇ ਜ਼ਰੀਏ ਇਸ ਸਹੂਲਤ ਦੇ ਆਊਟ ਸੋਰਸਿੰਗ ਲਈ ਸੰਭਾਵਨਾਵਾਂ ਲੱਭਣ ਦੇ ਨਿਰਦੇਸ਼ ਦਿਤੇ। ਬੈਂਚ ਨੇ ਕਿਹਾ ਕਿ ਸੁਪਰੀਮ ਕੋਰਟ ਰਜਿਸਟਰਾਰ ਇਹ ਯਕੀਨੀ ਕਰੇਗਾ ਕਿ ਇਕ ਮਈ 2018 ਤੋਂ ਕ੍ਰੈਚ ਦੀ ਸਹੂਲਤ ਸ਼ੁਰੂ ਹੋ ਜਾਵੇ। ਬੈਂਚ ਨੇ ਮਾਮਲੇ ਵਿਚ ਅਗਲੀ ਸੁਣਵਾਈ ਲਈ 10 ਜੁਲਾਈ ਦੀ ਤਰੀਕ ਤੈਅ ਕੀਤੀ ਹੈ। 

ਬੈਂਚ ਨਾਲ ਇਸ ਸਬੰਧ ਵਿਚ ਅੱਗੇ ਵਧਣ ਦਾ ਸੰਕੇਤ ਮਿਲਣ ਤੋਂ ਬਾਅਦ ਸੀਨੀਅਰ ਅਦਾਲਤ ਦੇ ਰਜਿਸਟਰਾਰ ਨੋਟੀਫਿਕੇਸ਼ਨ ਜਾਰੀ ਕਰਕੇ ਦਸਿਆ ਹੈ ਕਿ ਫਿ਼ਲਹਾਲ ਨਿਊ ਲਾਇਰਜ਼ ਚੈਂਬਰ ਦੇ ਰੂਮ ਨੰਬਰ 8 ਅਤੇ 9 ਵਿਚ ਚੱਲ ਰਿਹਾ ਕ੍ਰੈਚ ਹੁਣ ਨਵੇਂ ਅਨੈਕਸੀ ਭਵਨ ਵਿਚ ਛੇ ਮਹੀਨੇ ਤੋਂ ਛੇ ਸਾਲ ਦੀ ਉਮਰ ਦੇ ਜ਼ਿਆਦਾ ਤੋਂ ਜ਼ਿਆਦਾ 30 ਬੱਚਿਆਂ ਨੂੰ ਭਰਤੀ ਕਰਵਾਇਆ ਜਾ ਸਕੇਗਾ। ਫਿਲਹਾਲ ਇੱਥੇ 10 ਬੱਚੇ ਹੀ ਰੱਖੇ ਜਾਂਦੇ ਹਨ।