ਕੇਰਲ 'ਚ ਮਾਕਪਾ ਨੇਤਾ 'ਤੇ ਹਮਲੇ ਤੋਂ ਬਾਅਦ ਆਰਐਸਐਸ ਕਾਰਕੁੰਨ ਦਾ ਕਤਲ

RSS worker hacked to death

ਕੰਨੂਰ (ਕੇਰਲ), 8 ਮਈ : ਕੇਰਲ 'ਚ ਰਾਜਨੀਤਕ ਹਿੰਸਾ ਦੀ ਵਧਦੀ ਘਟਨਾਵਾਂ 'ਚ 'ਨਿਊ ਮਾਹੇ' 'ਚ ਰਾਸ਼ਟਰੀ ਸਮਾਜ ਸੇਵਕ ਸੰਘ ਦੇ ਇਕ ਕਾਰਕੁੰਨ ਦਾ ਕਥਿਤ ਤੌਰ 'ਤੇ ਕਤਲ ਕਰ ਦਿਤਾ ਗਿਆ। ਦਸਿਆ ਜਾਂਦਾ ਹੈ ਕਿ ਗੁਆਂਢੀ ਪੱਲੂਰ ਖੇਤਰ 'ਚ ਸੀਪੀਆਈ (ਐਮ) ਨੇਤਾ 'ਤੇ ਹੋਏ 'ਜਾਨਲੇਵਾ' ਹਮਲੇ ਦਾ ਬਦਲਾ ਲੈਣ ਲਈ ਆਰਐਸਐਸ ਕਰਮਚਾਰੀ ਦਾ ਕਤਲ ਕੀਤਾ ਗਿਆ ਹੈ। ਹਮਲੇ 'ਚ ਮਾਕਪਾ ਨੇਤਾ ਦੀ ਮੌਤ ਹੋ ਗਈ ਹੈ।

ਪੁਲਿਸ ਨੇ ਦਸਿਆ ਕਿ ਆਰਐਸਐਸ ਕਰਮਚਾਰੀ ਸ਼ੇਮਾਜ ਆਟੋ ਚਲਾਉਂਦਾ ਸੀ। ਬੀਤੀ ਰਾਤ ਆਟੋ ਤੋਂ ਬਾਹਰ ਖਿੱਚ ਕੇ ਉਸ ਦਾ ਕਤਲ ਕਰ ਦਿਤਾ ਗਿਆ। ਉਨ੍ਹਾਂ ਨੇ ਦਸਿਆ ਕਿ ਕੋਝਿਕੋੜ ਮੈਡੀਕਲ ਕਾਲਜ ਲਿਜਾਂਦੇ ਸਮੇਂ ਰਸਤੇ 'ਚ ਉਸ ਦੀ ਮੌਤ ਹੋ ਗਈ। ਨਿਊ ਮਾਹੇ ਇਲਾਕਾ ਕੰਨੂਰ ਥਾਣਾ ਖੇਤਰ 'ਚ ਆਉਂਦਾ ਹੈ ਜਦਕਿ ਮਾਹੇ ਇਲਾਕਾ ਪੁਡੁਚੇਰੀ ਦਾ ਹਿੱਸਾ ਹੈ। ਪੁਲਿਸ ਨੇ ਦਸਿਆ ਕਿ ਮਾਕਪਾ ਦੇ ਸਥਾਨਕ ਆਗੂ ਬਾਬੂ 'ਤੇ ਬੀਤੀ ਰਾਤ ਹੋਏ ਹਮਲੇ ਦੇ ਕੁੱਝ ਹੀ ਘੰਟਿਆਂ ਬਾਅਦ ਸ਼ੇਮਾਜ 'ਤੇ ਹਮਲਾ ਹੋਇਆ।

ਉਨ੍ਹਾਂ ਦਾ ਕਹਿਣਾ ਹੈ ਕਿ ਦੋਹੇਂ ਕਤਲ ਰਾਜਨੀਤਕ ਰੰਜਸ਼ ਦਾ ਨਤੀਜਾ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲਿਆਂ ਦੀ ਜਾਂਚ ਜਾਰੀ ਹੈ। ਇਸ 'ਚ ਭਾਜਪਾ ਅਤੇ ਸੀਪੀਆਈ (ਐਮ)  ਦੋਹਾਂ ਨੇ ਮਾਹੇ ਅਤੇ ਕੰਨੂਰ ਜਿਲ੍ਹਿਆਂ 'ਚ ਕਤਲਾਂ ਵਿਰੁਧ ਹੜਤਾਲ ਸੱਦਾ ਦਿਤਾ ਹੈ। ਇਸ ਸਮੇਂ ਦੌਰਾਨ ਕਿਸੇ ਅਣਸੁਖਾਵੀਂ ਘਟਨਾ ਤੋਂ ਬਚਣ ਲਈ ਮਜ਼ਬੂਤ ​​ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ।